ಇಂದಿನಿಂದ ರಾತ್ರಿ 12 ಗಂಟೆವರೆಗೂ ಮೆಟ್ರೋ ರೈಲು ಓಡಾಡುತ್ತೆ

ಬೆಂಗಳೂರು, ಜನವರಿ 1: ನಮ್ಮ ಮೆಟ್ರೋ ಪ್ರಯಾಣಿಕರ ಬಹುದಿನಗಳ ಬೇಡಿಕೆ ಇಂದು ನನಸಾಗಿದೆ. ಇಂದಿನಿಂದ ನಮ್ಮ ಮೆಟ್ರೋ ಸಂಚಾರ ಅವಧಿ ರಾತ್ರಿ 12 ಗಂಟೆವರೆಗೂ ವಿಸ್ತರಣೆಯಾಗಲಿದೆ.

ಬೆಂಗಳೂರಿನ ಕೇಂದ್ರ ಭಾಗವಾದ 'ನಾಡಪ್ರಭು ಕೆಂಪೇಗೌಡ ನಿಲ್ದಾಣದಿಂದ ಎಲ್ಲ ನಾಲ್ಕು ದಿಕ್ಕುಗಳಿಗೂ(ಯಲಚೇನಹಳ್ಳಿ, ನಾಗಸಂದ್ರ, ಬಯ್ಯಪ್ಪನಹಳ್ಳಿ, ಮೈಸೂರು ರಸ್ತೆ) ರಾತ್ರಿ 12 ಗಂಟೆಗೆ ಆ ದಿನದ ಕೊನೇ ಮೆಟ್ರೋ ರೈಲಿಉ ಹೊರಡಲಿದೆ. ಜನವರಿ 1 ರಿಂದಲೇ ಪರಿಷ್ಕೃತ ವೇಳೆ ಜಾರಿಯಾಗಲಿದೆ.

ಪ್ರಸ್ತುತ ಬೆಳಗ್ಗೆ 5 ಗಂಟೆ ದಿನದ ಮೊದಲ ಮೆಟ್ರೋ ರೈಲು ಆರಂಭವಾಗುತ್ತದೆ. ಬೆಳಗ್ಗೆ 5ರಿಂದ 8 ಗಂಟೆವರೆಗೆ ಹಾಗೂ ರಾತ್ರಿ 9ರಿಂದ 12 ಗಂಟೆವರೆಗೂ ಪ್ರತಿ 15 ನಿಮಿಷಕ್ಕೆ ಒಂದರಂತೆ ಮೆಟ್ರೋ ರೈಲುಗಳಿವೆ.

ಉಳಿದ ಅವಧಿಯಲ್ಲಿ ಪ್ರತಿ 10 ನಿಮಿಷಕ್ಕೆ ಒಂದರಂತೆ ಮೆಟ್ರೋ ರೈಲುಗಳಿವೆ. 2020ರ ಡಿಸೆಂಬರ್‌ನಿಂದ ಗ್ರೀನ್‌ಲೈನ್‌ ಮಾರ್ಗದಲ್ಲೂ 6 ಕೋಚ್‌ ಟ್ರೈನುಗಳ ಸಂಖ್ಯೆ ಹೆಚ್ಚಿಸಲಾಗುತ್ತದೆ.

ಪ್ರಸ್ತುತ ರಾತ್ರಿ 11 ಗಂಟೆವರೆಗೆ ಮಾತ್ರ ಮೆಟ್ರೋ ಸಾರಿಗೆ ಸೇವೆ ಲಭ್ಯವಿದೆ. ನಗರದೊಳಗೆ ಬರುವ ಹಾಗೂ ನಗರದಿಂದ ಬೇರೆಡೆ ಹೋಗುವ ಪ್ರಯಾಣಿಕರಿಗೆ ಇದರಿಂದ ಅನುಕೂಲವಾಗಲಿದೆ.

English summary

Namma Metro Train Timings Will be extended to 12 o clock From January 1st.