ನ್ಯಾಷನಲ್ ಕಾಲೇಜು-ಪುಟ್ಟೇನಹಳ್ಳಿ ಮೆಟ್ರೋ ಮಾರ್ಗ ಪ್ರಾಯೋಗಿಕ ಸಂಚಾರಕ್ಕೆ ಸಿದ್ಧ
ಬೆಂಗಳೂರು, ಮೇ 8 : ಕಳೆದ ವಾರ ಪೀಣ್ಯ ಇಂಡಸ್ಟ್ರಿ-ನಾಗಸಂದ್ರದ ನಡುವೆ ಮೆಟ್ರೋ ರೈಲು ಸಂಚಾರ ಆರಂಭಿಸಿದ್ದ ಬಿಎಂಆರ್ಸಿಎಲ್ ಈಗ ರೀಚ್ 4 ಮತ್ತು 4ಎನತ್ತ ಗಮನಹರಿಸಿದೆ. 8 ಕಿ.ಮೀ. ಮಾರ್ಗದಲ್ಲಿ ಪ್ರಾಯೋಗಿಕ ಸಂಚಾರ ಆರಂಭಿಸಲು ಉದ್ದೇಶಿಸಿದೆ.
ನಮ್ಮ ಮೆಟ್ರೋ ರೀಚ್ 4 ಮತ್ತು 4ಎ ಮಾರ್ಗ ನ್ಯಾಷನಲ್ ಕಾಲೇಜು-ಪುಟ್ಟೇನಹಳ್ಳಿ ನಡುವೆ ಸಂಪರ್ಕ ಕಲ್ಪಿಸುತ್ತದೆ. ಈ ಮಾರ್ಗದಲ್ಲಿ ಹಳಿಗಳ ಜೋಡಣೆ ಕಾರ್ಯ ಮುಕ್ತಾಯವಾಗಿದ್ದು, ಪ್ರಾಯೋಗಿಕ ಸಂಚಾರ ಆರಂಭಿಸಲು ಬಿಎಂಆರ್ಸಿಎಲ್ ಟೆಂಡರ್ ಆಹ್ವಾನಿಸಿದೆ. [ಪೀಣ್ಯ-ನಾಗಸಂದ್ರ ದರವೆಷ್ಟು?]
ರೀಚ್ 4 ಮತ್ತು 4ಎ 8 ಕಿ.ಮೀ. ಮಾರ್ಗ ಫ್ಲೈಓವರ್ ಮೂಲಕ ಸಾಗುತ್ತದೆ. ಈ ಮಾರ್ಗಕ್ಕೆ ಸಂಪರ್ಕ ಕಲ್ಪಿಸುವ ಸುರಂಗ ಮಾರ್ಗ ಪೂರ್ಣಗೊಳ್ಳದ ಕಾರಣ ನೆಲದಿಂದ ಮೆಟ್ರೋ ರೈಲನ್ನು ಕ್ರೇನ್ ಸಹಾಯದಿಂದ ಫ್ಲೈಓವರ್ ಮೇಲೆ ಇಡಬೇಕಾಗಿದೆ. [ಪೂರ್ಣಗೊಳ್ಳುವುದೇ ಡಿಸೆಂಬರೊಳಗೆ ನಮ್ಮ ಮೆಟ್ರೋ?]
ಪ್ರಾಯೋಗಿಕ ಸಂಚಾರಕ್ಕಾಗಿ ಸುಮಾರು 10 ಕೋಟಿ ರೂ. ಮೌಲ್ಯದ ಎರಡು ರೈಲುಗಳನ್ನು ನೆಲದಿಂದ ಎತ್ತಿ ಹಳಿಯ ಮೇಲೆ ಇಡಬೇಕಾಗಿದೆ. ಇದಕ್ಕಾಗಿ ಬಿಎಂಆರ್ಸಿಎಲ್ ಟೆಂಡರ್ ಆಹ್ವಾನಿಸಿದೆ. ಸುಮಾರು ಒಂದು ತಿಂಗಳಿನಲ್ಲಿ ಈ ಪ್ರಕ್ರಿಯೆ ಮುಕ್ತಾಯಗೊಳ್ಳಲಿದ್ದು, ಪ್ರಾಯೋಗಿಕ ಸಂಚಾರ ಆರಂಭವಾಗಲಿದೆ.
ಎಂಟು ನಿಲ್ದಾಣಗಳು : ನಮ್ಮ ಮೆಟ್ರೋ ರೀಚ್ 4 ಮತ್ತು 4ಎ ಮಾರ್ಗದಲ್ಲಿ ನ್ಯಾಷನಲ್ ಕಾಲೇಜು, ಲಾಲ್ಬಾಗ್, ಸೌತ್ ಅಂಡ್ ವೃತ್ತ, ಜಯನಗರ, ರಾಷ್ಟ್ರೀಯ ವಿದ್ಯಾಲಯ ರಸ್ತೆ, ಬನಶಂಕರಿ, ಜೆಪಿ ನಗರ ಮತ್ತು ಪುಟ್ಟೇನಹಳ್ಳಿ ಸೇರಿ ಎಂಟು ನಿಲ್ದಾಣಗಳಿವೆ.
Click it and Unblock the Notifications
Sign in with Google