Bengaluru metro: 'ಹಳದಿ ಮಾರ್ಗ'ದಲ್ಲಿ ಚೀನಾದ ಹೊಸ ಕೋಚ್ ಕಾರ್ಯಾಚರಣೆ, ಯಾವಾಗ? ಮಾಹಿತಿ, ವಿವರ
ಬೆಂಗಳೂರು, ನವೆಂಬರ್ 21: ಬೆಂಗಳೂರು ಮೆಟ್ರೋ ರೈಲು ನಿಗಮದ (BMRCL) ಯೋಜನೆಗಳಿಗೆ ರೈಲು ಬೋಗಿ ಒದಗಿಸಲು ಚೀನಾ ಕಂಪನಿ ಜೊತೆಗೆ ಒಪ್ಪಂದ ಮಾಡಿಕೊಂಡಿದೆ. ವಿಶೇಷವೆಂದರೆ ಇತ್ತೀಚೆಗೆ ಈ ಚೀನಾ ಕಂಪನಿ ಹೊರತಂದ ವಿಶಿಷ್ಟ ಮೆಟ್ರೋ ಕೋಚ್ ಅನ್ನು ನಮ್ಮ ಮೆಟ್ರೋ ಮಾರ್ಗಕ್ಕೆ ಶೀಘ್ರವೇ ಬಳಕೆ ಆಗಲಿದೆ. ಯಾವ ಮಾರ್ಗದಲ್ಲಿ ಬೋಗಿ ಯಾವಾಗ ಬಳಕೆ ಆಗಲಿದೆ, ಒಪ್ಪಂದದ ಮುಖ್ಯ ಮಾಹಿತಿ ಇಲ್ಲಿ ನೋಡೋಣ.
ನಮ್ಮ ಮೆಟ್ರೋ ಜೊತೆಗೆ ಒಪ್ಪಂದ ಮಾಡಿಕೊಂಡಿರುವ ಚೀನಾದಲ್ಲಿ ಚೀನಾ ರೈಲ್ವೆ ರೋಲಿಂಗ್ ಸ್ಟಾಕ್ ಕಾರ್ಪೊರೇಷನ್ (CRRC) ಕಾರ್ಖಾನೆ ಯು ನಮ್ಮ ಮೆಟ್ರೋ ಮಾದರಿ ಕೋಚ್ ತಯಾರಿಸಿದೆ. ಇದೀಗ ಈ ವಿನೂತನ ಬೋಗಿಯನ್ನು ಬೆಂಗಳೂರು ಮೆಟ್ರೋ ರೈಲು ನಿಗಮವು (BMRCL) ಮುಂದಿನ 2024ರಲ್ಲಿ ಬಳಕೆ ಮಾಡಲು ನಿರ್ಧರಿಸಿದೆ.
ಮುಂದಿನ ವರ್ಷ ಅಂದರೆ ಒಂದೆರಡು ತಿಂಗಳಲ್ಲಿ ಬೊಮ್ಮಸಂದ್ರ-ಆರ್ವಿ ರಸ್ತೆವರೆಗಿನ 'ಹಳದಿ ಮಾರ್ಗ'ದಲ್ಲಿ (Namma metro Yellow line) ಈ ನೂತನ ಕೋಚ್ ಅನ್ನು ಮೊದಲ ಬಾರಿಗೆ ನಿಯೋಜಿಸಿ ಕಾರ್ಯ ನಿರ್ವಹಿಸಲು ಮೆಟ್ರೋ ನಿಮಗ ಮನಸ್ಸು ಮಾಡಿದೆ. ಈ ಸಂಬಂದ ಈ ವಿಶೇಷ ಕೋಚ್ ಮುಂದಿನ ಡಿಸೆಂಬರ್ ಅಂತ್ಯಕ್ಕೆ ಬೆಂಗಳೂರಿಗೆ ಆಗಮಿಸುವ ನಿರೀಕ್ಷೆ ಇದೆ ಎಂದು BMRCL ಮೂಲಗಳು ತಿಳಿಸಿವೆ.
ಚೀನಾದಿಂದ ಬರಬೇಕಿದೆ 216 ಮೆಟ್ರೋ ಕೋಚ್
ಕಳೆದ 2019ರಲ್ಲಿ ಚೀನಾ ಮೂಲಕ ಸದರಿ ಕಂಪನಿಯು ನಮ್ಮ ಮೆಟ್ರೋಗೆ 216 ಮೆಟ್ರೋ ಕೋಚ್ಗಳನ್ನು ತಲುಪಿಸಲು ಒಪ್ಪಿದೆ. ಅದರ ಭಾಗವಾಗಿ ಒಟ್ಟು ₹1,578 ಕೋಟಿ ಒಪ್ಪಂದ ಏರ್ಪಟ್ಟಿತ್ತು. ಕೋವಿಡ್ ನಿಂದ ಭಾರತದಲ್ಲಿ ನಿಗದಿತ ಮೆಟ್ರೋ ಕೋಚ್ ಉತ್ಪಾದನಾ ಘಟಕ ಸ್ಥಾಪಿಸಲು ಸಾಧ್ಯವಾಗಲಿಲ್ಲ. ಹೀಗಾಗಿ ಯೋಜನೆಗಳಿಗೆ ಒಪ್ಪಂದದಂತೆ ಬೋಗಿಗಳ ಪೂರೈಕೆ ಆಗದೇ ವಿಳಂಬವಾಗಿದೆ.
ನಮ್ಮ ಮೆಟ್ರೋ ಸಂಸ್ಥೆ ಸದ್ಯ ಆರು ಬೋಗಿಗಳ ರೈಲುಗಳನ್ನು ಓಡಿಸುತ್ತಿದೆ. ಅದೇ ಮೂಲ ಮಾದರಿ ಸೆಟ್ಗಳನ್ನು ಕಂಪನಿ ಒದಗಿಸಲಿದೆ. ಎಲ್ಲಾ ಇತರ ಕೋಚ್ಗಳನ್ನು ಹಂತ ಹಂತವಾಗಿ BMRCL ಗೆ ಸರಬರಾಜು ಮಾಡಲಿದೆ. ಕೋಚ್ಗಳ ಸಾಗಣೆಯನ್ನು ಪರಿಶೀಲಿಸಲು ಮತ್ತು ಸುಗಮಗೊಳಿಸಲು ಅಧಿಕಾರಿಗಳು ಇತ್ತೀಚೆಗೆ ಚೀನಾಕ್ಕೆ ತೆರಳಿದ್ದರು ಎಂದು ಬಿಎಂಆರ್ಸಿಎಲ್ನ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ ಎಂದು ಹಿಂದು ವರದಿ ಮಾಡಿದೆ.
ಕೋಚ್ ಪೂರೈಕೆಗೆ ಭಾರತದ ಕಂಪನಿ ಜತೆ ಒಪ್ಪಂದ
ಈ ಹಿಂದೆ, BMRCL ₹372 ಕೋಟಿ ಬ್ಯಾಂಕ್ ಗ್ಯಾರಂಟಿಯನ್ನು ಎನ್ಕ್ಯಾಶ್ ಮಾಡುವುದನ್ನು ಪರಿಗಣಿಸಿ ಸಿಆರ್ಆರ್ಸಿಗೆ ಹಲವು ನೋಟಿಸ್ಗಳನ್ನು ನೀಡಿತ್ತು. ಪ್ರಸ್ತುತ, ಚೀನಾದ ಕಂಪನಿಯು ಉಳಿದ ಕೋಚ್ಗಳನ್ನು ಪೂರೈಸಲು ಕೋಲ್ಕತ್ತಾ ಮೂಲದ ಟಿಟಾಗರ್ ವ್ಯಾಗನ್ಗಳೊಂದಿಗೆ ಪಾಲುದಾರಿಕೆ ಹೊಂದಿದೆ.
CRRC ಕೋಚ್ ತಯಾರಿಕೆಗಾಗಿ ಭಾರತೀಯ ಕಂಪನಿ ಜೊತೆಗೆ ಒಪ್ಪಂದ ಮಾಡಿಕೊಂಡಿದೆ. ಸದ್ಯ ತರಬೇತುದಾರರರು ಭಾರತೀಯ ಕಂಪನಿಯನ್ನು ಶೀಘ್ರವೇ ಸಂಪರ್ಕಿಸಲಿದ್ದಾರೆ. ಇವರು ತಯಾರಿಸುವ ಬೋಗಿಗಳು ಆರ್ವಿ ರಸ್ತೆ- ಬೊಮ್ಮಸಂದ್ರ ಮಾರ್ಗಕ್ಕೆ ನಿಯೋಜನೆ ಗೊಳಿಸಲಾಗುವುದು.
ಬೆಂಗಳೂರಿನ ಆರ್.ವಿ ರಸ್ತೆ - ಬೊಮ್ಮಸಂದ್ರ ಮೆಟ್ರೋ ಮಾರ್ಗವು ಹೊಸ ವರ್ಷಕ್ಕೆ ತೆರೆಯಲಿರುವ ಮೊದಲ ಮೆಟ್ರೋ ಮಾರ್ಗ ಇದಾಗಿದೆ. 19 ಕಿಮೀ ಉದ್ದದ ಮಾರ್ಗ ಇದಾಗಿದ್ದು, ಕೆಲವೇ ತಿಂಗಳಲ್ಲಿ ಸಾರ್ವಜನಿಕ ಸೇವೆ ಮುಕ್ತಗೊಳ್ಳಲಿದೆ.
Click it and Unblock the Notifications
Sign in with Google