ಬೈಯಪ್ಪನಹಳ್ಳಿಯಲ್ಲಿ ಮೆಟ್ರೋ ರೈಲು ಅಪಘಾತ ?

ಬೆಂಗಳೂರು, ಏಪ್ರಿಲ್ 28: ಬೈಯಪ್ಪನಹಳ್ಳಿ ಮೆಟ್ರೋ ಡಿಪೋದಲ್ಲಿ ಮೆಟ್ರೋ ರೈಲೊಂದು ಕಬ್ಬಿಣದ ತಡೆಗೋಡೆ ದಾಟಿ ಮುಂದಕ್ಕೆ ಹೋದ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ಏ.21ರ ಮಧ್ಯಾಹ್ನ 3 ಗಂಟೆಗೆ ಎಮರ್ಜೆನ್ಸಿ ತಂಡಕ್ಕೆ ತರಬೇತಿ ನೀಡುತ್ತಿದ್ದಾಗ ಲೋಕೊಪೈಲಟ್ ಅಜಾಗರೂಕತೆಯಿಂದ ರೈಲು ಚಲಾಯಿಸಿದ್ದಾರೆ. ಇದರಿಂದ ಹಳಿಗೆ ಅಳವಡಿಸಿದ್ದ ಕಬ್ಬಿಣದ ತಡೆಗೆ ರೈಲು ಡಿಕ್ಕಿ ಹೊಡೆದಿದೆ. ಈ ರಭಸಕ್ಕೆ ಹಳಿಯ ಮೇಲೆ ಹಾಕಿದ್ದ ಕಬ್ಬಿಣದ ತಡೆಗೋಡೆ ಅಂದಾಜು 1 ಅಡಿ ಹಿಂದಕ್ಕೆ ಚಲಿಸಿದೆ.

ಸಿಸಿ ಕ್ಯಾಮರಾ ದೃಶ್ಯ ಪರಿಶೀಲಿಸಿದಾಗ ರೈಲು ಕಬ್ಬಿಣದ ತಡೆಗೋಡೆಗೆ ಡಿಕ್ಕಿಯಾಗಿರುವುದು ಹಾಗೂ ಕೆಲ ನಿಮಿಷದ ನಂತರ ಹಿಂದಕ್ಕೆ ಚಲಿಸಿರುವುದು ಪತ್ತೆಯಾಗಿದೆ. ಈ ಕುರಿತು ಹಿರಿಯ ಅಧಿಕಾರಿಗಳು ಆಡಳಿತ ಮಂಡಳಿಗೆ ಇ-ಮೇಲ್ ಮೂಲಕ ಮಾಹಿತಿ ನೀಡಿದ್ದಾರೆ.

ತರಾತುರಿ ತರಬೇತಿ: ಕಳೆದ ತಿಂಗಳು ಮೆಟ್ರೋ ಸಿಬ್ಬಂದಿ ಮುಷ್ಕರ ನಡೆಸಲು ಸಿದ್ಧತೆ ನಡೆಸಿದ್ದಾಗ, ತುರ್ತು ಪರಿಸ್ಥಿತಿಯಲ್ಲಿ ರೈಲು ಕಾರ್ಯಾಚರಣೆಗೊಳಿಸಲು ಬಿಎಂಆರ್ ಸಿಎಲ್ 90 ಸಿಬ್ಬಂದಿಯ ವಿಶೇಷ ತಂಡ ರಚಿಸಿತ್ತು. ಈ ಸಿಬ್ಬಂದಿಗಳಿಗೆ ತರಾತುರಿಯಲ್ಲಿ ತರಬೇತಿ ನೀಡಿರುವುದ ಪರಿಣಾಮ ಈ ಅವಘಡ ಸಂಭವಿಸಿದೆ ಎಂದು ಮೆಟ್ರೋ ನೌಕರರ ಸಂಘದ ಸದಸ್ಯರು ಆರೋಪಿಸಿದ್ದಾರೆ.

English summary

A metro train hit buffer stop wall at Baiyappanahalli depot on Friday. The BMRCL was under training program for 120 new staff to preparations to face regular staff strike threat.A metro train hit buffer stop wall at Baiyappanahalli depot on Friday. The BMRCL was under training program for 120 new staff to preparations to face regular staff strike threat.