ಹಲಸೂರು ಕೆರೆಗೆ ಬರಲಿವೆ ಮಾರುತಿ 800 ಇಂಜಿನ್ ಯುಕ್ತ ಬೋಟ್ ಗಳು!

ಏರ್ ಬೋಟ್ ಗಳಿಗೆ ಮಾರುತಿ 800 ಇಂಜಿನ್ ಅಳವಡಿಕೆ. ನ್ಯಾಷನಲ್ ಏರೋಸ್ಪೇಸ್ ಲ್ಯಾಬೋರೇಟರಿ ವಿಜ್ಞಾನಿಗಳಿಂದ ಹೊಸ ಪ್ರಯೋಗ.

ಬೆಂಗಳೂರು, ಜುಲೈ 25: ಎಂಬತ್ತು ಹಾಗೂ ತೊಂಭತ್ತರ ದಶಕದಲ್ಲಿ ಮಧ್ಯಮ ವರ್ಗದ ಡ್ರೀಮ್ ಕಾರ್ ಎಂದೇ ಖ್ಯಾತವಾಗಿದ್ದ ಮಾರುತಿ 800 ಕಾರುಗಳ ತಯಾರಿಕೆ ಈಗ ಸ್ಥಗಿತಗೊಂಡಿದೆ. ಆದರೇನು, ಆ ಹಳೆಯ ಕಾರುಗಳ ಇಂಜಿನ್ ಗೆ ಹೊಸ ಬೇಡಿಕೆಯನ್ನು ತಂದುಕೊಟ್ಟಿದ್ದಾರೆ ನ್ಯಾಷನಲ್ ಏರೋಸ್ಪೇಸ್ ಲ್ಯಾಬೊರೇಟರೀಸ್ (ಎನ್ಎಎಲ್).

ಆ ಮಾರುತಿ 800 ಕಾರುಗಳ ಇಂಜಿನ್ ಗಳಿಗೆ ಸುಧಾರಿತ ಸ್ವರೂಪವನ್ನು ಕೊಡುವ ಮೂಲಕ ಹಲವಾರು ಕೆರೆಗಳಲ್ಲಿ, ಅಮ್ಯೂಸ್ ಮೆಂಟ್ ಪಾರ್ಕ್ ಗಳಲ್ಲಿ ಉಪಯೋಗಿಸಬಹುದಾದ ಏರ್ ಬೋಟ್ ಗಳನ್ನು ಎನ್ಎಎಲ್ ತಯಾರಿಸಿದೆ.

ಹೊಸದಾಗಿ ತಯಾರಿಸಲಾದ ಈ ಬೋಟ್ ಗಳ ಮೊದಲ ಪ್ರಯೋಗವು ಬೆಂಗಳೂರಿನ ಹಲಸೂರು ಕೆರೆಯಲ್ಲಿ ನಡೆಯಲಿದೆ. ಈ ಬಗ್ಗೆ ವಿವರಣೆ ನೀಡಿದ ಎನ್ಎಎಲ್ ಅಧಿಕಾರಿಯೊಬ್ಬರು, ಮೊದಲಿಗೆ ಈ ಇಂಜಿನ್ ಗಳನ್ನು ಬಳಸಿಕೊಂಡು ಹಾರವ ಯಂತ್ರಗಳನ್ನು ತಯಾರಿಸುವ ಬಗ್ಗೆ ಆಲೋಚಿಸಲಾಗಿತ್ತು. ಆದರೆ, ಇದು ಏರ್ ಬೋಟ್ ಗಳಿಗೆ ಹೆಚ್ಚು ಉಪಯೋಗವಾಗುವುದೆಂದು ನಿರ್ಧರಿಸಿ ಈ ಏರ್ ಬೋಟ್ ಗಳನ್ನು ತಯಾರಿಸಲಾಗಿದೆ ಎಂದು ಹೇಳಿದ್ದಾರೆ.

English summary

Owning a Maruti 800 was a dream for the middle class in the 80s and 90s. Now, its powerful engines are being used for airboats. Engines are modified by National Aerospace Laboratories (NAL).