Click it and Unblock the Notifications
Just In
-
-
-
Don't Miss
-
Srirasthu shubhamasthu: ನಿಧಿ ಹುಡುಕಲು ಹೋದ ಸೊಸೆ ಮಾವನಿಗೆ ಸಿಕ್ಕಿದ್ದು ಬರೀ ಬೂದಿನಾ? -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸೆಪ್ಟೆಂಬರ್‌ನಲ್ಲಿ ಬೆಂಗಳೂರಲ್ಲಿ ಎಲೆಕ್ಟ್ರಾನಿಕಾ ಇಂಡಿಯಾ ಮೇಳ
ಬೆಂಗಳೂರು, ಸೆಪ್ಟೆಂಬರ್ 04 : ಎಲೆಕ್ಟ್ರಾನಿಕಾ ಇಂಡಿಯಾ ಮತ್ತು ಪ್ರೊಡೆಕ್ಟ್ರಾನಿಕಾ ಇಂಡಿಯಾದ ಮೂರು ದಿನಗಳ ಅವಳಿ ಮೇಳ ಸೆಪ್ಟೆಂಬರ್ 26 ರಿಂದ 28 ರವರೆಗೆ ಬೆಂಗಳೂರಿನಲ್ಲಿ ನಡೆಯಲಿದೆ. ಮೇಳದಲ್ಲಿ ಬೃಹತ್ ಮಾರುಕಟ್ಟೆಯ ಅವಕಾಶಗಳು ಲಭ್ಯವಾಗಲಿವೆ.
ಬೆಂಗಳೂರು ಅಂತಾರಾಷ್ಟ್ರೀಯ ವಸ್ತು ಪ್ರದರ್ಶನ ಕೇಂದ್ರದಲ್ಲಿ ಮೇಳ ನಡೆಯಲಿದ್ದು, ಮೆಸ್ಸೆ ಮೆನ್ಚನ್ ಸಂಸ್ಥೆಯು ಮೇಳವನ್ನು ಆಯೋಜಿಸಿದೆ. ಈ ಮೇಳದಲ್ಲಿ ವಸ್ತು ಪ್ರದರ್ಶನಗಳು, ಸಮಾವೇಶಗಳು ಮತ್ತು ಸಿಇಒ ವೇದಿಕೆಯಂತಹ ಬೃಹತ್ ಮಾರುಕಟ್ಟೆಯ ಅವಕಾಶಗಳಿವೆ.
ಸೆಪ್ಟೆಂಬರ್ 26 ರಿಂದ 28ರವರೆಗೆ ನಡೆಯಲಿರುವ ಅತಿದೊಡ್ಡ ವಸ್ತು ಪ್ರದರ್ಶನವಿದಾಗಿದೆ. ಎರಡು ವರ್ಷಗಳ ಹಿಂದೆ ಏರ್ಪಡಿಸಿದ್ದ ಮೇಳಕ್ಕಿಂತ ಶೇಕಡಾ 40ರಷ್ಟು ಬೃಹತ್ ಮೇಳ ಇದಾಗಲಿದೆ. ಈ ಆವೃತ್ತಿಯಲ್ಲಿ ಐಪಿಸಿಎ ಎಕ್ಸ್‌ಪೋ ಮತ್ತು ಭಾರತದಲ್ಲಿ ಮೊಬೈಲ್ ಉತ್ಪಾದನೆಗೆ ಆದ್ಯತೆ ನೀಡುವ ಮೂರನೇ ಆವೃತ್ತಿಯ ಅಡ್ವಾಂಟೇಜ್ ಇಂಡಿಯಾ ಸಮ್ಮಿಟ್ ಅನ್ನು ಕೂಡಾ ಇದೇ ಜಾಗದಲ್ಲಿ ಆಯೋಜಿಸಲಾಗುತ್ತದೆ.
ಎಲೆಕ್ಟ್ರಾನಿಕ್ಸ್ ಕೈಗಾರಿಕೆ, ಎಲೆಕ್ಟ್ರಾನಿಕಾ ಇಂಡಿಯಾ ಮತ್ತು ಪ್ರೊಡೆಕ್ಟ್ರಾನಿಕಾ ಇಂಡಿಯಾದಂತಹ ಪ್ರಮುಖ ವ್ಯಾಪಾರ ಮೇಳಕ್ಕೆ ಬೆಂಗಳೂರು ಹೆಸರುವಾಸಿಯಾಗಿದ್ದು, ಭಾರತದಲ್ಲಿ ಈ ಕ್ಷೇತ್ರ ವೇಗವಾಗಿ ಬೆಳೆಯುತ್ತಿರುವ ಮತ್ತು ಹೆಚ್ಚು ಲಾಭಗಳಿಸಿ ಕೊಡುವ ಕ್ಷೇತ್ರವಾಗಿದೆ.
ಇದೇ ಜಾಗದಲ್ಲಿ ನಡೆಯುವ ಐಪಿಸಿಎ ಎಕ್ಸ್‌ಪೋ ಪ್ರಿಂಟೆಂಡ್ ಸರ್ಕ್ಯೂಟ್ ಬೋರ್ಡ್ ತಯಾರಿಕಾ ವಲಯಕ್ಕೆ ಹೆಚ್ಚಿನ ಒತ್ತು ನೀಡಲಿದೆ. ಈ ಎಕ್ಸ್‌ಪೋವನ್ನು ಭಾರತೀಯ ಪ್ರಿಂಟೆಂಡ್ ಸರ್ಕ್ಯೂಟ್ ಸಂಘ (ಇಎಲ್‌ಸಿಐಎನ್‌ಎ) ಅವರು ಏರ್ಪಡಿಸಿದ್ದಾರೆ.
ಮೆಸ್ಸೆ ಮೆನ್ಚನ್ ಇಂಡಿಯಾದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಭೂಪಿಂದರ್ ಸಿಂಗ್ ವಿವರ ನೀಡಿದ್ದು, ' ನಮ್ಮ ವ್ಯಾಪಾರ ಮೇಳ ಸಕಾರಾತ್ಮಕ ಮಾರುಕಟ್ಟೆ ಭಾವನೆಗಳ ನಿಜವಾದ ಪ್ರತಿಫಲನವಾಗಿದೆ ಮತ್ತು ಇದು ಇದುವರೆಗಿನ ಅತಿದೊಡ್ಡ ಮೇಳವೂ ಆಗಿದೆ. ಉನ್ನತ ಮಟ್ಟದ ಪೂರಕ ಕಾರ್ಯಕ್ರಮಗಳೊಂದಿಗೆ ಸಿದ್ಧ ಉತ್ಪನ್ನಗಳು ಮತ್ತು ತಂತ್ರಜ್ಞಾನಗಳ ಪ್ರದರ್ಶನದ ವ್ಯವಸ್ಥೆ ಇರುತ್ತದೆ' ಎಂದು ಹೇಳಿದ್ದಾರೆ.
ತಂತ್ರಜ್ಞಾನದಲ್ಲಿ ಕ್ರಾಂತಿಕಾರಿ ಬದಲಾವಣೆಯಾಗಿರುವ ಹಿನ್ನಲೆಯಲ್ಲಿ ಎಲೆಕ್ಟ್ರಾನಿಕ್ಸ್ ಕೈಗಾರಿಕೆ ಅತ್ಯಾಕರ್ಷಕ ಹಂತಕ್ಕೆ ಚಲಿಸುತ್ತಿದೆ. ಹೊಸ ಅನ್ವೇಷಣಾ ಉತ್ಪನ್ನಗಳ ಬಿಡುಗಡೆ ಮತ್ತು ಜಾಗತಿಕ ಸ್ಪರ್ಧೆಯ ಸವಾಲುಗಳಿಂದಾಗಿ ಈ ಕ್ಷೇತ್ರ ಹೆಚ್ಚು ಆಕರ್ಷಣೆಗೆ ಒಳಗಾಗಿದೆ. ಇದರಿಂದ ಎಲೆಕ್ಟ್ರಾನಿಕ್ ಉತ್ಪನ್ನಗಳು ಮತ್ತು ಅವುಗಳಿಗೆ ಪೂರಕವಾದ ಉತ್ಪನ್ನಗಳು ಇನ್ನಷ್ಟು ಪ್ರಗತಿ ಹೊಂದುವುದು ಭಾರತದ ಮಾರುಕಟ್ಟೆಯಲ್ಲಿ ಅನಿವಾರ್ಯವಾಗಿದೆ.
ಬಿಐಇಸಿಯಲ್ಲಿ 27 ದೇಶಗಳ 500ಕ್ಕೂ ಅಧಿಕ ಕಂಪನಿಗಳ ಪ್ರತಿನಿಧಿಗಳು ಮೇಳದಲ್ಲಿ ಭಾಗವಹಿಸುವುದನ್ನು ದೃಢಿಕರಿಸಿದ್ದಾರೆ. ಅಟೋಮೋಟೊವ್ ಎಲೆಕ್ಟ್ರಾನಿಕ್ಸ್, ಮೊಬೈಲ್ ತಯಾರಿಕೆ, ಪಿಸಿಬಿ ಉತ್ಪಾದನೆಯ ತಂತ್ರಜ್ಞಾನ ಮತ್ತು ಪಿಸಿಬಿ ತಂತ್ರಜ್ಞಾನದಲ್ಲಿನ ಇತ್ತೀಚಿನ ಮಾಹಿತಿ ಬಗ್ಗೆ ಮೇಳದಲ್ಲಿ ಬೆಳಕು ಚೆಲ್ಲಲಾಗುತ್ತದೆ.
ಇಂಡಿಯಾ ಪಿಸಿಬಿ ಟೆಕ್ ಸಮಾವೇಶದ ಮೂರನೇ ಆವೃತ್ತಿಯು "ಭಾರತದಲ್ಲಿ ಪಿಸಿಬಿ ವಲಯದ ಬಲವರ್ಧನೆಗೆ ಮೌಲ್ಯವರ್ಧನೆಗೆ ಮತ್ತು ಪೂರೈಕೆ ಜಾಲ ವೃದ್ಧಿಯ ಮಹತ್ವಕ್ಕೆ ಆದ್ಯತೆ ನೀಡಲಿದೆ". ಈ ಮೇಳವನ್ನು ಇಎಲ್‌ಸಿಐಎನ್‌ಎ ಆಯೋಜಿಸುತ್ತಿದ್ದು, ಇದಕ್ಕೆ ಐಪಿಸಿಎ ಬೆಂಬಲ ನೀಡಿದೆ.
