ಕೇಂದ್ರ ಬಜೆಟ್ನಲ್ಲಿ ನಮ್ಮ ಮೆಟ್ರೋಗೂ ದೊರೆಯಲಿದೆ ಅನುದಾನ
ಬೆಂಗಳೂರು, ಫೆಬ್ರವರಿ 2: ಕೇಂದ್ರದ ಮಧ್ಯಂತರ ಬಜೆಟ್ ಶುಕ್ರವಾರ ಮಂಡನೆಯಾಗಿದೆ. ದೇಶದಲ್ಲಿರುವ ಎಲ್ಲಾ ಮೆಟ್ರೋ ಯೋಜನೆಗಳಿಗೆ 17,713.93 ಕೋಟಿ ರೂ ಅನುದಾನ ಮೀಸಲಿಡಲಾಗಿದೆ.
ಹಾಗಾಗಿ ಬೆಂಗಳೂರು ನಮ್ಮ ಮೆಟ್ರೋಗೂ ಅನುದಾನ ಲಭ್ಯವಾಗಲಿದೆ. ಏರ್ಪೋರ್ಟ್ ಮೆಟ್ರೋಗೆ 500 ಕೋಟಿ ರೂ ನೀಡುವಂತೆ ಬಿಎಂಆರ್ಸಿಎಲ್ ಕೇಂದ್ರ ಸರ್ಕಾರಕ್ಕೆ ಮನವಿ ಮಾಡಿತ್ತು. ಈ ಅನುದಾನದಲ್ಲಿ ಸ್ವಲ್ಪ ಮೊತ್ತ ನಮ್ಮ ಮೆಟ್ರೋಗೆ ದೊರೆತರೆ ಏರ್ಪೋರ್ಟ್ ಮೆಟ್ರೋ ಯೋಜನೆಗೆ ಅನುಕೂಲ ದೊರೆಯಲಿದೆ.
ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಮೆಟ್ರೋ ಮಾರ್ಗ ನಿರ್ಮಿಸುವ ಮೆಟ್ರೋ ಯೋಜನೆಗೆ ಬಿಐಎಎಲ್ ಹೂಡಿಕೆ ಮಾಡುವುದು ಸಾಧ್ಯವಾಗಿಲ್ಲ. ಹೀಗಾಗಿ 500 ಕೋಟಿ ರೂ ನೀಡಬೇಕೆಂದು ಕೇಂದ್ರಕ್ಕೆ ಮನವಿ ಮಾಡಿದೆ.
ಏರ್ಪೋರ್ಟ್ಗೆ 29 ಕಿ.ಮೀ ಮೆಟ್ರೋ ಯೋಜನೆ ರೂಪಿಸಲಾಗಿದೆ. ಅದಕ್ಕೆ 5,950 ಕೋಟಿ ರೂ ವೆಚ್ಚವಾಗಲಿದೆ. ಕೇಂದ್ರ ಸರ್ಕಾರ 500 ಕೋಟಿ ರೂ, ರಾಜ್ಯ ಸರ್ಕಾರ 500 ಕೋಟಿ ರೂ, 3,200 ಕೋಟಿ ರೂ ದೀರ್ಘಾವಧಿ ಸಾಲ, 1 ಸಾವಿರ ಕೋಟಿ ರೂ ಬಿಐಎಎಲ್ ವಿಮಾನ ಪ್ರಯಾಣಿಕರ ಮೇಲೆ ಬಳಕೆದಾರರ ಶುಲ್ಕ ಹೇರಿ ಅನುದಾನ ಸಂಗ್ರಹಿಸುವ ಕ್ರಮಕ್ಕೆ ಮುಂದಾಗಿತ್ತು.
ಆದರೆ ಇದಕ್ಕೆ ಭಾರತೀಯ ವಿಮಾನ ನಿಲ್ದಾಣಗಳ ಆರ್ಥಿಕ ನಿಯಂತ್ರಣ ಪ್ರಾಧಿಕಾರ ಒಪ್ಪಿಗೆ ನೀಡಿಲ್ಲವಾದ್ದರಿಂದ 1 ಸಾವಿರ ಕೋಟಿ ರೂ ಕೊರತೆ ಉಂಟಾಗಿದೆ.
Click it and Unblock the Notifications
Sign in with Google