70 ಸಾವಿರ ಬಾಡಿಗೆ ಫ್ಲಾಟ್‌ನಲ್ಲಿ ವಾಸ; ಮನೆ ಕೆಲಸಗಾರಿಗೆ 3,500 ರೂ. ಕೊಡಲು ಹಿಂಜರಿಕೆ: ಸೋಶಿಯಲ್ ಮೀಡಿಯಾ ಚರ್ಚೆ

Bengaluru: ಬೆಂಗಳೂರಿನಲ್ಲಿ ಮನೆ ಕೆಲಸಕ್ಕೆ ಸಹಾಕಿಯೊಬ್ಬರನ್ನು ನೇಮಕ ಮಾಡಿಕೊಳ್ಳುವ ವಿಚಾರವು ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚು ಚರ್ಚೆಗೆ ಕಾರಣವಾಗಿದೆ. ಬೆಂಗಳೂರಿನಲ್ಲಿ ಮನೆ ಸಹಾಯಕಿ ನೇಮಕ ಮಾಡಿಕೊಳ್ಳುವ ಬಗ್ಗೆ ನೆಟ್ಟಿಗರೊಬ್ಬರು ಮಾಡಿರುವ ಪೋಸ್ಟ್ ಇಂಟರ್ನೆಟ್ ಚರ್ಚೆಗೆ ಗ್ರಾಸವಾಗಿದೆ. ಹೌಸಿಂಗ್ ಸೊಸೈಟಿ ಅಪ್ಲಿಕೇಶನ್‌ನಲ್ಲಿ ಸರಳ ಸಂದೇಶವಾಗಿ ಪ್ರಾರಂಭವಾದ ವಿಚಾರವು ಇದೀಗ ರೆಡ್ಡಿಟ್‌ನಾದ್ಯಂತ ಚರ್ಚೆಗೆ ಕಾರಣವಾಗಿದೆ. ನೆಟ್ಟಿಗರು ಮನೆ ಸಹಾಯಕ ಸಿಬ್ಬಂದಿಯ ವೇತನ ನಿಗದಿಯ ಬಗ್ಗೆ ಹೆಚ್ಚು ಚರ್ಚೆ ಮಾಡುತ್ತಿದ್ದಾರೆ.

ಬೆಂಗಳೂರಿನಲ್ಲಿ ಇತ್ತೀಚಿನ ದಿನಗಳಲ್ಲಿ ಎಲ್ಲವೂ ದುಬಾರಿಯಾಗಿದೆ. ಆದರಲ್ಲಿ ಸಹಾಯಕ ಸಿಬ್ಬಂದಿಯ ವೇತನವೂ ಒಂದು ಆದರೆ ಕೆಲವರು ಇಂದಿಗೂ ಸಹಾಯಕ ಸಿಬ್ಬಂದಿಗೆ ವೇತನ ವಿಚಾರದಲ್ಲಿ ತಾರತಮ್ಯ ನೀತಿ ಅನುಸರಿಸುತ್ತಿದ್ದಾರೆ. ನಿವಾಸಿ ತಿಂಗಳಿಗೆ 70,000 ರೂಪಾಯಿಗಿಂತಲೂ ಹೆಚ್ಚು ಬೆಲೆಬಾಳುವ 3 BHK ಬಾಡಿಗೆ ಫ್ಲಾಟ್‌ನಲ್ಲಿ ವಾಸಿಸುತ್ತಿದ್ದು, ದಿನಕ್ಕೆ ಎರಡು ಬಾರಿ ಕೆಲಸಕ್ಕೆ ಮನೆ ಸಹಾಯಕಿಗೆ ಅಥವಾ ಮನೆ ಕೆಲಸ ಮಾಡುವವರಿಗೆ 3,500 ರೂ.ಗಿಂತ ಹೆಚ್ಚು ಪಾವತಿಸುವುದಕ್ಕೆ ಇಷ್ಟವಾಗುತ್ತಿಲ್ಲ ಎಂದು ಹೇಳಿದ್ದಾರೆ.

ರೆಡ್ಡಿಟ್ ಬಳಕೆದಾರರೊಬ್ಬರು ಈ ವಿಷಯದ ಬಗ್ಗೆ ಪೋಸ್ಟ್‌ ಹಂಚಿಕೊಂಡ ಮೇಲೆ ಚರ್ಚೆ ಶುರುವಾಯಿತು. ನಮ್ಮ ಚಿಕ್ಕಪ್ಪ 3BHK ಫ್ಲಾಟ್‌ನಲ್ಲಿ ವಾಸಿಸುತ್ತಿದ್ದಾರೆ, ಅದರ ಬಾಡಿಗೆ 70 ಸಾವಿರಕ್ಕೂ ಹೆಚ್ಚು ಇದೆ. ನೀವು ನಿಜವಾಗಿಯೂ ಇಷ್ಟಪಡುವ ಬಾಡಿಗೆಯನ್ನು ಪಡೆದುಕೊಂಡ ನಂತರ ಮನೆ ಸಹಾಯಕ್ಕೆ ಪ್ರಮಾಣಿತ ಸಂಬಳ ಎಷ್ಟು ಎಂದು ಚರ್ಚೆ ನಡೆದಿದೆ. ದಿನದಲ್ಲಿ ಎರಡು ಮನೆ ಕೆಲಸ ಮಾಡುವ ಸಹಾಯಕಿಯನ್ನು ಹುಡುಕುತ್ತಿದ್ದೇವೆ. ನಾವು ಬೆಳಿಗ್ಗೆ 7.30 ರಿಂದ 10 ಗಂಟೆ ಮತ್ತು ಮಧ್ಯಾಹ್ನ 4 ಗಂಟೆಯ ಸುಮಾರಿಗೆ ಯಾವುದೇ ಸಮಯದಲ್ಲಿ ಮನೆ ಕೆಲಸ ಮಾಡುವ ಸಹಾಯಕಿರೊಬ್ಬರು ಹುಡುಕುತ್ತಿದ್ದೇವೆ. ನಾನು ಸಂಬಳವನ್ನು ಪಾವತಿಸುತ್ತೇನೆ - ಭಾನುವಾರ ರಜೆ ಇದ್ದರೆ ಎರಡೂ ಸಮಯಗಳಿಗೆ 3500. ಅವರು ಭಾನುವಾರ ಬರಲು ಸಾಧ್ಯವಾದರೆ ಅವರು ಏನು ಕೆಲಸ ಮಾಡುತ್ತಾರೆ ಎನ್ನುವ ಆಧಾರದ ಮೇಲೆ ಬಾಕಿ ಹಣವನ್ನು ಪಾವತಿ ಮಾಡುತ್ತೇವೆ ಎಂದಿದ್ದಾರೆ.

Bengaluru: ಈ ಪೋಸ್ಟ್‌ಗೆ ನೆಟ್ಟಿಗರು ಹೇಳಿದ್ದೇನು

ಇನ್ನು ಈ ಪೋಸ್ಟ್‌ಗೆ ಸೋಶಿಯಲ್ ಮೀಡಿಯಾದಲ್ಲಿ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಒಂದು ಬಾರಿಗೆ 3500 ಕೇಳುವ ಸಹಾಯಕಿಯರನ್ನು ಕಳುಹಿಸಬೇಡಿ. ಒಂದು ಬಾರಿಗೆ ನ್ಯಾಯಯುತವಾಗಿ 2500 ರೂ. ಪಾವತಿ ಮಾಡುವುದಕ್ಕೆ ನಾನು ಸಿದ್ಧವಾಗಿದ್ದೇನೆ. ಇದೇ ರೀತಿ ಎಲ್ಲಾ ನಿವಾಸಿಗಳು ಮನೆ ಸಹಾಯಕಿಯರಿಗೆ ಕೊಡುವ ದರಗಳನ್ನು ನಿಯಂತ್ರಿಸಬೇಕೆಂದು ನಾನು ಬಲವಾಗಿ ಒತ್ತಾಯಿಸುತ್ತೇನೆ. ಎಲ್ಲಾ ಇನ್‌ಸ್ಟಾ ಮೇಡ್ ಅಪ್ಲಿಕೇಶನ್‌ಗಳಲ್ಲಿ (ಸಾಮಾನ್ಯ ಪೀಕ್ ಅಲ್ಲದ ತಿಂಗಳುಗಳಲ್ಲಿ) ಒಂದು ಗಂಟೆಯ ದರ 100 ಆಗಿದೆ ಎಂದೂ ಅವರು ಹೇಳಿದ್ದಾರೆ.

ಕೆಲವು ನಿವಾಸಿಗಳು ಮನೆ ಕೆಲಸಗಾರರ ಸಂಬಳವನ್ನು ಕಾರ್ಪೊರೇಟ್ ವಲಯದಲ್ಲಿ ಕೆಲಸ ಮಾಡುವ ಹೊಸ ಪದವೀಧರರು ಗಳಿಸಿದ ಸಂಬಳದೊಂದಿಗೆ ಹೋಲಿಸಿದ್ದಾರೆ. ಮಾಸಿಕವಾಗಿ ಮನೆ ಕೆಲಸ ಮಾಡುವವರು 25 ದಿನಗಳವರೆಗೆ ಬಂದರೆ, 2500 ಕ್ಕೆ ಸಮಾನವಾಗಿರುತ್ತದೆ. ಅವರು 10 ಗಂಟೆಗಳು ಅಥವಾ 10 ಮನೆಗಳಿಗೆ ಕೆಲಸ ಮಾಡಿದರೆ ಅದು 25,000. ಅದು ಅರ್ಹ ಮತ್ತು ನುರಿತ ಜನರು ಬಿಪಿಒದಲ್ಲಿ ಹಾಗೂ ಕೆಲವು ಎಂಜಿನಿಯರಿಂಗ್ ಪದವೀಧರರು ತೆರಿಗೆ ನಂತರ ಸೇವಾ ಕಂಪನಿಗಳಲ್ಲಿ ಪಡೆಯುವುದಕ್ಕಿಂತ ಹೆಚ್ಚಿನ ಮೊತ್ತವನ್ನು ಮನೆ ಸಹಾಯಕರು ಪಡೆಯುತ್ತಾರೆ ಎಂದೂ ಕೆಲವರು ಹೇಳಿದ್ದಾರೆ.