Bachelor Rules: ಇಬ್ಬರು ಹುಡುಗಿಯರು ಫ್ಲ್ಯಾಟ್ನಲ್ಲಿ ರಾತ್ರಿಯಿಡೀ ಉಳಿದಿದ್ದಕ್ಕೆ ಯುವಕರಿಗೆ ₹5000 ದಂಡ
ಬೆಂಗಳೂರಿನಲ್ಲಿ ಬಾಡಿಗೆ ಮನೆ ಅಥವಾ ಫ್ಲ್ಯಾಟ್ಗಳಲ್ಲಿ ಉಳಿದುಕೊಳ್ಳಬೇಕಾದರೆ ಕೆಲವು ನಿಯಮಗಳನ್ನು ಪಾಲಿಸುವುದು ಅನಿವಾರ್ಯವಾಗಿದೆ. ಇನ್ನು ಬ್ಯಾಚುಲರ್ಗಳಿಗೆ ಕಟ್ಟುನಿಟ್ಟಿನ ರೂಲ್ಸ್ ಹಾಕಲಾಗುತ್ತದೆ. ಆದರೆ ಇಬ್ಬರು ಹುಡುಗಿಯರು ಬಂದು ಹುಡುಗರ ಫ್ಲ್ಯಾಟ್ನಲ್ಲಿ ರಾತ್ರಿಯಿಡೀ ಉಳಿದುಕೊಂಡಿದ್ದಕ್ಕೆ ಬರೋಬ್ಬರಿ 5000 ದಂಡ ಹಾಕಿರುವ ಘಟನೆ ಬೆಳಕಿಗೆ ಬಂದಿದೆ.
ಕೆಲ ಅಪಾರ್ಟ್ಮೆಂಟ್ ಹಾಗೂ ಫ್ಲ್ಯಾಟ್ಗಳಲ್ಲಿ ಬ್ಯಾಚುಲರ್ಗಳಿಗೆ ರೂಲ್ಸ್ ಇರುವುದು ಗೊತ್ತೇ ಇದೆ. ಅದರಂತೆ ಇಬ್ಬರು ಹುಡುಗಿಯರು ರಾತ್ರಿಯಿಡೀ ಫ್ಲಾಟ್ನಲ್ಲಿ ತಂಗಿದ್ದಕ್ಕಾಗಿ ಆ ನಿವಾಸಿಗಳಿಗೆ ಅವರ ಸೊಸೈಟಿಯು 5000 ರೂಪಾಯಿ ದಂಡ ವಿಧಿಸಿದೆ. ಅಲ್ಲದೆ ಫ್ಲ್ಯಾಟ್ಗಳಲ್ಲಿ ರಾತ್ರಿಯಿಡೀ ಅತಿಥಿಗಳನ್ನು ಹೊಂದಿರಬಾರದು ಎಂಬ ನಿಯಮಗಳನ್ನು ಉಲ್ಲೇಖಿಸಿದೆ.
ಬೆಂಗಳೂರಿನ ನಿವಾಸಿಯೊಬ್ಬರು ದಂಡ ಕಟ್ಟಿರುವ ಸ್ಕ್ರೀನ್ಶಾಟ್ ಜೊತೆಗೆ ಈ ವಿಚಾರವನ್ನು ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದಾರೆ. ತನ್ನ ಸೊಸೈಟಿಯು ಅತಿಥಿಗಳನ್ನು ತಮ್ಮ ನಿವಾಸಕ್ಕೆ ರಾತ್ರಿಯಿಡೀ ಉಳಿಸಿಕೊಂಡಿದ್ದಕ್ಕೆ ದಂಡ ವಿಧಿಸಿರುವ ಆಘಾತಕಾರಿ ರೂಲ್ಸ್ ಬಗ್ಗೆ ಬಹಿರಂಗಪಡಿಸಿದ್ದಾನೆ. ರೆಡ್ಡಿಟ್ನಲ್ಲಿ ಈ ಪೋಸ್ಟ್ ವೈರಲ್ ಆಗಿದ್ದು, ಇಬ್ಬರು ಹುಡುಗಿಯರು ರಾತ್ರಿಯಿಡೀ ತಂಗಿದ್ದಕ್ಕಾಗಿ ಸೊಸೈಟಿ ಅಧಿಕಾರಿಗಳು ತನಗೆ ಮತ್ತು ತನ್ನ ಫ್ಲಾಟ್ಮೇಟ್ಗೆ 5,000 ರೂಪಾಯಿ ದಂಡ ವಿಧಿಸಿದರು ಎಂದು ಹೇಳಿಕೊಂಡಿದ್ದಾರೆ.
ಆನ್ಲೈನ್ನಲ್ಲಿ ವ್ಯಾಪಕ ಟೀಕೆ
ಸೊಸೈಟಿ ಅಧಿಕಾರಿಗಳ ಅನ್ಯಾಯ ಮತ್ತು ಕಾನೂನುಬಾಹಿರ ಕೃತ್ಯಕ್ಕಾಗಿ ಯಾವುದೇ ಕಾನೂನು ಕ್ರಮ ಕೈಗೊಳ್ಳಬಹುದೇ? ಎಂದು ಪ್ರಶ್ನೆ ಮುಂದಿಟ್ಟಿದ್ದಾರೆ. ನಮ್ಮ ಸಮಾಜವು ಬ್ಯಾಚುಲರ್ಗಳು ರಾತ್ರಿಯಿಡೀ ಅತಿಥಿಗಳನ್ನು ಸ್ವೀಕರಿಸಲು ಅನುಮತಿಸಬಾರದು ಎಂಬ ನಿಯಮವನ್ನು ಹೊಂದಿದೆ. ಆದರೆ ಕುಟುಂಬಕ್ಕೆ ಯಾವುದೇ ನಿರ್ಬಂಧವಿಲ್ಲ. ನಾವು ನಿರ್ವಹಣೆ ಮತ್ತು ಎಲ್ಲವನ್ನೂ ಒಂದೇ ರೀತಿ ಪಾವತಿಸುತ್ತೇವೆ ಎಂದು ಅಳಲು ತೋಡಿಕೊಂಡಿದ್ದಾರೆ.
ಈ ಬಗ್ಗೆ ನನಗೆ ಮೊದಲೇ ಎಚ್ಚರಿಕೆಯೂ ನೀಡಲಿಲ್ಲ. ಇದು ತುಂಬಾ ಸಣ್ಣ ಸಮಸ್ಯೆ ಎಂದು ನನಗೆ ತಿಳಿದಿದೆ. ಆದರೆ ಕೀಳಾಗಿ ನಡೆಸಿಕೊಳ್ಳುವುದು ಒಳ್ಳೆಯದಲ್ಲ. ನಾನು ಯಾವುದೇ ದೊಡ್ಡ ಕಾನೂನು ಕ್ರಮ ತೆಗೆದುಕೊಳ್ಳದಿದ್ದರೂ, ಅವರು ಇದನ್ನು ಮರುಪರಿಶೀಲಿಸುವಂತೆ ನಾನು ಅರ್ಥಪೂರ್ಣವಾದ ಏನನ್ನಾದರೂ ಮಾಡಬಹುದೇ? ಎಂದು ಕೇಳಿದ್ದಾರೆ.
ಸಮಾಜವು ಆಕ್ಷೇಪಾರ್ಹ ನಿಯಮವನ್ನು ಪಾಲಿಸುತ್ತಿರುವುದರಿಂದ ಅವರು ಮತ್ತು ಅವರ ಫ್ಲಾಟ್ಮೇಟ್ಗೆ ದಂಡ ವಿಧಿಸುವ ಬಿಲ್ ಸ್ವೀಕರಿಸಲಾಗಿದೆ ಎಂದು ವಿವರಿಸಿದ್ದಾರೆ. ಬ್ಯಾಚುಲರ್ಗಳು ರಾತ್ರಿಯಿಡೀ ಅತಿಥಿಗಳನ್ನು ಇರಿಸಿಕೊಳ್ಳುವಂತಿಲ್ಲ ಎಂದು ಅದು ಹೇಳುತ್ತದೆ. ಆದರೆ ಕುಟುಂಬಗಳ ಮೇಲೆ ಅಂತಹ ಯಾವುದೇ ನಿರ್ಬಂಧ ಅಥವಾ ದಂಡವನ್ನು ವಿಧಿಸಲಾಗುವುದಿಲ್ಲ ಎಂದಿದ್ದಾರೆ.
ಅನೇಕ ಆನ್ಲೈನ್ ಬಳಕೆದಾರರು ಬ್ಯಾಚುಲರ್ಗಳನ್ನು ಬೆಂಬಲಿಸಿದ್ದು, ಈ ನಿಯಮವು ತಾರತಮ್ಯದಿಂದ ಕೂಡಿದೆ ಎಂದು ಹೇಳಿದ್ದಾರೆ. ಕಾನೂನು ಕ್ರಮವು ಸಮಯ ಮತ್ತು ಹಣವನ್ನು ವ್ಯರ್ಥ ಮಾಡುತ್ತದೆ ಎಂದೂ ಕೆಲವರು ಸಲಹೆ ನೀಡಿದ್ದಾರೆ. ಕೆಲವರು ಕೂಡಲೇ ಹೊಸ ಅಪಾರ್ಟ್ಮೆಂಟ್ಗೆ ಸ್ಥಳಾಂತರಗೊಳ್ಳುವಂತೆ ಸೂಚಿಸಿದ್ದಾರೆ. ಇನ್ನು ಕೆಲವರು ವಿವಾದ ಎತ್ತುವುದರಿಂದ ಮನೆಯಿಂದ ಹೊರಹಾಕುವ ಅಪಾಯವಿದೆ ಎಂದಿದ್ದಾರೆ. ವಸತಿ ನಿಯಮಗಳು ನ್ಯಾಯಯುತವಲ್ಲ, ವೈವಾಹಿಕ ಸ್ಥಿತಿಯ ಆಧಾರದ ಮೇಲೆ ಹೇಗೆ ಭಿನ್ನವಾಗಿರುತ್ತವೆ ಎಂಬುದನ್ನು ಎತ್ತಿ ತೋರಿಸುತ್ತದೆ ಎಂದು ಖಂಡಿಸಿದ್ದಾರೆ.
Click it and Unblock the Notifications
Sign in with Google