ಕೊರೊನಾ ಸೋಂಕಿತರ ಮನೆ ಬಾಗಿಲಿಗೆ ಹಾಕಿದ್ದ ಮೆಟಲ್ ಶೀಟ್ ತೆಗೆದ ಬಿಬಿಎಂಪಿ
ಬೆಂಗಳೂರು, ಜುಲೈ 23: ಕೊರೊನಾ ಪಾಸಿಟಿವ್ ಇದ್ದವರ ಮನೆಯ ಬಾಗಿಲಿಗೆ ಮೆಟಲ್ ಶೀಟ್ ಹಾಕಿ ಸೀಲ್ಡೌನ್ ಮಾಡಿದ್ದ ಫೋಟೊ ವೈರಲ್ ಆದ ಬಳಿಕ ಬಿಬಿಎಂಪಿ ಅದನ್ನು ತೆಗೆದು ಹಾಕಿದೆ.
Recommended Video
ಬದಲಾಗಿ ಆ ಎರಡು ಮನೆಗೆ ಹೋಗುವ ಮಾರ್ಗದಲ್ಲಿ ಆ ಶೀಟನ್ನು ಹಾಕಿ ಸೀಲ್ ಮಾಡಿದೆ.
ಕೊರೊನಾ ಸೋಂಕಿತರ ಮನೆಯ ಬಾಗಿಲಿಗೆ ಮೆಟಲ್ ಶೀಟ್ ಹಾಕಿ ಸೀಲ್ಡೌನ್ ಮಾಡಲಾಗಿತ್ತು. ಮನೆಯವರಿಗೆ ಎಂಥಾ ತುರ್ತು ಪರಿಸ್ಥಿತಿ ಎದುರಾದರೂ ಮನೆಯಿಂದ ಹೊರಗೆ ಬರುವಂತಿರಲಿಲ್ಲ.
ಹೀಗಾಗಿ ಸಾರ್ವಜನಿಕರು ವಿರೋಧ ವ್ಯಕ್ತಪಡಿಸಿದ್ದರು. ಫೋಟೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದಂತೆ ತಮ್ಮ ತಪ್ಪು ಅರಿತ ಬಿಬಿಎಂಪಿ ಅಧಿಕಾರಿಗಳು ಮೆಟಲ್ ಶೀಟ್ ತೆಗೆದು ಹಾಕಿದ್ದಾರೆ.
BBMP sealing done in our building for a confirmed Covid case. Lady with 2 small children, next door neighbours are an aged couple. What if there is a fire, @BBMPCOMM ? Understand the need for containment, but this is an extremely dangerous fire hazard - please address urgently. pic.twitter.com/pCDMn5Pefl
— Satish Sangameswaran (@satishs) July 23, 2020
ಒಂದು ಮನೆಯಲ್ಲಿ ಓರ್ವ ಮಹಿಳೆ ಹಾಗೂ ಇಬ್ಬರು ಮಕ್ಕಳಿದ್ದಾರೆ, ಮತ್ತೊಂದು ಮನೆಯಲ್ಲಿ ವೃದ್ಧ ದಂಪತಿ ಇದ್ದಾರೆ.
ಚೀನಾದಲ್ಲಿಯೂ ಕೂಡ ಇದೇ ರೀತಿ ಸೀಲ್ಡೌನ್ ಮಾಡಿ ಆಕ್ರೋಶಕ್ಕೆ ಕಾರಣವಾಗಿತ್ತು ಆದರೆ ಅಲ್ಲಿ ಸರ್ವಾಧಿಕಾರ, ಆದರೆ ಭಾರತ ಪ್ರಜಾಪ್ರಭುತ್ವ ರಾಷ್ಟ್ರವಾಗಿದ್ದು, ಪ್ರತಿಯೊಬ್ಬರಿಗೂ ತಮ್ಮದೇ ಆದ ಸ್ವಾತಂತ್ರ್ಯ ಮತ್ತು ಹಕ್ಕಿರುತ್ತದೆ.
ಸಾಮಾನ್ಯವಾಗಿ ಕೊರೊನಾ ಸೋಂಕಿತರಿರುವ ಪ್ರದೇಶ, ಅವರಿರುವ ಅಪಾರ್ಟ್ಮೆಂಟ್ನ ಬ್ಲಾಕ್ ಅಥವಾ ಅಪಾರ್ಟ್ಮೆಂಟ್ ಗೇಟ್ ಸೀಲ್ಡೌನ್ ಮಾಡುತ್ತಾರೆ. ಆದರೆ ಮನೆಯ ಬಾಗಿಲನ್ನೇ ಸೀಲ್ಡೌನ್ ಮಾಡಲಾಗಿತ್ತು.
Click it and Unblock the Notifications
Sign in with Google