• search
  • Live TV
ಬೆಳಗಾವಿ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಚಿಕ್ಕೋಡಿ-ರಾಯಭಾಗ ಜೋಡಿ ಹಳಿಯಲ್ಲಿ ಆಯುಕ್ತರ ತಪಾಸಣೆ

|

ಬೆಳಗಾವಿ, ನವೆಂಬರ್ 24 : ಚಿಕ್ಕೋಡಿ ಮತ್ತು ರಾಯಭಾಗ ನಡುವಿನ ಜೋಡಿ ಹಳಿಯನ್ನು ರೈಲ್ವೆ ಸುರಕ್ಷತಾ ಆಯುಕ್ತರು ಪರಿಶೀಲನೆ ನಡೆಸಿದರು. ಲೋಂಡಾ-ಮೀರಜ್ ನಡುವಿನ ಜೋಡಿ ಹಳಿ ಯೋಜನೆಯ ಭಾಗವಾಗಿ ಈ ಮಾರ್ಗ ನಿರ್ಮಾಣಗೊಂಡಿದೆ.

ಬೆಂಗಳೂರಿನಿಂದ ಆಗಮಿಸಿದ್ದ ರೈಲ್ವೆ ಸುರಕ್ಷತಾ ಆಯುಕ್ತ ಎ. ಕೆ. ರೈ ನೇತೃತ್ವದ ಅಧಿಕಾರಿಗಳ ತಂಡ ಚಿಕ್ಕೋಡಿ-ರಾಯಭಾಗ ನಡುವಿನ 13.94 ಕಿ. ಮೀ. ಮಾರ್ಗದಲ್ಲಿ ಪರಿಶೀಲನೆಯನ್ನು ಮಂಗಳವಾರ ನಡೆಸಿದರು.

ಕಲಬುರಗಿ-ಲಾತೂರ; ನೂತನ ರೈಲು ಮಾರ್ಗ ಸಮೀಕ್ಷೆಗೆ ಒಪ್ಪಿಗೆ

ಲೋಂಡಾ ಮತ್ತು ಮೀರಜ್ ನಡುವಿನ 186 ಕಿ. ಮೀ. ಗಳ ಜೋಡಿ ಹಳಿ ನಿರ್ಮಾಣ ಯೋಜನೆಯನ್ನು 1,191 ಕೋಟಿ ರೂ. ವೆಚ್ಚದಲ್ಲಿ ಕೈಗೊಳ್ಳಲಾಗಿತ್ತು. 2015-16ರಲ್ಲಿ ಯೋಜನೆಯನ್ನು ಘೋಷಣೆ ಮಾಡಲಾಗಿತ್ತು.

ಇತಿಹಾಸ ನಿರ್ಮಾಣ ಮಾಡಲಿದೆ ಸಿದ್ದಾರೂಢ ಸ್ವಾಮೀಜಿ ರೈಲು ನಿಲ್ದಾಣ

ಈ ಯೋಜನೆಯ ಭಾಗವಾಗಿ ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ-ರಾಯಭಾಗ ನಡುವೆ ಜೋಡಿ ಹಳಿ ನಿರ್ಮಾಣ ಮಾಡಲಾಗಿದೆ. ಘಟಪ್ರಭಾ ಮತ್ತು ಚಿಕ್ಕೋಡಿ ರಸ್ತೆ ನಡುವಿನ ಜೋಡಿ ಮಾರ್ಗವನ್ನು ಕಳೆದ ವರ್ಷ ಲೋಕಾರ್ಪಣೆ ಮಾಡಲಾಗಿತ್ತು. ಕುಡಚಿ ಮತ್ತು ರಾಯಭಾಗ ನಡುವಿನ ಮಾರ್ಗವನ್ನು ಈ ಆರ್ಥಿಕ ವರ್ಷದ ಅಂತ್ಯದಲ್ಲಿ ಪೂರ್ಣಗೊಳಿಸುವ ಗುರಿ ಹೊಂದಲಾಗಿದೆ.

ಸಬರ್ಬನ್ ರೈಲು ಯೋಜನೆ: ಮೊದಲ ಹಂತದ 3 ಮಾರ್ಗ ನಿರ್ಮಾಣಕ್ಕೆ ಒಪ್ಪಿಗೆ

ಚಿಕ್ಕೋಡಿ ಮತ್ತು ರಾಯಭಾಗ ನಡುವಿನ ಜೋಡಿಹಳಿಯಲ್ಲಿ 130 ಕಿ. ಮೀ. ವೇಗದಲ್ಲಿ ರೈಲನ್ನು ಓಡಿಸುವ ಮೂಲಕ ಪರಿಶೀಲನೆ ಮಾಡಲಾಯಿತು. ಬಳಿಕ ರೈಲ್ವೆ ನಿಲ್ದಾಣಗಳನ್ನು ಪರಿಶೀಲನೆ ನಡೆಸಲಾಯಿತು.

ಮೋಟಾರ್ ಟ್ರಾಲಿ ತಪಾಸಣೆಯನ್ನು ನಡೆಸಿದ ಅಧಿಕಾರಿಗಳ ತಂಡ ಹಳಿಗಳ ಪರಿಶೀಲನೆಯನ್ನು ನಡೆಸಿತು. ಬೆಳಗಾವಿ ಸಂಸದ, ರೈಲ್ವೆ ಖಾತೆ ರಾಜ್ಯ ಸಚಿವರಾಗಿದ್ದ ದಿ. ಸುರೇಶ್ ಅಂಗಡಿ ಅವರು ಈ ಯೋಜನೆ ವೇಗವಾಗಿ ಪೂರ್ಣಗೊಳ್ಳಲು ವಿಶೇಷ ಆಸಕ್ತಿವಹಿಸಿದ್ದರು.

English summary
Commissioner of Railway Safety (CRS) conducted inspection of newly laid double line between Chikodi Road and Raybag stations (13.94 Km). This is the part of doubling between Londa-Miraj.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X