ಬರ್ತ್ ಡೇ: ಬೆಳಗಾವಿಯಲ್ಲಿ ಕೊರೊನಾಕೃತಿ ಕೇಕ್ ಕಟ್
ಬೆಳಗಾವಿ, ಮೇ 10: ಬೆಳಗಾವಿ ಜಿಲ್ಲೆಯ ವ್ಯಕ್ತಿಯೊಬ್ಬ ಕೊರೊನಾ ವೈರಸ್ ಮಾದರಿಯ ಕೇಕ್ ಕತ್ತರಿಸಿ ತನ್ನ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾನೆ.
ಕೊರೊನಾ ವೈರಸ್ ಆಕೃತಿಯ ಕೇಕ್ ತಯಾರಿಸಿ, ಬರ್ತ್ ಡೇ ಆಚರಣೆ ಮಾಡಿಕೊಂಡಿದ್ದಾನೆ. ಕೇಕ್ ಕತ್ತರಿಸಿ ಅದನ್ನು ಜನರಿಗೆ ತಿನ್ನಿಸಿದ ಈ ವ್ಯಕ್ತಿ ಈಗ ಎಲ್ಲರ ಗಮನ ಸೆಳೆದಿದ್ದಾನೆ.
"ಗೋ ಕೊರೊನಾ, ಕೊರೊನಾ ಖಲ್ಲಾಸ್' ಎಂದು ಈ ವ್ಯಕ್ತಿ ತಿನ್ನಿಸಿದ್ದು, ಆ ಮೂಲಕ ಜಾಗೃತಿ ಮೂಡಿಸುವ ಕೆಲಸ ಮಾಡಿದ್ದಾನೆ. ಮಲ್ಲಿಕಾರ್ಜುನ ಚೌಕಾಶಿ ಎಂಬಾತನೇ ಕೊರೊನಾ ವೈರಸ್ ಮಾದರಿಯ ಕೇಕ್ ಕತ್ತರಿಸಿ ಬರ್ತ್ ಡೇ ಆಚರಿಸಿಕೊಂಡಿರುವ ವ್ಯಕ್ತಿಯಾಗಿದ್ದಾನೆ.
ಬೆಳಗಾವಿ ಜಿಲ್ಲೆ ಘಟಪ್ರಭಾದ ಈ ವ್ಯಕ್ತಿ, ಜನರು ಕೇಕ್ ತಿಂದಂತೆ ಕೊರೊನಾ ವೈರಸ್ ಕೂಡಾ ಕರಗಿ ಹೋಗಲಿ ಎಂಬ ಆಶಯದೊಂದಿಗೆ ಬರ್ತ್ ಡೇ ಆಚರಿಸಿಕೊಂಡಿದ್ದಾನೆ. ಹಾಸ್ಯಗಾರ ಸಂಜು ಬಸಯ್ಯ, ಚಿತ್ರನಟ ಪ್ರಕಾಶ ಸಿಂದಿಕುರಬೆಟ್ಟ ಸೇರಿದಂತೆ ಹಲವರು ಭಾಗಿಯಾಗಿದ್ದಾರೆ.
Click it and Unblock the Notifications
Sign in with Google