ವರನ ಅಪ್ಪನ ಜೊತೆ ವಧುವಿನ ತಾಯಿ ಪರಾರಿ, ಮಕ್ಕಳ ಮದುವೆ ಮೂರಾಬಟ್ಟೆ
ಸೂರತ್, ಜನವರಿ 21: ಗುಜರಾತ್ ನಲ್ಲಿ ಬಹು ಅಪರೂಪದ ಘಟನೆಯೊಂದು ನಡೆದಿದೆ. ಮದುವೆಯಾಗಬೇಕಿದ್ದ ವರನ ಅಪ್ಪ, ವಧುವಿನ ತಾಯಿ ಜಂಟಿಯಾಗಿ ಪರಾರಿ ಆಗಿದ್ದಾರೆ. ಮಕ್ಕಳ ಮದುವೆ ನಿಶ್ಚಯ ಮಾಡಿ ತಾವುಗಳು ಮದುವೆ ಆಗಲು ಓಡಿ ಹೋಗಿದ್ದಾರೆ!
ಹೌದು, ಸೂರತ್ ಬಳಿಯ ಅಮ್ರೇಲಿ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದ್ದು, ವಧು-ವರರ ಪೋಷಕರು ಫೆಬ್ರವರಿ ಎರಡನೇ ವಾರ ಮದುವೆ ನಿಶ್ಚಯಿಸಿದ್ದರು. ಮದುವೆಗೆ ಸಕಲ ಸಿದ್ಧತೆಗಳೂ ನಡೆದಿದ್ದವು. ಆದರೆ ಅಚಾನಕ್ಕಾಗಿ ವರನ 48 ವರ್ಷದ ತಂದೆ, ವಧುವಿನ 46 ವರ್ಷದ ತಾಯಿ ಜೊತೆಯಾಗಿ ಪರಾರಿ ಆಗಿದ್ದಾರೆ.
ಈ ಇಬ್ಬರು ನಡುವಯಸ್ಸಿನವರ ಪ್ರೇಮ ಪುರಾಣ ಹೊಸದಾಗಿ ಪ್ರಾರಂಭವಾದದ್ದಲ್ಲ. ಇಬ್ಬರೂ ಕಾಲೇಜು ಸಮಯದಲ್ಲಿಯೇ ಪ್ರೀತಿಸಿದ್ದರಂತೆ. ಆದರೆ ಮಕ್ಕಳ ಮದುವೆ ಸಮಯದಲ್ಲಿ ಮತ್ತೆ ಭೇಟಿ ಆದ ಕಾರಣ ಹಳೆ ಪ್ರೇಮ ಮತ್ತೆ ಚಿಗುರೊಡೆದಿದೆ.
ಕಾಲೇಜು ದಿನಗಳಲ್ಲಿ ಇಬ್ಬರೂ ನೆರೆ-ಹೊರೆಯವರೇ ಆಗಿದ್ದರಂತೆ. ಆಗಲೇ ಇಬ್ಬರಿಗೂ ಪರಿಚಯವಿದ್ದು, ಪ್ರೇಮವೂ ಇತ್ತಂತೆ. ಆಗ ಒಂದಾಗಲಾಗದಿದ್ದ ಈ ಜೋಡಿ ಈಗ ಮಕ್ಕಳ ಮದುವೆ ಸಮಯದಲ್ಲಿ 'ಒಂದಾಗಿದೆ'.
ವರನ ತಂದೆ ಸ್ಥಳೀಯ ರಾಜಕಾರಣಿ ಆಗಿದ್ದು, ಬಟ್ಟೆ ವ್ಯಾಪಾರಿ ಮತ್ತು ರಿಯಲ್ ಎಸ್ಟೇಟ್ ಉದ್ಯಮಿಯೂ ಆಗಿದ್ದರು. ವರನ ತಾಯಿಯೂ ಉದ್ಯೋಗದಲ್ಲಿದ್ದರು. ಈಗ ಈ ಇಬ್ಬರೂ ಓಡಿ ಹೋಗಿರುವುದರಿಂದ ಅವರ ಮಕ್ಕಳ ಮದುವೆ ಮುರಿದುಬಿದ್ದಿದೆ.
Click it and Unblock the Notifications
Sign in with Google