ಶಾಲಾ ಬಸ್ ದುರಂತ: ಮೃತರ ಸಂಖ್ಯೆ 11ಕ್ಕೆ ಏರಿಕೆ

ಜೈಪುರ,ಜುಲೈ 31: ಮಂಗಳವಾರ ಬೆಳಗ್ಗೆ 7 ಗಂಟೆಯಲ್ಲಿ ಶಾಲೆಗೆ ಹೊರಟಿದ್ದ ಮಕ್ಕಳು ಬಸ್ ಚಾಲಕನ ತಪ್ಪಿನಿಂದಾಗಿ ಭೀಕರ ರಸ್ತೆ ಅಪಘಾತದಿಂದ ಸಾವಿನ ಮನೆ ಸೇರಿದ್ದಾರೆ. ರಾಜಸ್ಥಾನದ ಹುನಮಾನಗಢ ಜಿಲ್ಲೆಯಲ್ಲಿ ಗೋಲುವಾಲಾ ಬಳಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಈ ಅವಘಡ ಸಂಭವಿಸಿದೆ.

ಶಾಲಾ ಬಸ್ ಡ್ರೈವರ್ ಮುಂದಿದ್ದ ವಾಹನವನ್ನು ಹಿಂದಿಕ್ಕುವ ದುಸ್ಸಾಹಕ್ಕೆ ಮುಂದಾದಾಗ ಈ ದುರ್ಘಟನೆ ನಡೆದಿದೆ. ಡ್ರೈವರ್ ನಿಯಂತ್ರಣ ತಪ್ಪಿದ ಬಸ್ ಎದುರಿಗೆ ಬಂದ ಟ್ರಕ್ಕಿಗೆ ಮುಖಾಮುಖಿ ಡಿಕ್ಕಿಯಾಗಿದೆ. ಮೃತ ಮಕ್ಕಳು ಪಿಲಿಬಂಗಾದ ಸರಸ್ವತಿ ಬಾಲ ವಿದ್ಯಾ ಮಂದಿರಕ್ಕೆ ಸೇರಿದವರು. ಬಸ್ಸಿನಲ್ಲಿ 45 ಮಕ್ಕಳು ಇದ್ದರು.

8 ಮಕ್ಕಳು ಸ್ಥಳದಲ್ಲೇ ಅಸುನೀಗಿದ್ದಾರೆ. ಮೂವರು ಆಸ್ಪತ್ರೆಗೆ ದಾಖಲಿಸುವಾಗ ಅಸುನೀಗಿದ್ದಾರೆ. 20 ಮಕ್ಕಳು ತೀವ್ರವಾಗಿ ಗಾಯಗೊಂಡಿದ್ದಾರೆ. ಶಾಲಾ ಬಸ್ ಡ್ರೈವರ್ ಮತ್ತು ಟ್ರಕ್ಕಿನ ಡ್ರೈವರ್ ಅಪಘಾತವಾಗುತ್ತಿದ್ದಂತೆ ಸ್ಥಳದಿಂದ ಪರಾರಿಯಾಗಿದ್ದಾರೆ.

English summary

Bus accident in Ganganagar Rajasthan 11 school children dead. 10 children died in an accident this morning in Rajasthan and another 20 are in hospital after their school bus collided with a truck on a national highway in Ganganagar in northern part of the state. Their bus driver was allegedly trying to overtake another vehicle when he collided with a truck coming towards him.