Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಿಇಟಿ ಸೀಟು ಸಿಕ್ಕರೆ, ಕಾಮೆಡ್-ಕೆ ಶುಲ್ಕ ವಾಪಸ್
ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದಲ್ಲಿ ಗುರುವಾರ ಉನ್ನತ ಶಿಕ್ಷಣ ಸಚಿವ ಆರ್.ವಿ.ದೇಶಪಾಂಡೆ ಮತ್ತು ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಶರಣ್ ಪ್ರಕಾಶ ಪಾಟೀಲ್ ಜಂಟಿ ಪತ್ರಿಕಾಗೋಷ್ಠಿ ನಡೆಸಿ, ಕೌನ್ಸೆಲಿಂಗ್ ಕುರಿತು ಉಂಟಾಗಿದ್ದ ಎಲ್ಲಾ ಗೊಂದಲಗಳನ್ನು ಬಗೆಹರಿಸಿದರು.
ಮಾಧ್ಯಮಗಳಿಗೆ ಮಾಹಿತಿ ನೀಡಿದ ಆರ್.ವಿ.ದೇಶಪಾಂಡೆ, ವೈದ್ಯ, ದಂತ ವೈದ್ಯ, ಇಂಜಿನಿಯರಿಂಗ್ ಸೇರಿದಂತೆ ವಿವಿಧ ವೃತ್ತಿಪರ ಕೋರ್ಸುಗಳಿಗೆ ಸಿಇಟಿ ಕೌನ್ಸೆಲಿಂಗ್‌ಗಿಂತ ಮೊದಲು, ಕಾಮೆಡ್ -ಕೆ ಕೌನ್ಸಿಲಿಂಗ್ ಆರಂಭವಾಗಿದೆ.
ಮೊದಲು ನಡೆದ ಕಾಮೆಡ್-ಕೆ ಕೌನ್ಸೆಲಿಂಗ್‌ನಲ್ಲಿ ಸೀಟು ಪಡೆದ ವಿದ್ಯಾರ್ಥಿಗಳು, ಸಿಇಟಿ ಕೌನ್ಸೆಲಿಂಗ್‌ನಲ್ಲೂ ಸೀಟು ಪಡೆದರೆ ಕಾಮೆಡ್-ಕೆ ಸೀಟು ಪಡೆವಾಗ ಪಾವತಿಸಿದ್ದ ಸಂಪೂರ್ಣ ಶುಲ್ಕವನ್ನು ವಾಪಸ್ ಕೊಡಿಸುವುದಾಗಿ ಭರವಸೆ ನೀಡಿದರು.
ಕಾಮೆಡ್-ಕೆ ಜೊತೆ ಈ ಕುರಿತು ಮಾತುಕತೆ ನಡೆಸಲಾಗಿದ್ದು, ಒಂದು ವೇಳೆ ಸಿಇಟಿಯಲ್ಲಿ ಸೀಟು ಪಡೆದ ಯಾವುದೇ ವಿದ್ಯಾರ್ಥಿ ಕಾಮೆಡ್-ಕೆ ಸೀಟನ್ನು ವಾಪಸ್ ಮಾಡಿದರೆ, ಪೂರ್ಣ ಪ್ರಮಾಣದ ಶುಲ್ಕವನ್ನು ಹಿಂದಿರುಗಿಸುವಂತೆ ಸೂಚಿಸಲಾಗಿದೆ ಎಂದರು.
ಎಷ್ಟು ಸೀಟು ಲಭ್ಯವಿದೆ : ಈ ಬಾರಿ ಕಾಮೆಡ್-ಕೆಯಲ್ಲಿ 683 ವೈದ್ಯಕೀಯ ಸೀಟುಗಳು ಲಭ್ಯವಿವೆ. ಅವುಗಳಲ್ಲಿ 348 ಸೀಟುಗಳು ಭರ್ತಿಯಾಗಿವೆ. ಇವರಲ್ಲಿ ಕೇವಲ 21 ಜನರು ಕರ್ನಾಟಕದವರು.
ದಂತ ವೈದ್ಯಕೀಯದಲ್ಲಿ 744 ಸೀಟುಗಳಲ್ಲಿ ಕೇವಲ 64 ಸೀಟು ಭರ್ತಿಯಾಗಿವೆ. ಇದರಲ್ಲಿ ಇಬ್ಬರು ಮಾತ್ರ ರಾಜ್ಯದ ವಿದ್ಯಾರ್ಥಿಗಳಾಗಿದ್ದಾರೆ. ಕಾಮೆಡ್-ಕೆ ಸೀಟು ಪಡೆದಿರುವವರಿಗೆ ಜು.13ರವರೆಗೆ ಸೀಟು ಹಿಂತಿರುಗಿಸಲು ಕಾಲಾವಕಾಶ ಇದೆ.
ಅಷ್ಟರೊಳಗೆ ಸಿಇಟಿ ಕೌನ್ಸೆಲಿಂಗ್ ನಡೆದು, ಸೀಟು ಲಭ್ಯತೆಯ ಖಾತ್ರಿ ದೊರೆಯೆಲಿದೆ. ನಂತರ ವಿದ್ಯಾರ್ಥಿಗಳು ಕಾಮೆಡ್-ಕೆ ಸೀಟುಗಳನ್ನು ವಾಪಸ್ ಮಾಡಬಹದು. ಅಗತ್ಯವಿದ್ದರೆ, ಕಾಮೆಡ್-ಕೆ ಸೀಟು ವಾಪಸ್ ಮಾಡಲು ಇರುವ ಜು.13ರ ಕೊನೆಯ ದಿನಾಂಕವನ್ನೂ ವಿಸ್ತರಿಸಲು ಮನವಿ ಮಾಡುವುದಾಗಿ ಮಾಹಿತಿ ನೀಡಿದರು.
221 ಹೆಚ್ಚು ವೈದ್ಯ ಸೀಟು : ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಶರಣ್ ಪ್ರಕಾಶ್ ಪಾಟೀಲ್ ಮಾತನಾಡಿ, ಕಳೆದ ಬಾರಿಗಿಂತ ಈ ವರ್ಷ ಸರ್ಕಾರಿ ಕೋಟಾದಡಿ 221ಕ್ಕೂ ಹೆಚ್ಚು ವೈದ್ಯಕೀಯ ಸೀಟುಗಳು ಲಭ್ಯವಾಗಲಿವೆ ಎಂದು ಹೇಳಿದರು.
ಆನ್‌ಲೈನ್‌ ಮೂಲಕ ಶುಲ್ಕ ಪಾವತಿ : ಇದೇ ಮೊದಲ ಬಾರಿಗೆ ಆನ್‌ಲೈನ್‌ ಮೂಲಕ ಶುಲ್ಕ ಪಾವತಿಗೆ ವ್ಯವಸ್ಥೆ ಕಲ್ಪಿಸಲಾಗಿದೆ. ಶುಲ್ಕ ಪಾವತಿಗೆ ಡಿಡಿ ಪಡೆಯುವ ಅಗತ್ಯವಿಲ್ಲ. ಇಂಡಿಯನ್‌ ಬ್ಯಾಂಕ್‌ ಮೂಲಕ ನೇರವಾಗಿ ಶುಲ್ಕ ಪಾವತಿಸಬಹುದು ಎಂದು ತಿಳಿಸಿದರು.
ಸಚಿವರ ಭರವಸೆಯಿಂದಾಗಿ ಕಾಮೆಡ್-ಕೆ ಸೀಟು ಪಡೆದ ನಂತರ ಸರ್ಕಾರಿ ಸೀಟು ದೊರೆಕಿದರೆ, ಕಾಮೆಡ್-ಕೆ ಶುಲ್ಕ ಮರುಪಾವತಿಯಾಗುವುದೇ? ಎಂಬ ಪೋಷಕರ ಮತ್ತು ವಿದ್ಯಾರ್ಥಿಗಳ ಗೊಂದಗಳಿಗೆ ತೆರೆ ಬಿದ್ದಿದೆ.
