ಚಿತ್ರಗಳಲ್ಲಿ: ಶಪಥ ಮುರಿದ ಕಿಂಗ್ ಖಾನ್ ಶಾರುಖ್

By Mahesh

Updated: Thursday, July 4, 2013, 21:50 [IST]

ಬೆಂಗಳೂರು, ಜು.4: ಬಾಲಿವುಡ್ ನ ಕಿಂಗ್ ಖಾನ್ ಶಾರುಖ್ ಅವರು ತಮ್ಮ ಶಪಥ ಮುರಿದಿದ್ದಾರೆ. ವಿಷಯ ಅವರ ಮೂರನೇ ಮಗುವಿನ ಬಗ್ಗೆ ಅಲ್ಲ. ಶಾರುಖ್ ಖಾನ್ ಅವರನ್ನು ಬಿಡದಂತೆ ಕಾಡುತ್ತಿರುವ ಚಟದ ಬಗ್ಗೆ.

ಸಾರ್ವಜನಿಕ ಸ್ಥಳಗಳಲ್ಲಿ ಇನ್ಮುಂದೆ ಧೂಮಪಾನ ಸೇದುವುದಿಲ್ಲ ಎಂದು ಶಪಥ ಮಾಡಿದ್ದ ಶಾರುಖ್ ಖಾನ್ ಅವರು ಚೆನ್ನೈ ಎಕ್ಸ್ ಪ್ರೆಸ್ ಚಿತ್ರದ ಪ್ರಚಾರಕ್ಕಾಗಿ ಟಿವಿ ಶೋಗೆ ಬಂದಿದ್ದವರು ತುಟಿಗೆ ಸಿಗರೇಟ್ ಏರಿಸಿಬಿಟ್ಟರು. ಶಾರುಖ್ ಗೆ ಶಪಥ ನೆನಪಾಗುವ ಹೊತ್ತಿಗೆ ಸಿಗರೇಟ್ ತುಟಿಯಿಂದ ಕೆಳಗಿಳಿಸಿದ್ದರು ಹೊಗೆಯಾಡುತ್ತಿತ್ತು. ಈ ನಡುವೆ ಬೆಂಗಳೂರಿಗೆ ಬಂದಿರುವ ದೀಪಿಕಾ ಪಡುಕೋಣೆ ಅವರು ಖಾಸಗಿ ಸಮಾರಂಭಗಳಲ್ಲಿ ಕಾಣಿಸಿಕೊಂಡಿದ್ದು ತಮ್ಮ ಚಿತ್ರ ಪ್ರಚಾರವನ್ನು ಭರ್ಜರಿಯಾಗಿ ಮಾಡುತ್ತಿದ್ದಾರೆ.

ಈಜಿಪ್ಟ್ ಗಲಭೆ: ಈಜಿಪ್ಟ್ ನಲ್ಲಿ ಸೇನೆ ಅಧಿಕಾರ ವಹಿಸಿಕೊಳ್ಳುತ್ತಿದೆ. ಮಧ್ಯಂತರ ಪ್ರಧಾನಿಯಾಗಿ ಮುಖ್ಯ ನ್ಯಾಯಾಧೀಶರನ್ನು ನೇಮಿಸುವ ಸುದ್ದಿ ಬಂದಿದೆ. ಸೇನೆಯ ಹಿರಿಯ ಅಧಿಕಾರಿಗಳು ಅಧ್ಯಕ್ಷ ಮೊಹಮ್ಮದ್ ಮೋರ್ಸಿ ಅವರ ಗೃಹ ಬಂಧನ ಮುಂದುವರೆಸಲಾಗಿದೆ.

ಈ ಬಾರಿ ವಿಂಬಲ್ಡನ್ ಸೆಮಿಫೈನಲ್ ರೋಚಕತೆ ಘಟ್ಟ ಮುಟ್ಟುತ್ತಿದೆ. ರಫೆಲ್ ನಡಾಲ್, ಹುಲ್ಲು ಹಾಸಿನ ಕಿಂಗ್ ರೋಜರ್ ಫೆಡರರ್, ಮರಿಯಾ ಶರಪೋವಾ, ಸೆರೆನಾ ವಿಲಿಯಮ್ಸ್ ಸೇರಿದಂತೆ 7-8 ಘಟಾನುಘಟಿಗಳು ಟೂರ್ನಿಯಿಂದ ಹೊರಬಿದ್ದ ಮೇಲೆ ದೈತ್ಯ ಸಂಹಾರಿಗಳದ್ದೇ ಕಾರುಬಾರಾಗಿದೆ. ಅಲ್ ಇಂಗ್ಲೆಂಡ್ ಚಾಂಪಿಯನ್ ಶಿಪ್ ನಲ್ಲಿ ಬುಧವಾರ ನಡೆದ ಪಂದ್ಯಗಳ ಚಿತ್ರಗಳು ನಿಮಗಾಗಿ ಇಲ್ಲಿದೆ.

ಶಾರುಖ್ -ಚೆನ್ನೈ ಎಕ್ಸ್ ಪ್ರೆಸ್

ದೀಪಿಕಾ ಪಡುಕೋಣೆ

ಬೆಂಗಳೂರು: ದೀಪಿಕಾ ಪಡುಕೋಣೆ ಅವರು ಖಾಸಗಿ ಸಮಾರಂಭಗಳಲ್ಲಿ ಕಾಣಿಸಿಕೊಂಡಿದ್ದು ತಮ್ಮ ಚಿತ್ರ ಪ್ರಚಾರ ಮಾಡಿದರು.

ಅಮರನಾಥ ಯಾತ್ರೆ ಮತ್ತೆ ಆರಂಭ

ಯೋಧರ ರಕ್ಷಣೆ ಜೊತೆಗೆ ಸುಮಾರು 81 ವಾಹನಗಳಲ್ಲಿ 2 ಸಾವಿರಕ್ಕೂ ಅಧಿಕ ಯಾತ್ರಿಗಳು ಭಾಗ್ವತಿ ನಗರ ಬೇಸ್ ಕ್ಯಾಂಪ್ ಬಿಟ್ಟು ಅಮರನಾಥ ಕಡೆಗೆ ಪಾದ ಬೆಳೆಸಿದ್ದಾರೆ

ಇಸ್ರೋ ಮುಖ್ಯಸ್ಥರ ದೇಗುಲ ಭೇಟಿ

ತಿರುಪತಿ: ಜಿಪಿಎಎಸ್ ಗೆ ಸಮನಾದ ವ್ಯವಸ್ಥೆ ಒದಗಿಸಬಲ್ಲ ಉಪಗ್ರಹ ಯಶಸ್ವಿ ಉಡಾವಣೆ ನಂತರ ಇಸ್ರೋ ಅಧ್ಯಕ್ಷ ಕೆ ರಾಧಕೃಷ್ಣನ್ ಅವರು ಪತ್ನಿ ಪದ್ಮಿನಿ ಜೊತೆ ತಿರುಮಲ ತಿರುಪತಿ ದೇಗುಲಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸಿದರು.