ರೂಪಾಯಿಗಿಂತ ವೇಗವಾಗಿ ಕುಸಿದ ಚಿನ್ನ- ಬೆಳ್ಳಿ ದರ

ನವದೆಹಲಿ, ಜೂನ್ 20: ರೂಪಾಯಿ ಮೌಲ್ಯ ತನ್ನ ಜೀವಿತಾವಧಿಯಲ್ಲಿ ಕನಿಷ್ಠಪಟ್ಟಕ್ಕೆ ಕುಸಿದಿದೆ. ಆದರೆ ಅದಕ್ಕಿಂತ ವೇಗವಾಗಿ ಕುಸಿತ ಕಂಡಿರುವು ಚಿನ್ನದ ಧಾರಣೆ.

ವಾಯಿದಾ ಮಾರುಕಟ್ಟೆಯಲ್ಲಿ ಗುರುವಾರ ಚಿನ್ನದ ಬೆಲೆ 1,000 ರೂ. ನಷ್ಟು ಕುಸಿದಿದ್ದರೆ ಬೆಳ್ಳಿ ಬೆಲೆ 2,000 ರೂ. ನಷ್ಟು ಕರಗಿದೆ. ವಿದೇಶಿ ಮಾರುಕಟ್ಟೆಯಲ್ಲಿನ ಆತಂಕಕಾರಿ ಸ್ಥಿತ್ಯಂತರಗಳು ಮತ್ತು ಬೇಡಿಕೆ ಕುಸಿತದಿಂದಾಗಿ ಚಿನ್ನ- ಬೆಳ್ಳಿ ಬೆಲೆಗಳು ಕರಗಿವೆ.

ಗಮನಾರ್ಹವೆಂದರೆ ಡಾಲರ್ ವಿರುದ್ಧ ರೂಪಾಯಿ ಮೌಲ್ಯ ಕುಸಿದಿದ್ದರಿಂದ ಚಿನ್ನದ ಬೆಲೆ ಮತ್ತಷ್ಟು ಕುಸಿಯುವುದನ್ನು ತಡೆದಂತಾಗಿದೆ. ಆದರೆ ವಿಶ್ವ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಕಳೆದೆರಡು ವರ್ಷಗಳಲ್ಲಿ ಇಂದು ಗರಿಷ್ಠ ಮಟ್ಟದಲ್ಲಿ ಕುಸಿದಿದೆ.

ಇಂದು Multi Commodity Exchangeನಲ್ಲಿ ಜುಲೈ ತಿಂಗಳಿಗೆ 10 ಗ್ರಾಂ ಚಿನ್ನಕ್ಕೆ 27,271 ರೂ.ಗೆ ನಿಂತಿತ್ತು. ಇನ್ನು, ಬೆಳ್ಳಿ 2,000 ರೂ ಕುಸಿತ ಕಂಡು ಕೆಜಿಗೆ 41,910 ರೂ. ನಷ್ಟಿದೆ.

English summary

Gold prices plummet by Rs 1000 Silver by Rs 2500 June 20 MCX. Old prices plunged by over Rs 1000 per 10 grams in future trade on Thursday as participants reduced their positions largely in tandem with a weak trend overseas. However, depreciation in rupee against the dollar capped downside as compared to fall in international market.