ಆಸ್ಪತ್ರೆಯಲ್ಲಿ ಅತ್ಯಾಚಾರ ಮಾಡಿದ ವೈದ್ಯ ಪರಾರಿ

ಠಾಣೆ, ಮೇ 3: ಚಿಕಿತ್ಸೆಗೆಂದು ತನ್ನ ಆಸ್ಪತ್ರೆಗೆ ಬಂದ ಯುವತಿಯ ಮೇಲೆ ಅತ್ಯಾಚಾರವೆಸಗಿದ ಆರೋಪದ ಮೇಲೆ ಕಾಮುಕ ವೈದ್ಯನ ಬಂಧನಕ್ಕೆ ಪೊಲೀಸರು ಬಲೆ ಬೀಸಿದ್ದಾರೆ.

ಠಾಣೆ ಜಿಲ್ಲೆಯ ದಿವಾ ಟೌನ್ ಷಿಪ್ ನಲ್ಲಿರುವ ಡಾ. ವಿಲಿಯಂ ಜಾಕಬ್ ಕಳೆದ ತಿಂಗಳು ಚಿಕಿತ್ಸೆಗೆಂದು ಬಂದ 24 ವರ್ಷ ಯುವತಿಯ ಮೇಲೆ ಅತ್ಯಾಚಾರವೆಸಗಿದ್ದಾನೆ ಎಂದು ಮುಂಬ್ರಾ ಪೊಲೀಸ್ ಠಾಣಾಧಿಕಾರಿ ತಿಳಿಸಿದ್ದಾರೆ.

ಈ ಸಂಬಂಧ ಬಾಧಿತ ಯುವತಿ ದೂರು ನೀಡಿದ್ದಾರೆ. 'ಏಪ್ರಿಲ್ 24ರಂದು ಚಿಕಿತ್ಸೆಗಾಗಿ ಡಾ. ವಿಲಿಯಂ ಆಸ್ಪತ್ರೆಗೆ ದಾಖಲಾಗಿದ್ದೆ. ಆಗ ಚಿಕಿತ್ಸೆಯ ನೆಪದಲ್ಲಿ ನನಗೆ ನಿದ್ದೆ ಔಷಧ ಮಿಶ್ರಿತ ಸಲೈನ್ ನೀಡಿದರು. ಇದರಿಂದ ನಾನು ಪ್ರಜ್ಞಾಶೂನ್ಯಳಾದೆ. ಆ ಸಂದರ್ಭದಲ್ಲಿ ಆರೋಪಿ ತನ್ನ ಮಾನಭಂಗ ಮಾಡಿದ್ದಾನೆ' ಎಂದು ದೂರಿನಲ್ಲಿ ಯುವತಿ ವಿವರಿಸಿದ್ದಾರೆ.

ಈ ದೂರಿನನ್ವಯ ಪೊಲೀಸರು ಡಾ. ವಿಲಿಯಂ ಜಾಕಬ್ ವಿರುದ್ಧ ನಿನ್ನೆ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಆದರೆ ಆರೋಪಿ ಪರಾರಿಯಾಗಿದ್ದಾನೆ.

English summary

Woman raped in hospital in Thane Doctor absconds. Dr William Jacob admitted the 24-year-old victim at his private hospital in Diva township of Thane district last month following an illness. At that time doctor allegedly raped the young woman, Mumbra police station sub-inspector Laxman B Rathod said.