ಪ್ರಬಲ ಜಾತಿಗಳಿಗೆ ಟಿಕೆಟ್ : ಪಕ್ಷಗಳ ಜಾತಿ ಲೆಕ್ಕಾಚಾರ

ಬೆಂಗಳೂರು, ಏ. 24 : ರಾಜಕೀಯ ಎಂದ ಮೇಲೆ ಅದು ಜಾತಿ ಲೆಕ್ಕಾಚಾರವಾಗಿರುತ್ತದೆ. ರಾಜಕಾರಣಿಗಳು ವೋಟಿನ ಆಸೆ, ಅಧಿಕಾರ ಪಡೆಯಲು ಜಾತ್ಯಾತೀತ ತತ್ವಗಳನ್ನು ಮರೆತು ಪ್ರಬಲ ಜಾತಿಗಳಿಗೆ ಟಕೆಟ್ ಹಂಚುತ್ತಾರೆ. ಚುನಾವಣೆ ಆರಂಭದಿಂದ ಪ್ರಾರಂಭವಾಗುವ ಜಾತಿ ಲೆಕ್ಕಾಚಾರಗಳು ಸಚಿವ ಸಂಪುಟ ವಿಸ್ತರಣೆವರೆಗೆ ಮುಂದುವರೆಯುತ್ತದೆ.

ಈ ಬಾರಿಯ ಚುನಾವಣೆಯು ಜಾತಿ ಲೆಕ್ಕಾಚಾರಗಳಿಂದ ಹೊರತಾಗಿಲ್ಲ. ಪ್ರಮುಖ ಪಕ್ಷಗಳು ಹೆಚ್ಚಿನ ಪ್ರಾತಿನಿಧ್ಯ ನೀಡಿರುವುದು ಲಿಂಗಾಯತ ಸಮುದಾಯಕ್ಕೆ. ಸಾಮಾಜಿಕ ನ್ಯಾಯದ ಬಗ್ಗೆ ಗಂಟೆ ಗಟ್ಟೆಲೆ ನಿರರ್ಗಳವಾಗಿ ಮಾತನಾಡುವ ಪಕ್ಷದ ಮುಖಂಡರು ಟಿಕೆಟ್ ಕೇಳಿದರೆ ಮೊದಲು ಯಾವ ಜಾತಿಯವರು ಎಂದು ನೋಡುತ್ತಾರೆ.

ಲಿಂಗಾಯತರು, ಒಕ್ಕಲಿಗರಿಗೆ ಪ್ರಮುಖ ಪಕ್ಷಗಳು ಹೆಚ್ಚಿನ ಪ್ರಾತಿನಿಧ್ಯ ನೀಡಿದ್ದರೆ, 51 ಕ್ಷೇತ್ರಗಳು ಮೀಸಲಾಗಿದ್ದವು ಎಂಬ ಕಾರಣಕ್ಕೆ ಪರಿಶಿಷ್ಟ ಜಾತಿ ಮತ್ತು ಪಂಗಡದವರಿಗೆ ಆದ್ಯತೆ ದೊರಕಿದೆ. ಕಾಂಗ್ರೆಸ್, ಜೆಡಿಎಸ್, ಬಿಜೆಪಿ, ಕೆಜೆಪಿ ಪಕ್ಷಗಳಿಂದ ಒಟ್ಟು 266 ಲಿಂಗಾಯತ ಅಭ್ಯರ್ಥಿಗಳು ಕಣದಲ್ಲಿದ್ದು ಅವರಿಗೆ ಈ ಬಾರಿಯ ಚುನಾವಣೆಯಲ್ಲಿ ಮೊದಲ ಸ್ಥಾನ ದೊರಕಿದೆ.

ಐದು ಪಕ್ಷಗಳಿಂದ 194 ಒಕ್ಕಲಿಗರು ಚುನಾವಣೆ ಕಣದಲ್ಲಿದ್ದು, ಇವರು ಎರಡನೇ ಸ್ಥಾನ ಪಡೆದಿದ್ದಾರೆ. ಮುಸ್ಲಿಂ ಅಭ್ಯರ್ಥಿಗಳಿಗೆ ಜೆಡಿಎಸ್ ಹೆಚ್ಚಿನ ಒತ್ತು ನೀಡಿದೆ. 20 ಮುಸ್ಲಿಂ ಅಭ್ಯರ್ಥಿಗಳು ಜೆಡಿಎಸ್ ಪಕ್ಷದಿಂದ ಚುನಾವಣೆಗೆ ಧುಮುಕಿದ್ದಾರೆ. ಕಾಂಗ್ರೆಸ್ 19 ಮತ್ತು ಕೆಜೆಪಿ 11 ಮುಸ್ಲಿಂ ಅಭ್ಯರ್ಥಿಗಳಿಗೆ ಅವಕಾಶ ನೀಡಿದೆ.

ಪ್ರಮುಖ ಪಕ್ಷಗಳ ಜಾತಿವಾರು ಲೆಕ್ಕಾಚಾರ ಹೀಗಿದೆ.

ಕಾಂಗ್ರೆಸ್
ಲಿಂಗಾಯತರು - 61
ಒಕ್ಕಲಿಗರು - 39
ಎಸ್ ಸಿ - 35
ಎಸ್ ಟಿ - 17
ಒಬಿಸಿ - 48
ಮುಸ್ಲಿಂ - 19
ಇತರೆ - 5
ಒಟ್ಟು - 224

ಬಿಜೆಪಿ
ಲಿಂಗಾಯತರು - 60
ಒಕ್ಕಲಿಗರು - 51
ಎಸ್ ಸಿ - 33
ಎಸ್ ಟಿ - 18
ಒಬಿಸಿ - 32
ಮುಸ್ಲಿಂ - 0
ಇತರೆ - 29
ಒಟ್ಟು - 223

ಜೆಡಿಎಸ್
ಲಿಂಗಾಯತರು - 44
ಒಕ್ಕಲಿಗರು - 56
ಎಸ್ ಸಿ - 40
ಎಸ್ ಟಿ - 21
ಒಬಿಸಿ - 13
ಮುಸ್ಲಿಂ - 20
ಇತರೆ - 28
ಒಟ್ಟು - 222

ಕೆಜೆಪಿ
ಲಿಂಗಾಯತರು - 71
ಒಕ್ಕಲಿಗರು - 38
ಎಸ್ ಸಿ - 40
ಎಸ್ ಟಿ - 16
ಒಬಿಸಿ - 20
ಮುಸ್ಲಿಂ - 11
ಇತರೆ - 9
ಒಟ್ಟು - 205

ಬಿಎಸ್ಆರ್ ಕಾಂಗ್ರೆಸ್
ಲಿಂಗಾಯತರು - 30
ಒಕ್ಕಲಿಗರು - 10
ಎಸ್ ಸಿ - 33
ಎಸ್ ಟಿ - 15
ಒಬಿಸಿ - 20
ಇತರೆ - 23
ಒಟ್ಟು - 131

ನೀವೇ ಆಗಿರಿ ಕರ್ನಾಟಕದ ಗುರು | ಮತ ಹಾಕ್ತೀನಂತ ಪ್ರಮಾಣ ಮಾಡಿ

English summary

For Karnataka assembly election major political partys ticket issued to powerful communitys. Lingayat and Vokkaliga community get majority in ticket issuing. from both political partys totally 266 Lingayat and 194 Vokkaliga candidates in fray. 51 constituencys reserved for SC and SC communitys.