ಯಜಮಾನಿ ಸ್ನಾನಕ್ಕೆ ಹೋದಾಗ ಕೆಲಸದವಳು ...

ಮುಂಬೈ, ಏ.12: ಮನೆಯ ಯಜಮಾನಿ ಸ್ನಾನಕ್ಕೆ ಹೋದಾಗ ಮನೆಗೆಲಸದವಳು ಏನು ಮಾಡಿದಳು ಅಂದರೆ ಆಕೆ ವಾಪಸು ಬರುವ ವೇಳೆಗೆ 8 ಲಕ್ಷ ರೂ. ಮೌಲ್ಯದ ವಸ್ತುಗಳು ದೋಚಿ, ಮನೆಯನ್ನು ಗುಡಿಸಿ ಗುಂಡಾಂತರ ಮಾಡಿದ್ದಾಳೆ. ಸ್ನಾನ ಮುಗಿಸಿ ಹೊರಬಂದು ಮನೆ ಖಾಲಿಯಾಗಿರುವುದನ್ನು ನೋಡಿ ಮನೆಯಾಕೆ ಮೂರ್ಛೆ ಬೀಳುವುದು ಬಾಕಿ.

ಅಷ್ಟಕ್ಕೂ, ಉಂಡಮನೆಗೆ ದ್ರೋಹ ಬಗೆದ ಆ ಮನೆಗೆಲಸದವಳನ್ನು ಕೆಲಸಕ್ಕೆ ಇಟ್ಟುಕೊಂಡು ಕೇವಲ 4 ದಿನಗಳ ಹಿಂದಷ್ಟೇ. ಅಷ್ಟರಲ್ಲೇ ... ತನ್ನ ಕರಾಮತ್ತು ತೋರಿದ್ದಾಳೆ. ಚೂನಾಭಟ್ಟಿ ಪ್ರದೇಶದಲ್ಲಿರುವ 66 ವರ್ಷದ ಮನೆಯಾಕೆ ಇಳಿವಯಸ್ಸಿನಲ್ಲಿ ಇಂತಹ ಜೀವಮಾನದ ಪಾಠವನ್ನು ಕಲಿತಿರುವುದು ಪರಿಸ್ಥಿತಿಯ ವ್ಯಂಗ್ಯವೇ ಸರಿ.

ಏಪ್ರಿಲ್ 2ರಂದು ಈ ಘಟನೆ ನಡೆದಿದೆ. ಆಶಾ ಉಮಾನ್ ಬೆಳಗ್ಗೆ 10.30ರಲ್ಲಿ ಸ್ನಾನಕ್ಕೆಂದು ಬಚ್ಚಲುಮನೆಗೆ ತೆರಳಿದ್ದಾರೆ. ಆ ವೇಳೆ, ಇತರೆ ಮನೆ ಮಂದಿಯೆಲ್ಲ ಕೆಲಸಕ್ಕೆಂದು ಹೊರಹೋಗಿದ್ದರು. ಸ್ನಾನ ಮಗಿಸಿ ಬಂದ ಆಶಾ ಅವರಿಗೆ ಮನೆಯಲ್ಲಿ ಖಾಲಿಯಾಗಿರುವುದು ಅರಿವಿಗೆ ಬಂದಿದೆ. ಎಚ್ಚೆತ್ತು ನೀಡಿದರೆ ಕೆಲಸದಾಳು ಜಯಾ ಸಹ ಕಾಣೆಯಾಗಿರುವುದು ಗೊತ್ತಾಗಿದೆ.

ಪೊಲೀಸರು ಈಗ ಜಯಾಳ ಬೆನ್ನುಹತ್ತಿದ್ದಾರೆ. ಆದರೆ ಆಶಾರ ಬಳಿ ಅವಳ ಬಗ್ಗೆ ಹೆಚ್ಚು ಮಾಹಿತಿಯೇ ಇಲ್ಲ. ಆದರೂ ಆಶಾ ನೀಡಿರುವ ಅಸ್ಪಷ್ಟ ಮಾಹಿತಿಯನ್ನಾಧರಿಸಿ ಪೊಲೀಸರು 30-32 ವರ್ಷದ ಹೆಂಗಸಿನ ಚಿತ್ರ ಬರೆದು ಇಡೀ ಬಡಾವಣೆಯನ್ನು ಜಾಲಾಡುತ್ತಿದ್ದಾರೆ.

English summary

Mumbai lady owner goes for bath maid stole Rs 8 lakh. Woman goes for bath, maid cleans house of Rs 8 lakh. The Victim, Asha Oman (66) had hired the maid just 4 days before the theft and had not taken all her details; cops have made a sketch in order to trace her.