• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ನಡು ರಸ್ತೇಲಿ ಭಗ್ನ ಪ್ರೇಮಿ ಆಕೆಯನ್ನು ಕೊಚ್ಚಿ ಬಿಟ್ಟ

By Mahesh
|
ಮುಂಬೈ, ಆ.2: ಇಳಿ ಸಂಜೆ ಹೊತ್ತಲ್ಲಿ ಅಂಧೇರಿಯ ಪೂರ್ವ ಭಾಗದ ಪ್ರದೇಶವೊಂದರಲ್ಲಿ ನಡು ರಸ್ತೆಯಲ್ಲಿ ಪ್ರೀತಿಸಲು ಒಲ್ಲೆ ಎಂದ ಪ್ರಿಯತಮೆಯನ್ನು ಭಗ್ನಪ್ರೇಮಿಯೊಬ್ಬ ಸುಮಾರು 20 ಬಾರಿ ಚಾಕುವಿನಿಂದ ಇರಿದಿರುವ ಘಟನೆ ಇತ್ತೀಚೆಗೆ ನಡೆದಿದೆ. ರಸ್ತೆ ಮಧ್ಯೆಯಲ್ಲಿ ನೆರವಿಗಾಗಿ ಯುವತಿ ಚೀರುತ್ತಿದ್ದರೆ ಸಿನಿಮಾ ದೃಶ್ಯ ನೋಡುವಂತೆ ಸುತ್ತಮುತ್ತಲಿದ್ದ ನೋಡುತ್ತಿದ್ದರು ಎನ್ನಲಾಗಿದೆ. ಆದರೆ, ಅದೃಷ್ಟವಶಾತ್ ಯುವತಿ ಪ್ರಾಣಾಪಾಯದಿಂದ ಪಾರಾಗಿದ್ದಾಳೆ.

24 ವರ್ಷ ಯುವತಿ ಸ್ಥಳೀಯ ಸಂಸ್ಥೆಯೊಂದರಲ್ಲಿ ಅಕೌಂಟೆಟ್ ಆಗಿದ್ದಳು. ಜಿಮ್ ವೊಂದರಲ್ಲಿ ಇನ್ ಸ್ಟ್ರಕ್ಟರ್ ಆಗಿರುವ ಆರೋಪಿ ಯುವಕ ಆಕೆ ಹಿಂದೆ ಬಿದ್ದಿದ್ದ ಮದುವೆಯಾಗು ಎಂದು ಪೀಡಿಸುತ್ತಿದ್ದ. ಆಕೆ ಒಪ್ಪದಿದ್ದಾಗ ಈ ರೀತಿ ಇರಿದಿದ್ದಾನೆ ಎಂದು ಪೊಲೀಸರು ಹೇಳಿದ್ದಾರೆ.

ಪ್ರದೀಪ್ ಪಾಟೀಲ್(30) ಎಂಬ ಯುವಕ ಹರಿತವಾದ ಆಯುಧ ಬಳಸಿ ದೀಪಾ(ಹೆಸರು ಬದಲಾಯಿಸಲಾಗಿದೆ) ಎಂಬ ಯುವತಿಯ ಮೇಲೆ ಹಿಂಬದಿಯಿಂದ ದಾಳಿ ಮಾಡಿದ್ದಾನೆ. ನಂತರ ಆಕೆ ಕೈ, ಎದೆ, ಕಿಬ್ಬೊಟ್ಟೆ ಭಾಗಗಳ ಮೇಲೆ ಮನಸೋ ಇಚ್ಛೆ ತಿವಿದಿದ್ದಾನೆ. ಈ ಸಂದರ್ಭದಲ್ಲಿ ಆಕೆ ರಕ್ಷಣೆಗೆ ಯಾರು ಬಂದಿಲ್ಲ. ಧೈರ್ಯ ಮಾಡಿ ಮುಂದೆ ಬಂದ ಒಂದಿಬ್ಬರನ್ನು ಮುಂದೆ ಬಂದರೆ ನಿಮ್ಮನ್ನು ಕೊಂದು ಬಿಡುತ್ತೇನೆ ಎಂದು ಪ್ರದೀಪ್ ಹೆದರಿಸಿಬಿಟ್ಟಿದ್ದಾನೆ. ಕೆಲವು ಆ ಸ್ಥಳದಿಂದಲೇ ಜಾಗ ಖಾಲಿ ಮಾಡಿದ್ದಾರೆ ಎಂದು ಹಿರಿಯ ಇನ್ಸ್ ಪೆಕ್ಟರ್ ಎಸ್ ಎಲ್ ಹಜ್ಬಂದ್ ಹೇಳಿದ್ದಾರೆ.

ಕಚೇರಿ ಬಿಟ್ಟ ದೀಪಾ ಆಕೆ ನೆಂಟರ ಮನೆ ಕಡೆಗೆ ತೆರಳುತ್ತಿದ್ದಳು. ಮಾಹಿಂ ಪ್ರದೇಶದ ನಿವಾಸಿಯಾಗಿರುವ ದೀಪಾ ತಮ್ಮ ನೆಂಟರ ಮನೆಯಿಂದ ಕೇವಲ 100 ಮೀ ದೂರ ಹೋಗಿದ್ದಾಗ ಈ ಘಟನೆ ನಡೆದಿದೆ.

ರಕ್ತ ಸಿಕ್ತವಾಗಿ ಬಿದ್ದಿದ್ದ ಆಕೆಯನ್ನು ಕೂಪರ್ ಆಸ್ಪತ್ರೆಗೆ ಕರೆದೊಯ್ಯಲಾಯಿತು ಅಲ್ಲಿಂದ ನಂತರ ನಾಯರ್ ಆಸ್ಪತ್ರೆಗೆ ಸೇರಿಸಿ ಶಸ್ತ್ರಚಿಕಿತ್ಸೆ ನಡೆಸಲಾಯಿತು. ಸದ್ಯಕ್ಕೆ ಆಕೆ ಸುಸ್ಥಿತಿಯಲ್ಲಿದ್ದು, ಐಸಿಯುನಲ್ಲಿದ್ದಾಳೆ. ಎಂದು ಪೊಲೀಸರು ಹೇಳಿದ್ದಾರೆ.

ಯುವತಿಯನ್ನು ಇರಿದ ಮೇಲೆ ಬೊರಿವಿಲಿಗೆ ಪರಾರಿಯಾಗಿದ್ದ ಪ್ರದೀಪನನ್ನು ಪೊಲೀಸರು 9 ಗಂಟೆ ಹುಡುಕಾಟದ ನಂತರ ಹಿಡಿದಿದ್ದಾರೆ. ಕೊಲೆ ಪ್ರಯತ್ನ ಮಾಡಿದ ಆರೋಪದ ಮೇಲೆ ಆತನನ್ನು ಬಂಧಿಸಲಾಗಿದೆ. ಜಿಮ್ ನಲ್ಲಿ ಉದ್ಯೊಗಿಯಾಗಿದ್ದ ಈತ ಈ ಹಿಂದೆ ಡ್ರಗ್ಸ್ ಸೇವಿಸಿದ ಕಾರಣ, ಕೆಲಸದಿಂದ ವಜಾಗೊಂಡಿದ್ದ.

ದೀಪಾಳನ್ನು ಪ್ರತಿ ದಿನ ಇದೇ ರೀತಿ ರಸ್ತೆ ಮಧ್ಯೆದಲ್ಲೇ ಕಾಡುತ್ತಿದ್ದ. ಅವಳ ಹಿಂದೆ ಹುಚ್ಚನಂತೆ ಓಡಾಡುತ್ತಿದ್ದ ಎಂದು ಇನ್ಸ್ ಪೆಕ್ಟರ್ ಶೋಭಾ ಪಿಸೆ ಹೇಳಿದ್ದಾರೆ. ಘಟನೆ ನಡೆದಾಗ ಸಿನಿಮಾ ನೋಡುವಂತೆ ನೋಡುತ್ತಿದ್ದ ಸ್ಥಳೀಯ ನಾಗರೀಕರಿಗೆ ಪೊಲೀಸರು ಎಂದಿನಂತೆ ನಾಗರೀಕ ಕರ್ತವ್ಯಪ್ರಜ್ಞೆ ಪಾಠ ಹೇಳಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
A 30 year old gym instructor Pradeep Patel stabbed his love interest woman 20 times recently on a evening in the middle of a road in Andheri (East).

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more