• search

ಕಾಂಗೈ ಪಾಳಯದಲ್ಲಿ ತಣ್ಣಗೆ ಬೀಸುತ್ತಿರುವ ಬಿರುಗಾಳಿ

By Srinath
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    veerashaiva-cong-mlas-rally-around-shamnur-shivashankar
    ಬೆಂಗಳೂರು, ಜೂನ್ 20: ಕರ್ನಾಟಕದಲ್ಲಿ ಒಂದು ಕಾಲದಲ್ಲಿ ಸರಿಸಾಟಿಯೇ ಇಲ್ಲದೆ ಮೆರೆಯುತ್ತಿದ್ದ ಕಾಂಗ್ರೆಸ್ ಎಂಬ ಬಲಾಢ್ಯ ಪಕ್ಷದ ಇಂದಿನ ಸ್ಥಿತಿಗತಿ ನೋಡಿದರೆ 'ಹಸ್ತ'ದಲ್ಲಿನ ಹುಣ್ಣು ಕಣ್ಣಿಗೆ ರಾಚುತ್ತಿದೆ. ಮತದಾರನನ್ನು ಓಲೈಸಿಕೊಳ್ಳುವುದು ಹಾಗಿರಲಿ ತನ್ನದೇ ನಾಯಕರನ್ನು ಹಿಡಿದಿಡಲು ಆ ಪಕ್ಷಕ್ಕೆ ಸಾಧ್ಯವಾಗುತ್ತಿಲ್ಲ.

    ತಾಜಾ ಆಗಿ ಮೇಲ್ಮನೆ ಚುನಾವಣೆಯಲ್ಲೂ ತನಗೆ ಸಲ್ಲಬೇಕಾದ ಸ್ಥಾನಗಳನ್ನು ದಕ್ಕಿಸಿಕೊಳ್ಳುವಲ್ಲಿ ಅದು ವಿಫಲಗೊಂಡಿದೆ. ಇದರಿಂದ ಪುರಾತನ ನಾಯಕನೊಬ್ಬನಿಗೆ ಸಲ್ಲಬೇಕಾದ ಜಯವೂ ಸಿಗದೆ ಹೋಯಿತು. ಇದುವರೆಗೆ ಅಖಂಡವಾಗಿ ಓಲೈಸಿಕೊಂಡು ಬಂದಿದ್ದ ಅಲ್ಪಸಂಖ್ಯಾತ ಸಮುದಾಯದ ಪ್ರತಿನಿಧಿಗೇ ಗೆಲುವು 'ಕೈ'ತಪ್ಪಿತು. ಈ ಬೆಳವಣಿಗೆಗಳು 'ಕೈ' ಪಕ್ಷವನ್ನು ಮತ್ತಷ್ಟು ಹೈರಾಣಗೊಳಿಸಿವೆ.

    ಇದರ ಆಸುಪಾಸಿನಲ್ಲೇ ಕಾಂಗ್ರೆಸ್ ಪಕ್ಷವು ಮತ್ತೊಂದು ಕಂಟಕವನ್ನು ಎದುರಿಸುವಂತಾಗಿದೆ. ಹುಟ್ಟಾ ಕಾಂಗ್ರೆಸ್ಸಿಗ ಶಾಮನೂರು ಶಿವಶಂಕರಪ್ಪ ಬಂಡಾಯದ ಬಾವುಟವನ್ನು ಜೋರಾಗಿಯೇ ಬೀಸಿದ್ದಾರೆ. ಅದೂ ರಾಜ್ಯ ರಾಜಕಾರಣದಲ್ಲಿನ ಆಗುಹೋಗುಗಗಳಲ್ಲಿ ಅಧಿಪತ್ಯ ಸ್ಥಾಪಿಸುವ ಲಿಂಗಾಯತ ಜಾತಿಯ ಅಜೆಂಡಾವನ್ನಿಟ್ಟುಕೊಂಡು ಎದ್ದುಕುಳಿತಿದ್ದಾರೆ. ಇದು ನಿದ್ರಾವಸ್ಥೆಯಲ್ಲಿರುವ ಕಾಂಗ್ರೆಸ್ಸಿಗೆ ನಿಜಕ್ಕೂ ದುಃಸ್ವಪ್ನ ಕಂಡಂತಿದೆ.

    ಸುಮಾರು 6 ದಶಕಗಳಿಂದ ಕಾಂಗ್ರೆಸ್ಸಿಗೆ ಅಚಲ ನಿಷ್ಠೆ ತೋರಿರುವ ಶಾಮನೂರು ಶಿವಶಂಕರಪ್ಪ ಅವರು ಪಕ್ಷದಲ್ಲಿನ ಇತ್ತೀಚಿನ ವಿದ್ಯಾಮಾನಗಳ ಬಗ್ಗೆ ಬೇಸರಗೊಂಡು ಪಕ್ಷದ ಚಟುವಟಿಕೆಗಳಿಂದ ದೂರವೇ ಉಳಿದಿದ್ದರು. ಆದರೆ ಪಕ್ಷದ ಮೂಲ ಚೌಕಟ್ಟು ಶಿಥಿಲಗೊಳ್ಳುತ್ತಿರುವುದನ್ನು ಕಂಡು ಆಕ್ರೋಶಗೊಂಡ ಶಾಮನೂರು ಶಿವಶಂಕರಪ್ಪ ಅವರು ಈಗ ರಾಜ್ಯ ಕಾಂಗ್ರೆಸ್ ಸಮಿತಿಯ ಮೇಲೆ ಅಧಿಪತ್ಯ ಸ್ಥಾಪಿಸಲು ಬಲವಾಗಿ ಹಕ್ಕು ಮಂಡಿಸಿದ್ದಾರೆ.

    ಕಾಂಗ್ರೆಸ್ ಪಕ್ಷದೆಡೆಗಿನ ತಮ್ಮ ನಿಷ್ಠೆಯನ್ನು ಯಾರೂ ಪ್ರಶ್ನಿಸುವಂತಿಲ್ಲ ಎಂಬುದನ್ನು ಮನದಟ್ಟುಪಡಿಸಿಕೊಂಡಿರುವ ಮೂಲಾ ಕಾಂಗ್ರೆಸ್ಸಿಗ ಶಾಮನೂರು ಅವರು ಪಕ್ಷದ ರಾಜ್ಯ ನಾಯಕರುಗಳನ್ನು ಯಾವುದೇ ಲೆಕ್ಕಕ್ಕೆ ತೆಗೆದುಕೊಳ್ಳದೇ ದೆಹಲಿ ಮಟ್ಟದಲ್ಲೇ ತಮ್ಮ ಅಸ್ತಿತ್ವ ದೃಢಪಡಿಸಿಕೊಳ್ಳಲು ನಿರ್ಧರಿಸಿದ್ದಾರೆ. ಪಕ್ಷದಲ್ಲಿ ಒಂದಷ್ಟು ಒಲವನ್ನೂ ಸಂಪಾದಿಸಿದ್ದಾರೆ. ಮೇಲ್ಮನೆ ಸದಸ್ಯೆ ಮೋಟಮ್ಮನಂತಹವರು ಜಾತಿ ರಾಜಕಾರಣ ಸಲ್ಲದು ಎಂದು ಗುಡುಗಿದ್ದರೆ ಹಿರೇಕೆರೂರು ಶಾಸಕ ಬಿಸಿ ಪಾಟೀಲರು ಶಾಮನೂರು ಪರ ಬ್ಯಾಟ್ ಬೀಸಿದ್ದಾರೆ.

    ಈ ನಿಟ್ಟಿನಲ್ಲಿ ಶಾಮನೂರು ಶಿವಶಂಕರಪ್ಪ ಅವರು ಹೈಕಮಾಂಡಿನ ಮನಸ್ಥಿತಿಯನ್ನೂ ಅಳೆದಿದ್ದಾರೆ. ಮೊನ್ನೆ ಪಕ್ಷದ ಅಧಿನಾಯಕಿ ತುಮಕೂರು ಸಿದ್ಧಗಂಗಾ ಮಠಕ್ಕೆ ಭೇಟಿ ನೀಡಿದ್ದನ್ನು ಬಿಟ್ಟರೆ ಪಕ್ಷದ ವತಿಯಿಂದ ವೀರಶೈವ ಸಮೀಕರಣ ಸಮವಾಗಿಲ್ಲ ಎಂಬುದು ಸ್ಪಷ್ಟವಾಗಿದೆ.

    'ಅತ್ತ ಆಡಳಿತಾರೂಢ ಬಿಜೆಪಿ ಪಕ್ಷವು ರಾಜ್ಯದಲ್ಲಿನ ಲಿಂಗಾಯತರನ್ನು ಕಡೆಗಣಿಸುತ್ತಿದೆ. ಇಂತಹ ಸಂದರ್ಭದಲ್ಲಿ ಅದೇ ಲಿಂಗಾಯತರನ್ನು ನಮ್ಮತ್ತ ಸೆಳೆದುಕೊಳ್ಳುವುದು ಕಾಂಗ್ರೆಸ್ಸಿಗೆ ಸಂಜೀವಿನಿಯಾಗಬಲ್ಲದು. ಲಿಂಗಾಯತರಿಗೆ ಮಣೆ ಹಾಕಿ ನೋಡಿ ಮುಂದಿನ ಚುನಾವಣೆಯಲ್ಲಿ ಕಾಂಗ್ರೆಸ್ 150 ಸ್ಥಾನ ಗೆಲ್ಲುವುದು ಗ್ಯಾರಂಟಿ' ಎಂದು ಪಾಟೀಲರು ಪೊಲೀಸ್ ಶಿಸ್ತಿನೊಂದಿಗೆ ಶಾಮನೂರು ಶಿವಶಂಕರಪ್ಪಗೆ ಸೆಲ್ಯೂಟ್ ಹೊಡೆದಿದ್ದಾರೆ.

    ಹಾಗೆ ನೊಡಿದರೆ, ಕೆಪಿಸಿಸಿಯಲ್ಲಿ ಇತ್ತೀಚಿಗೆ ಲಿಂಗಾಯತ ಸಮುದಾಯಕ್ಕೆ ಪ್ರಾತಿನಿಧ್ಯ ಸಿಗುತ್ತಿಲ್ಲ ಎಂಬ ಕೂಗು, ಕೊರಗು ಜೋರಾಗಿಯೇ ಕೇಳಿಬರುತ್ತಿದೆ. ಕೆಪಿಸಿಸಿ ಅಧ್ಯಕ್ಷ ಗಾದಿ ಹಾಗಿರಲಿ ಸಮಿತಿ ಸದಸ್ಯರುಗಳ ಪೈಕಿ ಯಾರಾದರೂ ಲಿಂಗಾಯತರಿದ್ದಾರಾ? ಎಂದು ನೋಡಿದರೆ ಉಹುಂ, ಭೂತಗನ್ನಡಿ ಹಾಕಿಕೊ0ಡು ಹುಡುಕಿದರೂ ಲಿಂಗಾಯತರ ಪ್ರಾತಿನಿಧ್ಯ ಅಷ್ಟಕ್ಕಷ್ಟೇ ಇದೆ.

    ಇದೇ ಶಾಮನೂರು ಗುಂಪನ್ನು ರೊಚ್ಚಿಗೆಬ್ಬಿಸಿರುವುದು. ಹಾಗಾಗಿಯೇ, ಶಾಮನೂರು ಶಿವಶಂಕರಪ್ಪ ಅವರು ಈ ಬಾರಿ ಲಿಂಗಾಯತ card ಅನ್ನು ಬಲವಾಗಿ ಎತ್ತಿಹಿಡಿದಿದ್ದಾರೆ. ದಾವಣಗೆರೆಯ ಉದ್ಯಮಿ, ಹಿರಿಯ ರಾಜಕೀಯ ನೇತಾರ ತಮ್ಮ ಇಳಿವಯಸ್ಸಿನಲ್ಲಿ ಪಕ್ಷದ ಚುಕ್ಕಾಣಿ ಹಿಡಿದು, ವಿಜಯಪತಾಕೆ ಹಾರಿಸುತ್ತಾರಾ? ವೀರಶೈವ ಮತದಾರ ಏನನ್ನುತ್ತಾರೆ? ಕಾದುನೊಡಬೇಕು.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Battered by leadership tussles the Karnataka Congress is looking for an able leader to guide the party to victory in forth coming assembly elections 2013. A fresh wave of dissent is breezing across the party as the dominant Veerashaiva Community not duly represented in the decision making body KPCC. As such Congress MLAs rally around Veerashaiva community leader Shamnur Shivashankarappa and have decided to urge high command to appoint him as the President of KPCC. Shamnur is veteran congressmen, an educationalist and a political heavy weight hails from Davanagere. 

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more