ಶ್ರೀನಿವಾಸ, ವೆಂಕಟೇಶ ಮನೆ ಚಿನ್ನ, ಬೆಳ್ಳಿ ರೊಕ್ಕ ಲೆಕ್ಕ

ಬೆಂಗಳೂರು, ಮೇ.26: ಆದಾಯಕ್ಕಿಂತ ಹೆಚ್ಚು ಆಸ್ತಿ ಗಳಿಕೆ ಆರೋಪ ಎದುರಿಸುತ್ತಿರುವ ಬಿಜೆಪಿ ಶಾಸಕ ಎಂ ಶ್ರೀನಿವಾಸ್ ಹಾಗೂ ಅವರ ಪುತ್ರ ಬಿಬಿಎಂಪಿ ಸದಸ್ಯ ವೆಂಕಟೇಶ್ ಬಾಬು ಅವರ ಮನೆ ಮೇಲೆ ಶನಿವಾರ(ಮೇ.26) ಲೋಕಾಯುಕ್ತ ಪೊಲೀಸರು ನಡೆಸಿದ ದಾಳಿ ಭರ್ಜರಿ ಇಳುವರಿ ನೀಡಿದೆ. ಕೋಟಿಗಟ್ಟಲೆ ನಗದು, ಚಿನ್ನ, ಬೆಳ್ಳಿ, ವಜ್ರ ಜೊತೆಗೆ ದುಬಾರಿ ವಾಹನಗಳನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಲೋಕಾಯುಕ್ತ ದಾಳಿಯಲ್ಲಿ 55 ಲಕ್ಷ ನಗದು, 2 ಕೆಜಿ ಚಿನ್ನ ಸೇರಿದಂತೆ ಅಪಾರ ಪ್ರಮಾಣದ ಆಸ್ತಿ ಪತ್ತೆಯಾಗಿದೆ.

ಬಿಜೆಪಿ ರಾಜರಾಜೇಶ್ವರಿ ನಗರ ಶಾಸಕ ಶ್ರೀನಿವಾಸ್ ಅವರ ಆಸ್ತಿ ಅಸಮಗ್ರ ವಿವರ:
* ಕೊಟ್ಟಿಗೆ ಪಾಳ್ಯದಲ್ಲಿ ಮನೆ
* ಕೋಣನಕುಂಟೆಯಲ್ಲಿರುವ ಆರ್ ಎಂಎಸ್ ಇಂಟರ್ ನ್ಯಾಷನಲ್ ಶಾಲೆ
* ಜಯನಗರ 7ನೇ ಬ್ಲಾಕಿನಲ್ಲಿರುವ 50 X 40 ವಿಸ್ತೀರ್ಣದ ಮನೆ
* ಉತ್ತರ ಹಳ್ಳಿಯಲ್ಲಿ 30 X 59 ಅಡಿ ವಿಸ್ತೀರ್ಣದ ವಾಣಿಜ್ಯ ಕಟ್ಟಡ
* ನಾಗರಬಾವಿಯಲ್ಲಿ 50 X 80 ಅಡಿ ವಿಸ್ತೀರ್ಣದ ನಿವೇಶನ
* ಕೋಣನಕುಂಟೆ ಕ್ರಾಸ್ ನಲ್ಲಿ 2 ಕೈಗಾರಿಕಾ ಶೆಡ್ ಗಳು
* ಶ್ರೀನಿವಾಸ್ ಹೆಸರಿನಲ್ಲಿ 10 ಎಕರೆ ಭೂಮಿ
* ಪತ್ನಿ ರತ್ನಮ್ಮ ಹೆಸರಿನಲ್ಲಿ 19.8 ಎಕರೆ ಜಮೀನು

* 55 ಲಕ್ಷ ನಗದು, ವಿವಿಧ ಬ್ಯಾಂಕ್ ಖಾತೆಗಳಲ್ಲಿ ಅಪಾರ ಪ್ರಮಾಣದಲ್ಲಿ ಠೇವಣಿ ಹಣ
* 2 ಕೆ ಜಿ ಚಿನ್ನ, 1 ಕ್ಯಾರೆಟ್ ವಜ್ರ, 30 ಗ್ರಾಂ ರೂಬಿ.
* ಒಂದು ಕರೋಲಾ ವಾಹನ, ಟ್ರ್ಯಾಕ್ಟರ್ ಹೊಂದಿದ್ದಾರೆ.

ಬಿಬಿಎಂಪಿ ಆರೋಗ್ಯ ಸ್ಥಾಯಿ ಸಮಿತಿ ಅಧ್ಯಕ್ಷ ವೆಂಕಟೇಶ್ ಬಾಬು ಆಸ್ತಿ ವಿವರ:
* ಜಯನಗರ 7ನೇ ಬ್ಲಾಕಿನಲ್ಲಿರುವ ಜೈನ್ ಪ್ರಕೃತಿ ಅಪಾರ್ಟ್ ಮೆಂಟ್ ಮನೆ
* 900 ಗ್ರಾಂ ಚಿನ್ನ, 37,500 ರೂ ನಗದು
* ಜಮೀನು ನಿವೇಶನಕ್ಕೆ ಸಂಬಂಧಿಸಿದಂತೆ ದಾಖಲೆ ಪತ್ರಗಳು

English summary

Following a private complaint by Dinesh Kallahalli the Lokayukta police raids BJP MLA M Srinivas empires in Jayanagar, Konanakunte in Bangalore. MLA Srinivas and BBMP member Venkatesh Babu's approximate asset value is yet to be revealed but Police recovered gold, diamond, silver items, heavy cash, luxury cars.