ಪತ್ನಿಗೆ ಪಾಠ ಕಲಿಸುವ ಭರದಲ್ಲಿ ನಾದಿನಿ ರೇಪ್

ಮುಂಬೈ, ಮೇ 13: ತನ್ನ ಪತ್ನಿಗೆ ತಕ್ಕ ಪಾಠ ಕಲಿಸಲು ನಿರ್ಧರಿಸಿದ ವ್ಯಕ್ತಿಯೊಬ್ಬ 10 ವರ್ಷದ ನಾದಿನಿಯ ಮೇಲೆ ಅತ್ಯಾಚಾರ ಮಾಡಿದ್ದಾನೆ. ಅಷ್ಟೇ ಸಾಲದು ಅಂತ ಘಟನೆ ನಡೆದ 15 ದಿನಗಳ ನಂತರ ಪತ್ನಿಗೆ ವಿಚ್ಛೇದನ ನೀಡಲು ಮುಂದಾದಾಗ ಪತ್ನಿ ಪೊಲೀಸರಿಗೆ ಸುದ್ದಿ ಮುಟ್ಟಿಸಿದ್ದಾಳೆ.

ವಿನೋದ್ ಚೌಹಾಣ್ ಎಂಬ 38 ವರ್ಷದ ವ್ಯಕ್ತಿ 15 ದಿನಗಳ ಹಿಂದೆ ಮಹಾನಗರದ ಪೂರ್ವ ವಿರಾರ್ ಪ್ರದೇಶದಲ್ಲಿರುವ ತನ್ನ ಪತ್ನಿಯ ಸೋದರನ ಮನೆಗೆ ಹೋಗಿದ್ದ. ಆ ವೇಳೆ ಹೀಗೇ ಸುತ್ತಾಡಿಕೊಂಡು ಬರೋಣ ಬಾ ಎಂದು ತನ್ನ ಜತೆ ನಾದಿನಿಯನ್ನು ಕರೆದೊಯ್ದಿದ್ದಾನೆ. ಆದರೆ ಹೊರಗೆ ಹೋಗದೆ ಮನೆಯ ಮಾಳಿಗೆಯ ಮೇಲೆ ಇಬ್ಬರೂ ಹೋಗಿದ್ದಾರೆ. ಅಲ್ಲಿ ಅಪ್ರಾಪ್ತ ವಯಸ್ಸಿನ ತನ್ನ ನಾದಿನಿಯ ಬಾಯಿಗೆ ಬಟ್ಟೆ ತುರುಕಿ, ವಿನೋದ್ ಅತ್ಯಾಚಾರವೆಸಗಿದ್ದಾನೆ ಎಂದು ಪೊಲೀಸರು ಶನಿವಾರ ತಿಳಿಸಿದ್ದಾರೆ.

ಅತ್ಯಾಚಾರ ನಡೆಸುವಾಗ ಆರೋಪಿಯು ಆಕೆಯ ಗುಪ್ತಾಂಗಗಳ ಮೇಲೆ ಸುಟ್ಟ ಗಾಯಗಳನ್ನೂ ಮಾಡಿದ್ದಾನೆ. ಕೆಲಸ ಮಸಯದ ಬಳಿಕ ಬಾಲಕಿಯನ್ನು ಆಕೆಯ ಮನೆಯಲ್ಲಿ ಬಿಟ್ಟ ವಿನೋದ್, ಅತ್ಯಾಚಾರ ಘಟನೆಯನ್ನು ಯಾರಿಗೂ ಹೇಳಬೇಡ ಎಂದು ತಾಕೀತು ಮಾಡಿದ್ದಾನೆ.

ಆದರೆ ತನ್ನ ಮನೆಗೆ ವಾಪಸಾದ ಭೂಪ ನಿನಗೆ ತಕ್ಕ ಪಾಠ ಕಲಿಸಲು ನಾದಿನಿಯ ಮೇಲೆ ಅತ್ಯಾಚಾರ ಮಾಡಿರುವುದಾಗಿ ಪತ್ನಿಗೆ ಹೇಳಿದ್ದಾನೆ. ಇದರಿಂದ ಕುಪಿತಗೊಂಡ ಪತ್ನಿ, ವಿನೋದ್ ನನ್ನು ತರಾಟೆಗೆ ತೆಗೆದುಕೊಂಡಿದ್ದಾಳೆ. ಆದರೆ ವಿನೋದ್ ಅದು ಹೇಗೋ ತನ್ನ ಪತ್ನಿಯನ್ನು ಸಮಾಧಾನ ಪಡಿಸಿದ್ದಾನೆ.

ಆದರೆ ಘಟನೆಯ ನಂತರ ಮೊನ್ನೆ ವಿನೋದ್ ಮತ್ತೆ ತನ್ನ ಪತ್ನಿಯ ಜತೆ ಜಗಳ ಮಾಡಿಕೊಂಡಿದ್ದಾನೆ. ಡೈವೋರ್ಸ್ ನೀಡುವುದಾಗಿ ಪತ್ನಿಗೆ ಬೆದರಿಸುತ್ತಾ ಗುಜರಾತಿಗೆ ತೆರಳಿದ್ದಾನೆ. ಇದರಿಂದ ಆತಂಕಕ್ಕೀಡಾದ ಆ ಮಹಿಳೆ ಪೊಲೀಸರಿಗೆ ದೂರು ನೀಡಿ, ಅತ್ಯಾಚಾರ ಪ್ರಕರಣವನ್ನು ತಿಳಿಸಿದ್ದಾರೆ. ಆಗಲೇ ಬಾಧಿತ ಬಾಲಕಿಯ ಮನೆಯವರಿಗೆ ವಿಷಯ ತಿಳಿದುಬಂದಿದ್ದು. ತಕ್ಷಣ ಬಾಲಕಿಯನ್ನು ವೈದ್ಯಕೀಯ ಚಿಕಿತ್ಸೆಗೆ ಒಳಪಡಿಸಲಾಗಿದೆ.

English summary

A 10-year-old girl was molested and tortured by her uncle Vinod Chouhan (38) who wanted to take revenge on his wife. The woman, who knew about the molestation, lodged a complaint with Virar police 15 days later on Thursday (May 10), only when her husband threatened to divorce her.