ಬೆಂಗಳೂರು: ವಿವಾಹಿತ ಟೆಕ್ಕಿ ಸುನೀತಾ ಆತ್ಮಹತ್ಯೆ

ಬೆಂಗಳೂರು,ಏ.13: ಜೀವನದಲ್ಲಿ ಜಿಗುಪ್ಸೆಗೊಂಡ ಸಾಫ್ಟ್ ವೇರ್‌ ಇಂಜಿನಿಯರೊಬ್ಬರು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ರಾಜರಾಜೇಶ್ವರಿ ನಗರ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ಗುರುವಾರ ಈ ಘಟನೆ ನಡೆದಿದೆ.

ಪಟ್ಟಣಗೆರೆ ನಿವಾಸಿ ಸುನೀತಾ (27) ಮೃತಪಟ್ಟವರು. ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಸುನೀತಾ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. 9 ತಿಂಗಳ ಹಿಂದೆ ಮುತ್ತುರಾಜ್‌ ಎಂಬುವವರ ಜತೆ ಸುನೀತಾ ವಿವಾಹವಾಗಿದ್ದರು.

ಕೌಟುಂಬಿಕ ಕಲಹದ ಹಿನ್ನೆಲೆಯಲ್ಲಿ ಆಕೆ ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ. ಈ ಆತ್ಮಹತ್ಯೆ ಘಟನೆ ಬಳಿಕ ಸುನೀತಾ ಪತಿ ಮುತ್ತುರಾಜ್‌ ತಲೆಮರೆಸಿಕೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದರು.

English summary

Techie Sunitha (27), a software engineer has committed suicide in Rajarajeshwari Nagar Bangalore on April 12.