Q4: ಇನ್ಫೋಸಿಸ್ ಲಾಭ ಕುಸಿತ, ಷೇರು ಗೋತಾ

ಬೆಂಗಳೂರು, ಏ.13: ಐಟಿ ದಿಗ್ಗಜ ಇನ್ಫೋಸಿಸ್ ಕಂಪನಿಯ ನಾಲ್ಕನೇ ತ್ರೈಮಾಸಿಕ ಫಲಿತಾಂಶ ಇದೀಗ ತಾನೆ ಹೊರಬಿದ್ದಿದ್ದು, ಕಂಪನಿ ಒಟ್ಟು ಆದಾಯದಲ್ಲಿ ಅಲ್ಪ ಪ್ರಮಾಣದ ಇಳಿಕೆ ಕಂಡುಬಂದಿದೆ. ಮಾರ್ಚ್ 31, 2012ಕ್ಕೆ ಮುಕ್ತಾಯವಾದ ವರ್ಷಾಂತ್ಯ ತ್ರೈಮಾಸಿಕದಲ್ಲಿ ಇನ್ಫೋಸಿಸ್ 2,372 ಕೋಟಿ ನೆಟ್ ಪ್ರಾಫಿಟ್ ಗಳಿಸಿದೆ. ಈ ಗಣನೀಯ ಇಳಿಕೆಯಿಂದಾಗಿ ಇನ್ಫಿ ಷೇರುಗಳು ಮಾರುಕಟ್ಟೆಯಲ್ಲಿ ಬೆಳ್ಳಂಬೆಳಗ್ಗೆಯೇ ಕುಸಿದಿದೆ.

ಆದರೆ ಕಂಪನಿಯ ಲಾಭ ಪ್ರಮಾಣ ಸ್ವಲ್ಪ ಮಟ್ಟಿಗೆ ಚೇತೋಹಾರಿಯಾಗಿದೆ. ತೆರಿಗೆ ನಂತರದ ಸಂಚಿತ ಲಾಭ ( PAT) ಶೇ. 2ರಷ್ಟು ಕುಸಿದಿದ್ದು, 2,316 ಕೋಟಿ ರೂ.ಗೆ ಬಂದು ನಿಂತಿದೆ. ಕಳೆದ ತ್ರೈಮಾಸಿಕದಲ್ಲಿ 2,372 ಕೋಟಿ ರೂ. ಇತ್ತು. ಸಂಚತ ಮಾರಾಟ ಪ್ರಮಾಣವೂ ಶೇ. 4.7ರಷ್ಟು ಕುಸಿದಿದೆ. ಡಿಸೆಂಬರ್ ತ್ರೈಮಾಸಿಕದಲ್ಲಿ ಈ ಪ್ರಮಾಣ 9,298 ಕೋಟಿ ರೂ. ಇದ್ದಿದ್ದು ಈ ಬಾರಿ 8,852 ಕೋಟಿ ರೂ ಮಾರಾಟ ಕಂಡಿದೆ.

ಡಿವಿಡೆಂಡ್ ಗೆ ಮೋಸವಿಲ್ಲ: ಡಿವಿಡೆಂಡ್ ಗೆ ಯಾವುದೇ ಮೋಸವಿಲ್ಲದೆ 2012ರ ಆರ್ಥಿಕ ವರ್ಷಕ್ಕೆ ಷೇರುದಾರರು ಒಟ್ಟು ಶೇ. 22ರಷ್ಟು ಲಾಭಾಂಶ ಪಡೆಯಬಹುದಾಗಿದೆ. ಇದರಲ್ಲಿ ಶೇ. 10ರ ವಿಶೇಷ ಡಿವಿಡೆಂಡ್ ಅಡಕವಾಗಿದೆ.

ಈ ಫಲಿತಾಂಶದ ಹಿನ್ನೆಲೆಯಲ್ಲಿ ಮುಂಬರುವ ಆರ್ಥಿಕ ವರ್ಷ ಐಟಿ ಸೇವೆಗಳಿಗೆ ಸವಾಲಿದ್ದಾಗಿರುತ್ತದೆ. ವಿಶ್ವ ಮಾರುಕಟ್ಟೆ ಅಸ್ಥಿರತೆ ಮುಂದುವರಿಯಲಿದೆ. ವಿದೇಶಿ ವಿನಿಮಯ ಅಸ್ಥಿರತೆ ಉದ್ಯಮಕ್ಕೆ ಬಾಧಕವಾಗಲಿದೆ ಎಂದು ಇನ್ಫಿ ಹೇಳಿದೆ.

English summary

For the quarter ended March 31, 2012, Infosys company’s consolidated profit after tax (PAT) came in at Rs 2,316 cr versus Rs 2,372 cr, down over 2%, quarter-on-quarter basis.