• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ರಾಜ್ಯದಲ್ಲಿ ಅಕ್ಕಿ ಬೆಲೆಯಲ್ಲಿ ಭಾರೀ ಹೆಚ್ಚಳ

By Prasad
|

ಬೆಂಗಳೂರು, ಫೆ. 22 : 'ಅಕ್ಕಿ ಮೇಲೆ ಆಸೆ, ನೆಂಟರ ಮೇಲೆ ಪ್ರೀತಿ' ಗಾದೆಯನ್ನು ಇನ್ನು ಮುಂದೆ 'ಅಕ್ಕಿ ಮೇಲೆ ಅತಿಯಾದ ಆಸೆ, ನೆಂಟರ ಮೇಲೆ ತುಸು ಕಡಿಮೆ ಪ್ರೀತಿ' ಎಂದು ಬದಲಾಯಿಸಬೇಕಾದ ಪರಿಸ್ಥಿತಿ (ಕನಿಷ್ಠ ಬಡವರಿಗೆ) ಬಂದಿದೆ. ಏಕೆಂದರೆ, ಕರ್ನಾಟಕದಲ್ಲಿ ಅಕ್ಕಿಯ ಬೆಲೆಯನ್ನು ಏಕಾಏಕಿ ಏರಿಸಲಾಗಿದೆ. ಉಳ್ಳವರಿಗೇನೂ ಚಿಂತೆಯಿಲ್ಲ, ಆದರೆ ಬಡವರ ಗತಿ?

ಪ್ರತಿ ಕಿ.ಗ್ರಾಂ. ಮೇಲೆ ಕನಿಷ್ಠವೆಂದರೂ 5 ರು. ಏರಿಸಲಾಗಿದ್ದು, ದಿನನಿತ್ಯದ ಊಟಕ್ಕಾಗಿ ಅನ್ನವನ್ನೇ ಅವಲಂಬಿಸಿರುವ ಬಡವರ ಹೊಟ್ಟೆಯ ಮೇಲೆ ಭಾರೀ ಹೊಡೆತ ನೀಡಲಾಗಿದೆ. ಬುಧವಾರದಿಂದಲೇ ಎಪಿಎಂಸಿಯಲ್ಲಿ ಅಕ್ಕಿಯ ಬೆಲೆಯಲ್ಲಿ ಭಾರೀ ಏರಿಕೆ ಕಂಡುಬಂದಿದೆ. ಇದು ದಲ್ಲಾಳಿಗಳನ್ನು ದಾಟಿ ವ್ಯಾಪಾರಿಗಳನ್ನು ಸೇರಿ, ಜನರ ಚೀಲ ಸೇರುವ ಹೊತ್ತಿಗೆ ಎಷ್ಟಾಗಿರುತ್ತದೋ?

ಅಕ್ಕಿಯ ಉತ್ಪಾದನೆ ಕಡಿಮೆಯಾಗಿ, ರಫ್ತು ಹೆಚ್ಚಾಗಿರುವುದರಿಂದ ಅಕ್ಕಿ ಬೆಲೆಯಲ್ಲಿ ಏರಿಕೆಯುಂಟಾಗಿದೆ. ಅಕ್ಕಿ ರಫ್ತನ್ನು ಕೂಡಲೆ ನಿಲ್ಲಿಸಿ ನಮಗೇ ಅಕ್ಕಿ ದಕ್ಕುವಂತೆ ಮಾಡಬೇಕು. ಆಗ ಮಾತ್ರ ಅಕ್ಕಿ ಬೆಲೆ ಇಳಿಯಲು ಸಾಧ್ಯ. ಇಲ್ಲದಿದ್ದರೆ ಬೆಲೆ ಇನ್ನಷ್ಟು ಏರುವ ಸಾಧ್ಯತೆಯಿದೆ ಎಂಬುದು ವರ್ತಕರ ಕಿಡಿನುಡಿ.

ಅಕ್ಕಿ ಬೆಲೆ ಏರಿಕೆಯಿಂದಾಗಿ ಮನೆಗೆ ಬರುವ ಅತಿಥಿಗಳನ್ನು ಊಟಕ್ಕೆ ಕೂಡಿಸಲು ಹಿಂದೆ ಮುಂದೆ ನೋಡುವಂತಾಗಿದೆ. ಹಾಗೆಯೆ, ಅಕ್ಕಿ ಯಾವುದೇ ರೀತಿಯಲ್ಲಿ ಹಾಳಾಗದಂತೆ ನೋಡುವ ಜವಾಬ್ದಾರಿಯೂ ನಾಗರಿಕರ ಮೇಲಿದೆ. ಅದೇ ರೀತಿ, ಸರಕಾರ ಕೂಡ ಈ ನಿಟ್ಟಿನಲ್ಲಿ ಚಿಂತಿಸಬೇಕಾಗಿದೆ. ಇಲ್ಲದಿದ್ದರೆ, ಮೃಷ್ಟಾನ್ನದ ಬದಲು ಚಿತ್ರಾನ್ನವೇ ಗತಿ.

ಅಕ್ಕಿ ಹಾಳಾಗದಂತೆ, ದುಂದಾಗದಂತೆ, ಮಣ್ಣು ಪಾಲಾಗದಂತೆ, 'ಹೆಗ್ಗಣ'ಗಳ ಹೊಟ್ಟೆ ಸೇರದಂತೆ ಮಾಡುವುದು ಹೇಗೆ? ನಮಗೆ ಬರೆದು ತಿಳಿಸಿ.

English summary
Rice price hiked by Rs 5 per kg in Karnataka. Farmers say export of the rice has to be banned to halt the price rise. Also the common man has think of not wasting the precious food grain in some or the other way. What are those ways?
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X