ಹಿಂದೂ ದೇವತೆಗಳು ವಿಲಕ್ಷಣ- ಅಮೆರಿಕ ಆಪೋಶನ
ಎನ್ಬಿಸಿ ಶಿಕಾಗೊ ಚಾನೆಲ್ನ ವೆಬ್ಸೈಟಿನಲ್ಲಿ ಐಸ್ ಹಾಕಿ ಪಂದ್ಯದ ಫಲಿತಾಂಶವನ್ನು ಬಣ್ಣಿಸಲು ಹಿಂದೂ ದೇವತೆಗಳನ್ನು ಬಳಸಿಕೊಳ್ಳಲಾಗಿದೆ. ಬ್ಲ್ಯಾಕ್ಹಾಕ್ಸ್ ಎನ್ನುವ ತಂಡವನ್ನು ಪ್ರಿಡೇಟರ್ ಎನ್ನುವ ತಂಡ 3-1 ಅಂತರದಲ್ಲಿ ಸೋಲಿಸಿರುವುದನ್ನು 'ವಿಲಕ್ಷಣ ಹಿಂದೂ ದೇವರುಗಳು ವಿಶ್ವವನ್ನು ಆಪೋಷನ ತೆಗೆದುಕೊಂಡಂತೆ' ಎಂದು ಬಣ್ಣಿಸಲಾಗಿದೆ.
ಇಲ್ಲಿರುವ ಹಿಂದೂಗಳು ಈ ಅವಮಾನವನ್ನು ತೀವ್ರವಾಗಿ ಪ್ರತಿಭಟಿಸಿ ವೆಬ್ಸೈಟಿನಿಂದ ಈ ಹೇಳಿಕೆಯನ್ನು ಹಿಂದೆಗೆದು ಕ್ಷಮೆ ಕೇಳಬೇಕೆಂದು ಚಾನೆಲ್ನ್ನು ಒತ್ತಾಯಿಸಿದ್ದಾರೆ. ಜಗತ್ತಿನಾದ್ಯಂತವಿರುವ ಸುಮಾರು 1 ಶತಕೋಟಿ ಹಿಂದೂಗಳು ಪ್ರತಿದಿನ ತಮ್ಮ ದೇವರುಗಳನ್ನು ಪೂಜಿಸುತ್ತಾರೆ. ಹಿಂದೂಗಳ ದೇವರುಗಳನ್ನು ವಿಲಕ್ಷಣ ಎಂದು ಕರೆದಿರುವುದರಿಂದ ಅವರ ಧಾರ್ಮಿಕ ಭಾವನೆಗೆ ನೋವಾಗಿದೆ ಎಂದು ನೇವಾಡದ ಹಿಂದೂ ಸಮುದಾಯದ ನಾಯಕ ರಾಜನ್ ಝೆಡ್ ಹೇಳಿದ್ದಾರೆ.
ಹಿಂದೂ ಧರ್ಮದಲ್ಲಿ ದೇವರುಗಳಿಗೆ ಪೂಜ್ಯ ಸ್ಥಾನವನ್ನು ಕಲ್ಪಿಸಲಾಗಿದೆ. ಹಿಂದೂಗಳ ದೇವರು ಅಥವಾ ಪರಿಕಲ್ಪನೆಯನ್ನು ವಾಣಿಜ್ಯ ಅಥವಾ ಇತರ ಉದ್ದೇಶಗಳಿಗೆ ಅಸಮರ್ಪಕವಾಗಿ ಬಳಸುವುದರಿಂದ ಹಿಂದೂಗಳ ಧಾರ್ಮಿಕ ಭಾವನೆಗೆ ಘಾಸಿಯಾಗುತ್ತದೆ ಎಂದು ಝೆಡ್ ಹೇಳಿದ್ದಾರೆ. (PTI)
Click it and Unblock the Notifications
Sign in with Google