ಯಡಿಯೂರಪ್ಪ ಕಾಲಿಗೆ ದೀಡ್ ನಮಸ್ಕಾರ ಹಾಕಿದ ಡಿವಿಎಸ್

ಬೆಂಗಳೂರು, ಡಿ.6: ಮಾಜಿ ಸಿಎಂಗೆ ನಮಸ್ಕರಿಸಿದ ಹಾಲಿ ಸಿಎಂ. ಹೌದು ಸೋಮವಾರ ವಿಧಾನಸಭೆಯ ಆಡಳಿತ ಪಕ್ಷದ ಮೊಗಸಾಲೆಯಲ್ಲಿ ಇಂತಹ ಕುತೂಹಲಕಾರಿ ಪ್ರಸಂಗ ಕಡುಬಂದಿತು.

ಮೊಟ್ಟಮೊದಲ ಬಾರಿಗೆ ಮುಖ್ಯಮಂತ್ರಿಯಾಗಿ ಅಧಿವೇಶನದಲ್ಲಿ ಪಾಳ್ಗೊಳ್ಳಲು ಬೆಳಗ್ಗೆ 11.15ಕ್ಕೆ ಮೊಗಸಾಲೆಗೆ ಆಗಮಿಸಿದ ಸಿಎಂ ಸದಾನಂದಗೌಡ ಅವರು ನೇರವಾಗಿ ಯಡಿಯೂರಪ್ಪ ಅವರ ಬಳಿ ಬಂದು ಕೈ ಮುಗಿದು, ಕಾಲಿಗೆ ಬಿದ್ದರು. ಆ ಮೂಲಕ ತಮಗೆ ಅವಕಾಶ ಕೊಟ್ಟಿದ್ದಾಕ್ಕಾಗಿ ಕೃತಜ್ಞತೆ ಸಲ್ಲಿಸಿದರು. ನಂತರ ಉಭಯ ನಾಯಕರು ಒಟ್ಟಾಗಿ ಸದನಕ್ಕೆ ತೆರಳಿದರು.

ಶಾಸಕರು, ಸಚಿವರೂ ಯಡ್ಡಿ ಕಾಲಿಗೆ ಬಿದ್ದರು: ಇದೇ ವೇಳೆ, ಮೊಗಸಾಲೆಗೆ ಆಗಮಿಸಿದ ಹಲವು ಶಾಸಕರು ಹಾಗೂ ಸಚಿವರು ಯಡಿಯೂರಪ್ಪ ಅವರನ್ನು ಕಂಡು ಕೊಂಚ ವಿಸ್ಮಿತರಾಗಿಯೇ ಅವರ ಬಳಿ ಆಗಮಿಸಿ ಕಾಲು ಮುಟ್ಟಿ ನಮಸ್ಕರಿಸಿದರು. ಈ ವೇಳೆಗೆ ತಮ್ಮ ಬಳಿ ಬಂದ ಬಂಧೀಖಾನೆ ಸಚಿವ ನಾರಾಯಣಸ್ವಾಮಿ ಅವರನ್ನು ಉದ್ದೇಶಿಸಿ 'ಜೈಲಿನಲ್ಲಿದ್ದಾಗ ಚೆನ್ನಾಗಿ ನೋಡಿಕೊಂಡೆ ಕಣಯ್ಯ ನೀನು' ಎಂದರು.

English summary

The present Karnataka Chief Minister D V Sadananda Gowda has bowed before the previous CM BS Yeddyurappa before the start of the 12 day long state assembly session on Monday(Dec.5).