ಸುರಕ್ಷಿತ ಸಂಭೋಗ ಈಗ ಅಮೆರಿಕದ ಹದಿಹರಯದವರ ಬೀಜಮಂತ್ರ!

ವಾಷಿಂಗ್ಟನ್, ಅ.30: ಇದು ಕಟುವಾಸ್ತವವಾದರೂ , ಅಮೆರಿಕದಲ್ಲಿ ಅದೂ ಇಲ್ಲಿನ ಹದಿಹರಯದವರಲ್ಲಿ ಕಾಂಡೋಮ್ ಬಳಕೆ ಹೆಚ್ಚುತ್ತಿದೆ! 'ಸುರಕ್ಷಿತ ಸೆಕ್ಸ್' ಇದರ ಬೀಜಮಂತ್ರವಾಗಿದೆ.

ಕುತೂಹಲದ ಸಂಗತಿಯೆಂದರೆ ಒಟ್ಟಾರೆಯಾಗಿ ಹದಿಹರಯದ ಯುವಕ/ಯುವತಿಯರಲ್ಲಿ ಸಂಭೋಗ ಈ ಹಿಂದಿನಂತೆ ಸಾಮಾನ್ಯವಾಗಿದೆ. ಆದರೆ ವಿಷಯ ಏನಪಾ ಅಂದ್ರೆ ಅವರಲ್ಲಿ ಈಗ ಸುರಕ್ಷತೆಯ ಬಗ್ಗೆ ಜಾಗ್ರತೆ ಮೂಡಿದೆ. ಆದ್ದರಿಂದ ಈ ಯುವಕ/ಯುವತಿಯರೆಲ್ಲ ಈಗ ಸಂಭೋಗದಲ್ಲಿ ತೊಡಗುವಾಗ ಕಾಂಡೋಮ್ ಬಳಕೆ ಮಾಡುತ್ತಿದ್ದಾರೆ ಎಂದು ಸೆಂಟರ್ ಫಾರ್ ಡಿಸೀಸ್ ಕಂಟ್ರೋಲ್ ಅಂಡ್ ಪ್ರಿವೆನ್ಶನ್ (CDC) ತಿಳಿಸಿದೆ.

15ರಿಂದ 19 ವರ್ಷ ನಡುವಣ ಹದಿಹರಯದವರನ್ನು ಸಮೀಕ್ಷೆಗೊಳಪಡಿಸಿದಾಗ 10 ಮಂದಿಯಲ್ಲಿ 8 ಮಂದಿ ತಮ್ಮ ಮೊದಲ ಸಂಭೋಗ ಅನುಭೋಗದ ವೇಳೆ ಕಾಂಡೋಮ್ ಬಳಕೆ ಮಾಡಿರುವುದಾಗಿ ಒಪ್ಪಿಕೊಂಡಿದ್ದಾರೆ. ಅಂದರೆ ಈ ಹಿಂದೆ 2002ರಲ್ಲಿ ನಡೆಸಿದ್ದ ಸಮೀಕ್ಷೆ ಮಾಹಿತಿಗೆ ಹೋಲಿಸಿದಾಗ ಇದು ಹೆಚ್ಚಾಗಿದೆ ಎಂದು CDC ತಿಳಿಸಿದೆ.

ಇದರ ಲಾಭವೆಂದರೆ Teenage Pregnancy ಗೆ ಸ್ವಲ್ಪ ಕಡಿವಾಣ ಬೀಳಬಹುದು.

English summary

Safe sex may be catching on with teens in the US. The Center for Disease Control and Prevention (CDC) has said that condom use by United States teenagers is on the rise even though overall teen sexual activity remains unchanged.