ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

30 ಹೆಂಡಿರ ದುಬೈ ರಾಮಕೃಷ್ಣ ಪೊಲೀಸ್ ಬಲೆಗೆ

By * ಚಿದಂಬರ ಬೈಕಂಪಾಡಿ, ಮಂಗಳೂರು
|
Google Oneindia Kannada News

Polygamist arrested in Mangalore
ಮಂಗಳೂರು, ಸೆ. 27 : ನಂಬಿದರೆ ನಂಬಿ... ಬಿಟ್ಟರೆ ಬಿಡಿ ಕರ್ನಾಟಕದಲ್ಲೇ ಅತೀ ನಿಸ್ಸೀಮ ಖದೀಮ ಅರ್ಥಾತ್ 30 ಹೆಂಡಿರ ಗಂಡ ಮಂಗಳೂರಲ್ಲಿ ಪೊಲೀಸರ ಬಲೆಗೆ ಬಿದ್ದಿದ್ದಾನೆ. ಈತನ ಹೆಸರು ರಾಮಕೃಷ್ಣ ಅಲಿಯಾಸ್ ದುಬೈ ರಾಮಕೃಷ್ಣ ಅಲಿಯಾಸ್ ರಮೇಶ್ ಬಾಬು (46). ಈತ ಮೈಸೂರು ಜಿಲ್ಲೆ ಟಿ.ನರಸೀಪುರ ತಾಲೂಕಿನ ನಿವಾಸಿ. ಇಲ್ಲಿಯವರೆಗೆ ಈತ 30 ಮಂದಿ ಮಹಿಳೆಯರನ್ನು ನಂಬಿಸಿ ಮದುವೆಯಾಗಿದ್ದಾನಂತೆ.

ದಕ್ಷಿಣ ಕನ್ನಡ ಜಿಲ್ಲೆಯ ಮೋಹನ್ ಕುಮಾರ್ 20 ಮಂದಿಯನ್ನು ಮದುವೆಯಾಗಿ ಮಜಾ ಉಡಾಯಿಸಿ ನಂತರ ಕೊಲೆ ಮಾಡಿದ್ದುದು ದಾಖಲೆಯಾಗಿತ್ತು. ಅದನ್ನು ದುಬೈ ರಾಮಕೃಷ್ಣ ಅಳಿಸಿ ಹಾಕಿ ಹೊಸ ದಾಖಲೆ ಬರೆದಿದ್ದಾನೆ. ಕರ್ನಾಟಕದ ಮಟ್ಟಿಗೆ ಇದು ಸದ್ಯಕ್ಕೆ ಅಳಿಸಲಾಗದ ದಾಖಲೆ.

ಮಂಗಳೂರಿನ ಮಹಿಳೆ ತನ್ನನ್ನು ಮದುವೆಯಾಗುವುದಾಗಿ ರಾಮಕೃಷ್ಣ ನಂಬಿಸಿ 1.71 ಲಕ್ಷ ರೂಪಾಯಿ ಬೆಲೆ ಬಾಳುವ ಚಿನ್ನಾಭರಣಗಳನ್ನು ಕಳೆದ ವರ್ಷ ಲಪಟಾಯಿಸಿ ಮೋಸಗೊಳಿಸಿದ್ದಾನೆಂದು ದೂರು ನೀಡಿದ ಹಿನ್ನೆಲೆಯಲ್ಲಿ ಬಂದರು ಠಾಣೆ ಇನ್ಸ್ ಪೆಕ್ಟರ್ ವಿನಯ್ ಗಾಂವ್ಕರ್ ತಂಡ ತನಿಖೆ ಆರಂಭಿಸಿತು.

ರಾಮಕೃಷ್ಣ ಮದುವೆಯಾಗಿ ನಂಬಿಸಿ ಮೋಸಗೊಳಿಸಿದ ಹನ್ನೊಂದು ಪ್ರಕರಣಗಳು ರಾಜ್ಯದ ಬೇರೆ ಬೇರೆ ಜಿಲ್ಲೆಗಳ ಪೊಲೀಸ್ ಠಾಣೆಗಳಲ್ಲಿ ದಾಖಲಾಗಿರುವುದನ್ನು ಪತ್ತೆಹಚ್ಚಿದ್ದಾರೆ. ಈತ ವಿಧವೆಯರು ಅಥವಾ ಡೈವೊರ್ಸ್ ಆದವರನ್ನು ಮದುವೆಯಾಗುವುದಾಗಿ ಜಾಹೀರಾತು ನೀಡುತ್ತಿದ್ದ. ಈತನ ಜಾಹೀರಾತಿಗೆ ಮರುಳಾಗಿ ಮಹಿಳೆಯರು ಮೋಸ ಹೋಗುತ್ತಿದ್ದರು.

ಮಂಗಳೂರು ಮೂಲದ ಮಹಿಳೆಯೂ ಇದೇ ರೀತಿ ಮೋಸ ಹೋಗಿದ್ದಳು. ರಾಮಕೃಷ್ಣ ತನ್ನ ಪತ್ನಿ ನಿಧನರಾಗಿವುದಾಗಿ ಮಹಿಳೆಯರನ್ನು ನಂಬಿಸುತ್ತಿದ್ದ ಎನ್ನಲಾಗಿದೆ. ಇದೀಗ ಬಹುಪತ್ನಿಯರ ಗಂಡ ರಾಮಕೃಷ್ಣ ಇದೀಗ ಪೊಲೀಸರ ವಶದಲ್ಲಿದ್ದು ಈತನೇ ಬಾಯಿಬಿಟ್ಟರೆ ಇನ್ನಷ್ಟು ಕುಕೃತ್ಯಗಳು ಬೆಳಕಿಗೆ ಬರುವ ಸಾಧ್ಯತೆಗಳಿವೆ.

English summary
A polygamist with record breaking 30 marriages has been arrested by Mangalore police. The polygamist Dubai Ramakrishna alias Ramesh Babu alias Ramakrishna is from T Narasipura of Mysore. The victims are widows and divorcees.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X