ಬಪ್ಪರೆ ಕಾಂಗ್ರೆಸ್, ಚುನಾವಣೆಗೆ 6 ತಿಂಗಳು ಮೊದಲೇ ಅಭ್ಯರ್ಥಿ ಪಟ್ಟಿ!

ತುಮಕೂರು, ಆ.9: ಅತ್ತ ಆಡಳಿತಾರೂಢ ಬಿಜೆಪಿ ಮತ್ತು ಪ್ರಮುಖ ವಿರೋಧಿ ಪಕ್ಷವಾದ ಜೆಡಿಎಸ್ ಅಧಿನಾಯಕರು ಲೋಕಾಯುಕ್ತ ನ್ಯಾಯಾಲಯದಲ್ಲಿ ಪತರಗುಟ್ಟುತ್ತಿದ್ದರೆ ಇತ್ತ ಕಾಂಗ್ರೆಸ್ ನಿದ್ದೆಯ ಮಂಪರಿನಲ್ಲಿ ಚುನಾವಣೆ, ಚುನಾವಣೆ ಎಂದು ಕನವರಿಸುತ್ತಿದೆ. ಅಷ್ಟೇ ಅಲ್ಲ, 'ಚುನಾವಣೆಗೆ 6 ತಿಂಗಳು ಮೊದಲೇ ಅಭ್ಯರ್ಥಿ ಪಟ್ಟಿ ಪ್ರಕಟಿಸಲಾಗುವುದು. ರಾಜ್ಯದ ಎಲ್ಲ ವಿಧಾನಸಭಾ ಕ್ಷೇತ್ರಗಳಿಗೆ ಅಭ್ಯರ್ಥಿ ಆಯ್ಕೆ ಪ್ರಕ್ರಿಯೆ ಪ್ರಾರಂಭವಾಗಿದೆ' ಎಂದು ಕೆಪಿಸಿಸಿ ಅಧ್ಯಕ್ಷ ಜಿ. ಪರಮೇಶ್ವರ್ ಘೋಷಿಸಿದ್ದಾರೆ.

ಸಿದ್ದಗಂಗಾ ಮಠದಲ್ಲಿ ಹೊಸದಾಗಿ ಅಧಿಕಾರ ವಹಿಸಿಕೊಂಡಿರುವ ಸಿದ್ದಲಿಂಗ ಸ್ವಾಮೀಜಿ ಅವರನ್ನು ಸೋಮವಾರ ಮುಂಜಾನೆ ಭೇಟಿಯಾಗಿ ಕುಶಲ ವಿಚಾರಿಸಿದ ನಂತರ ಪತ್ರಕರ್ತರೊಂದಿಗೆ ಅವರು ಮಾತನಾಡಿದರು.

ಕೆಲವೆಡೆ ಅಭ್ಯರ್ಥಿಗಳನ್ನು ಈಗಾಗಲೇ ಗುರುತಿಸಲಾಗಿದೆ. ಅಂಥವರಿಗೆ ಸಾಮಾಜಿಕ ಚಟುವಟಿಕೆಗಳಲ್ಲಿ ಸಕ್ರಿಯರಾಗಿ ತೊಡಗಿಸಿಕೊಳ್ಳುವಂತೆ ಸೂಚಿಸಲಾಗಿದೆ. ಮುಂದಿನ ವಿಧಾನಸಭಾ ಚುನಾವಣೆಯನ್ನು ಕಾಂಗ್ರೆಸ್ ಸವಾಲಾಗಿ ಸ್ವೀಕರಿಸಿದೆ ಎಂದು ನುಡಿದರು.

'ಯಡಿಯೂರಪ್ಪ ತುಂಬಾ ಕಷ್ಟಪಟ್ಟು ಕೆಲ್ಸ ಮಾಡ್ತಿದ್ದ ಪರಿಶ್ರಮಿ ರಾಜಕಾರಣಿ. 40 ವರ್ಷದ ರಾಜಕೀಯ ಅನುಭವವಿದ್ದರೂ, ಸ್ವಲ್ಪದರಲ್ಲಿ ಯಾಮಾರಿ ಅಧಿಕಾರ ಕಳೆದುಕೊಂಡರು' ಎಂದು ಅವರು ವಿಶ್ಲೇಷಿಸಿದರು.

English summary

As the BJP and JDS embroil in Legal tangle, the main oppiosition party in Karnataka Congress gets ready for elections declared G Parameshwar on Aug 8 at Tumkur.