ವಿಮಾನದಲ್ಲಿ ಶವದ ಮೇಲಿದ್ದ ನೆಕ್ಲೇಸ್, ಬಳೆ ಮಾಯ

ಮುಂಬೈ ಜೂ 22: ಸಿಂಗಾಪುರ ಏರ್ ಲೈನ್ಸ್ ಮೂಲಕ ನ್ಯೂಜಿಲೆಂಡ್ ನಿಂದ ಹೊರಟ ಶವಪೆಟ್ಟಿಗೆಯಲ್ಲಿದ್ದ ಚಿನ್ನಾಭರಣ ಹಾಗೂ ನಗದನ್ನು ಕಳ್ಳರು ದೋಚಿರುವ ಘಟನೆ ನಡೆದಿದೆ. ಕಾನ್ಸೆಪ್ಶನ್ ಡಿಸೋಜಾ (60) ಎಂಬ ಹೆಸರಿನ ಈ ಮಹಿಳೆಯ ಶವದ ಜೊತೆಗೆ ಅಮೂಲ್ಯ ವಸ್ತುಗಳನ್ನು ತುಂಬಿಸಿ ಕಳಿಸಲಾಗಿದ್ದ ಶವಪೆಟ್ಟಿಗೆಯಲ್ಲಿ ಶವ ಮಾತ್ರ ಉಳಿದಿದೆ.

ಕಾನ್ಸೆಪ್ಶನ್ ಡಿಸೋಜಾ ನ್ಯೂಜಿಲ್ಯಾಂಡಿನಲ್ಲಿ ವಾಸವಾಗಿರುವ ತನ್ನ ಮಗಳಾದ ಜುಲ್ಫಿಯಾ ಚೌಧರಿಯವರ ಮನೆಗೆ ಹೋಗಿ ಅಲ್ಲಿ ರಜಾದಿನಗಳನ್ನು ಕಳೆದು ಮರಳಿ ಮುಂಬೈಗೆ ಬರುವಾಗ ದಾರಿಮಧ್ಯೆ ಜೂನ್ 5 ರಂದು ಸಿಂಗಪುರದಲ್ಲಿ ಮೃತಪಟ್ಟಿದ್ದರು.

ಅಲ್ಲಿ ಶವದ ಮರಣೋತ್ತರ ಪರೀಕ್ಷೆ ನಡೆಸಿದ ಪೋಲಿಸ್ ಅಧಿಕಾರಿಗಳು ಇವರ ಮೃತದೇಹವನ್ನು ಶವದ ಪೆಟ್ಟಿಗೆಯಲ್ಲಿಟ್ಟು ಅದರಲ್ಲಿ ಇವರ ದೇಹದಲ್ಲಿದ್ದ 2 ಚಿನ್ನದ ಉಂಗುರ, ಒಂದು ನಕ್ಲೇಸ್ , 4 ಬಳೆ, ಒಂದು ಜೊತೆ ಕಿವಿಯೋಲೆ ಹಾಗೂ ಇವರ ಬಳಿ ಇದ್ದ ನಗದು ಹಣ(900 ನ್ಯೂಜಿಲೆಂಡ್ ಡಾಲರ್) ಹಾಗೂ ಇವರು ಖರೀದಿಸಿದ್ದ ಚಾಕಲೇಟ್ ಹಾಗೂ ಇತರ ಕೆಲ ವಸ್ತುಗಳನ್ನು ಅದರಲ್ಲಿಟ್ಟು ಸಿಂಗಾಪೂರ ಏರ್ ಲೈನ್ಸ್ ವಿಮಾನದ ಮೂಲಕ ಮುಂಬೈಗೆ ಕಳುಹಿಸಿದ್ದರು.

ಜೂನ್ 7 ರಂದು ಮುಂಬೈಗೆ ಬಂದ ಇವರ ಮೃತದೇಹವನ್ನು ಸ್ವೀಕರಿಸಿದ ಇವರ ಮಗ ಆಶ್ಲೆ ಡಿಸೋಜಾ, ಬಾಂದ್ರಾದ ಬಾಬಾ ಆಸ್ಪತ್ರೆಗೆ ತೆಗೆದುಕೊಂಡು ಹೋಗಿ ಅಲ್ಲಿ ಶವ ಪೆಟ್ಟಿಗೆಯನ್ನು ತೆರೆದಾಗ ಶವಪೆಟ್ಟಿಗೆಯೊಳಗಿದ್ದ ಇವರ ಚಿನ್ನಾಭರಣ ಹಾಗೂ ನಗದು ಕಾಣೆಯಾಗಿತ್ತು.

ಈ ಕುರಿತು ಸಿಂಗಪುರದ ಪೋಲಿಸ್ ಅಧಿಕಾರಿಗಳನ್ನು ಸಂಪರ್ಕಿಸಿದಾಗ ಅವರು ಅವರಿಗೆ ಸಂಬಂಧ ಪಟ್ಟ ಆಭರಣ ಹಾಗೂ ನಗದನ್ನು ಅವರ ಶವ ಪೆಟ್ಟಿಗೆಯಲ್ಲಿ ಇಟ್ಟಿರುವುದಾಗಿ ತಿಳಿಸಿದರು. ಆನಂತರ ಮುಂಬೈ ವಿಮಾನ ನಿಲ್ಧಾಣ ಅಧಿಕಾರಿಗಳನ್ನು ಸಂಪರ್ಕಿಸಿದಾಗ ಅವರು ಮೃತದೇಹ ತಂದ ವಿಮಾನಯಾನ ಸಂಸ್ಥೆಯೇ ಈ ಘಟನೆಗೆ ಜವಾಬ್ಧಾರಿ ಎಂಬ ಉತ್ತರ ನೀಡಿದರು.

ಈಗ ಸಿಂಗಪುರ ವಿಮಾನ ಯಾನ ಸಂಸ್ಥೆಯ ಅಧಿಕಾರಿಗಳಿಗೆ ದೂರು ನೀಡಲಾಗಿದೆ. ಜೊತೆಗೆ ತಮ್ಮ ತಾಯಿಯ ಅಮೂಲ್ಯವಾದ ಈ ಆಭರಣ ಹುಡುಕಿ ಕೊಡುವಂತೆ ಅವರ ಪುತ್ರ ಮುಂಬೈ ಪೊಲೀಸರಿಗೆ ದೂರು ಸಹ ನೀಡಿದ್ದಾರೆ.

English summary

A 60-year-old woman Conception D'Souza died of natural causes in Singapore. The woman's coffin was robbed of two gold rings, one necklace, four gold bangles, one pair of gold earrings and 900 New Zealand dollars.