ಪಿಯುಸಿ ಫಲಿತಾಂಶ ನೋಡಿಬಂದ ಹುಡುಗಿ ನಾಪತ್ತೆ!

Published: Wednesday, May 30, 2012, 17:23 [IST]

ಬೆಂಗಳೂರು, ಮೇ 12: ದ್ವಿತೀಯ ಪಿಯುಸಿ ಫಲಿತಾಂಶ ನೋಡಿಬಂದ ನಂತರ ನಗರದ ವಿದ್ಯಾರ್ಥಿನಿಯೊಬ್ಬಳು ನಾಪತ್ತೆಯಾಗಿದ್ದಾಳೆ. ಸಂಘಮಿತ್ರ ಕಾಲೇಜಿನ್ ವಿದ್ಯಾರ್ಥಿನಿ ಆಶಾ(18) ಪರೀಕ್ಷೆಯಲ್ಲಿ ಫೇಲ್ ಆಗಿರುವುದರಿಂದ ನೊಂದು ಮನೆಬಿಟ್ಟುಹೋಗಿರುವುದಾಗಿ ಅಂದಾಜಿಸಲಾಗಿದೆ. ಆದರೆ ಆಕೆಯ ಪೋಷಕರು ಆಕೆಯನ್ನು ನೆರೆಮನೆಯವರು ಅಪಹರಿಸಿರುವ ಅನುಮಾನವಿರುವುದಾಗಿ ದೂರು ನೀಡಿದ್ದಾರೆ.

ನಾಪತ್ತೆಯಾದ ವಿದ್ಯಾರ್ಥಿನಿ ಗೋವಿಂದನಗರದ ನಿವಾಸಿಯಾಗಿದ್ದು ಸಂಘಮಿತ್ರ ಕಾಲೇಜಿನಲ್ಲಿ ವ್ಯಾಸಂಗಮಾಡುತ್ತಿದ್ದಳು. ಬುಧವಾರ ಪೂರ್ವಾಹ್ನ ಸ್ನೇಹಿತೆಯರೊಂದಿಗೆ ದೇವಸ್ಥಾನಕ್ಕೆ ಹೋಗಿ ಬರುತ್ತೆನೆಂದು ಹೋದವಳು ವಾಪಸ್ಸು ಬಂದಿಲ್ಲವೆಂದು ಆಕೆಯ ತಂದೆ ಶಿವಣ್ಣ ಪೋಲಿಸ್ ಪ್ರಕರಣ ದಾಖಲಿಸಿದ್ದಾರೆ. ಶಿವಣ್ಣ ಹೋಟೆಲೊಂದರಲ್ಲಿ ಸಹಾಯಕ ಅಡುಗೆಯಾತ. ತಾನಿನ್ನು ವಾಪಸ್ಸು ಬರುವುದಿಲ್ಲವೆಂದು ತನ್ನ ಸ್ನೇಹಿತೆಯರಿಗೆ ಮೆಸೆಜ್ ಕಳುಹಿಸಿದ್ದಾಳೆಂದು ಕೆಲವು ಮೂಲಗಳು ತಿಳಿಸಿವೆ. [ಕರ್ನಾಟಕ ಎಸ್ಸೆಸ್ಸೆಲ್ಸಿ ಫಲಿತಾಂಶ 2011]

Published On May 30, 2012