ವೈಕುಂಠ ಏಕಾದಶಿ : ಲಾಡು ವಿತರಣೆಗೆ ಆಯೋಗ ಅಸ್ತು

ಬೆಂಗಳೂರು, ಡಿ. 15 : ಮುಜರಾಯಿ ಇಲಾಖೆ ವ್ಯಾಪ್ತಿಗೆ ಬರುವ ನಗರದ ವೆಂಕಟೇಶ್ವರ ದೇವಾಲಯಗಳಲ್ಲಿ ವೈಕುಂಠ ಏಕಾದಶಿಯ (ಡಿ.17) ದಿನದಂದು ಪ್ರಸಾದ ರೂಪದಲ್ಲಿ ಲಾಡು ವಿತರಿಸಲು ರಾಜ್ಯ ಚುನಾವಣಾ ಆಯೋಗ ಷರತ್ತಿನ ಅನುಮತಿ ನೀಡಿದೆ.

ಲಾಡುಗಳನ್ನು ಮುಜರಾಯಿ ಇಲಾಖೆ ಪಡೆದುಕೊಂಡು ತನ್ನ ಸಿಬ್ಬಂದಿಯೊಂದಿಗೆ ವಿತರಿಸಬೇಕು. ಪ್ರಸಾದದ ಕವರಿನ ಮೇಲೆ ದಾನಿಗಳ ಅಥವಾ ರಾಜಕೀಯ ಪಕ್ಷಗಳ ಹೆಸರನ್ನು ಬರೆಯಬಾರದು. ಧಾರ್ಮಿಕ ಮತ್ತು ಸಾಂಸ್ಕೃತಿಕ ಸಭೆ ಸಮಾರಂಭಗಳು ರಾಜಕೀಯ ಪಕ್ಷ ಮತ್ತು ನೇತಾರರಿಂದ ಮುಕ್ತವಾಗಿದ್ದು ಅಲ್ಲಿ ಯಾವುದೇ ಭರವಸೆ ನೀಡಬಾರದೆಂದು ಎಂದು ಆಯೋಗ ಷರತ್ತು ವಿಧಿಸಿದೆ.

ಸರ್ವಜನಪ್ರಿಯ ಬೂಂದಿ ಲಾಡು ತಯಾರಿಸುವ ವಿಧಾನ

ಕರ್ನಾಟಕ ಮುಜರಾಯಿ ಮಂಡಳಿಯ ಅಧ್ಯಕ್ಷ ಎನ್ ಕೃಷ್ಣಯ್ಯ ಶೆಟ್ಟಿ ಆಯೋಗಕ್ಕೆ ಪತ್ರದ ಮೂಲಕ ಮನವಿ ಸಲ್ಲಿಸಿ ವೈಕುಂಠ ಏಕಾದಶಿಯ ಪ್ರಯುಕ್ತ ಪ್ರಸಾದ ರೂಪದಲ್ಲಿ ಮಾತ್ರ ಲಾಡುಗಳ ವಿತರಣೆ ಮಾಡಲಾಗುತ್ತಿದೆ. ಇದರಲ್ಲಿ ಯಾವುದೇ ರಾಜಕೀಯ ಹಿತಾಶಕ್ತಿ ಇಲ್ಲವೆಂದು ಮನವರಿಕೆ ಮಾಡಿದ ಮೇಲೆ ಚುನಾವಣಾ ಆಯೋಗ ಲಾಡು ವಿತರಿಸಲು ಅನುಮತಿ ನೀಡಿದೆ.

English summary

The State Election Commission (SEC) has permitted distribution of laddus during the Vaikunta Ekadasi, but with a rider. In a letter to the Commissioner for Religious and Charitable Endowments, the SEC referred to the appeal in this regard by former minister S. Krishnaiah Shetty and Karnataka Muzrai Development Board.