ಪ್ಯಾನ್ ಸಲ್ಲಿಸದ ಡಿಮ್ಯಾಟ್ ಖಾತೆಗೆ ನಿರ್ಬಂಧ

ಮುಂಬೈ, ಜು.31: ಪ್ಯಾನ್(Permanent Account Number) ಸಲ್ಲಿಸಿದ ಷೇರು ವಹಿವಾಟುದಾರರ ಡಿಮ್ಯಾಟ್ ಖಾತೆಗಳನ್ನು ಅ.16ರಿಂದ ಸ್ಥಗಿತಗೊಳಿಸುವುದಾಗಿ ಭಾರತೀಯ ಷೇರು ನಿಯಂತ್ರಣ ಮಂಡಳಿ(ಸೆಬಿ) ಎಚ್ಚರಿಕೆ ನೀಡಿದೆ.

ಪ್ಯಾನ್ ಕಾರ್ಡ್ ಸಂಖ್ಯೆ ಒದಗಿಸದ ಹೂಡಿಕೆದಾರರ ಖಾತೆಗಳಿಂದ ಷೇರುಗಳು ಮಾರಾಟ ಮಾಡದಂತೆ ನಿರ್ಬಂಧ ಸೆಬಿ ಹೇರಿದೆ. ಆಗಸ್ಟ್ 16 ರ ನಂತರ ಷೇರುಗಳ ಖರೀದಿಸುವುದನ್ನೂ ನಿಷೇಧಿಸಲು ನಿರ್ಧರಿಸಿದೆ. ಬಹಳಷ್ಟು ಬಾರಿ ಎಚ್ಚರಿಕೆ ನೀಡಿದರೂ ಹಲವಾರು ಹೂಡಿಕೆದಾರರು ತಮ್ಮ ಪ್ಯಾನ್ ವಿವರಗಳನ್ನು ನೀಡಿದ ಕಾರಣ ಸೆಬಿ ಈ ಕಠಿಣ ಕ್ರಮಕ್ಕೆ ಮುಂದಾಗಿದೆ.

ಇಂತಹ ಹೂಡಿಕೆದಾರರು ಐಪಿಒ/ಎಫ್ ಪಿಒ/ ಹಕ್ಕಿನ ಷೇರುಗಳನ್ನು ಸಹ ಖರೀದಿಸುವಂತಿಲ್ಲ. ಅಲ್ಲದೆ, ಮುಕ್ತ ಮಾರುಕಟ್ಟೆಯಿಂದಲೂ ಸಹ ಯಾವುದೇ ಷೇರು ವಹಿವಾಟು ನಡೆಸದಂತೆ ಸೆಬಿ ನಿರ್ಬಂಧ ಹೇರಿದೆ. ಒಟ್ಟಾರೆ ಪ್ಯಾನ್ ಒದಗಿಸದ ಗ್ರಾಹಕರಿಗೆ ಷೇರು ಪೇಟೆ ಮುಚ್ಚಿದ್ದಂತಾಗಿದೆ.

ಆದಾಯ ತೆರಿಗೆ ಕಟ್ಟಲು ಇಂದೇ ಕೊನೆ ದಿನ ಇದನ್ನು ಓದಿ: ಆದಾಯ ತೆರಿಗೆಯನ್ನು ನಾವೇಕೆ ಕಟ್ಟಬೇಕು?