ನೆರೆ : ಬಯೋಕಾನ್ ನಿಂದ 10 ಕೋಟಿ ನೆರವು

ಬೆಂಗಳೂರು, ಅ. 22 : ನೆರೆ ಸಂತ್ರಸ್ಥರಿಗೆ ಪುನರ್ವಸತಿ ಕಲ್ಪಿಸಲು ಐಟಿ ಕಂಪನಿಗಳು ನೆರವಾಗಬೇಕು ಎಂದು ಸರಕಾರ ಮಾಡಿಕೊಂಡ ಮನವಿಗೆ ಬಯೋಕಾನ್ ಕಂಪನಿ ಸ್ಪಂದಿಸಿದ್ದು, ಲಕ್ಷ ರುಪಾಯಿ ವೆಚ್ಚದಲ್ಲಿ 1000 ಮನೆಗಳ ನಿರ್ಮಾಣದ ವೆಚ್ಚವನ್ನು ಕಂಪನಿ ಭರಿಸುವುದಾಗಿ ಬಯೋಕಾನ್ ಮುಖ್ಯಸ್ಥ ಕಿರಣ್ ಮುಜಮ್ ದಾರ್ ಹೇಳಿದರು.

ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ ಅವರು, ಪ್ರವಾಹದಿಂದ ಉತ್ತರ ಕರ್ನಾಟಕದಲ್ಲಿ ಲಕ್ಷಾಂತರ ಜನರು ವಸತಿಹೀನರಾಗಿದ್ದಾರೆ. ರೈತರ ಬೆಳೆಗಳು ಸಂಪೂರ್ಣ ನಾಶವಾಗಿವೆ. ಸಂಕಷ್ಟದ ಹೊತ್ತಿನಲ್ಲಿ ಸಂತ್ರಸ್ಥರ ಕೈಹಿಡಿಬೇಕಿರುವುದು ನಮ್ಮ ಕರ್ತವ್ಯವಾಗಿದೆ. ಈ ಹಿನ್ನೆಲೆಯಲ್ಲಿ ಕಂಪನಿಯೂ 10 ಕೋಟಿ ರುಪಾಯಿ ವೆಚ್ಚದಲ್ಲಿ ಲಕ್ಷ ರುಪಾಯಿಗೊಂದರಂತೆ 1000 ಮನೆಗಳನ್ನು ಕಟ್ಟಿಸಿಕೊಡಲು ತೀರ್ಮಾನಿಸಿದೆ. ಶೀಘ್ರದಲ್ಲಿ ನೆರೆಯ ಹಣವನ್ನು ಸರಕಾರಕ್ಕೆ ಕಳುಹಿಸಿಕೊಡಲಾಗುವುದು ಎಂದು ಮುಜಮ್ ದಾರ್ ವಿವರಿಸಿದರು.

(ದಟ್ಸ್ ಕನ್ನಡ ವಾರ್ತೆ)