ಟಿಸಿಎಸ್ ನ ಸಿಇಒ ಹುದ್ದೆ ತೊರೆದ ರಾಮದೊರೈ

ಮುಂಬೈ, ಅ.7: ಭಾರತದ ಅಗ್ರಗಣ್ಯ ಸಾಫ್ಟ್ ವೇರ್ ಕಂಪೆನಿ ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ಎಸ್ ರಾಮದೊರೈ ಅವರು ತಮ್ಮ ಸ್ಥಾನದಿಂದ ಕೆಳಗಿಳಿದ್ದಾರೆ.ಟಿಸಿಎಸ್ ಸಂಸ್ಥೆಯ ಸಿಒಒ ಹಾಗೂನಿರ್ವಹಣಾ ನಿರ್ದೇಶಕರಾದ ಎನ್ ಚಂದ್ರಶೇಖರನ್ ಅವರು ರಾಮದೊರೈ ಅವರ ಸ್ಥಾನವನ್ನು ತುಂಬಲಿದ್ದಾರೆ.

ಭಾರತ ಸಾಫ್ಟ್ ವೇರ್ ರಫ್ತು ಕ್ಷೇತ್ರದಲ್ಲಿ ಅಗ್ರಸ್ಥಾನದಲ್ಲಿರುವ ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ (ಟಿಸಿಎಸ್) ಸಂಸ್ಥೆಯಲ್ಲಿ ಸುಮಾರು 13 ವರ್ಷಗಳ ಕಾಲ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿ ಎಸ್ ರಾಮದೊರೈ ಕರ್ತವ್ಯ ನಿರ್ವಹಿಸಿದ್ದರು.ಸದ್ಯ ಕಂಪೆನಿಯ ಮೌಲ್ಯ ಸುಮಾರು 6 ಕೋಟಿ ಡಾಲರ್ ಗೂ ಅಧಿಕ ಎಂಬ ಅಂದಾಜಿದೆ. ಸಿಇಒ ಹುದ್ದೆಯಿಂದ ಕೆಳಗಿಳಿದರೂ ರಾಮದೊರೈ ಅವರು, ಟಿಸಿಎಸ್ ನ ವೈಸ್ ಚೇರ್ ಮನ್ ಆಗಿ ಮುಂದುವರೆಯಲಿದ್ದಾರೆ ಎಂದು ಕಂಪೆನಿ ಪ್ರಕಟಣೆಯಲ್ಲಿ ಹೇಳಲಾಗಿದೆ.

(ದಟ್ಸ್ ಕನ್ನಡ ವಾರ್ತೆ)