ಮಂಗಳೂರು : ಟ್ರೇಡ್ ಸೆಂಟರ್ ನಲ್ಲಿ ಆಕಸ್ಮಿಕ ಬೆಂಕಿ

ಮಂಗಳೂರು, ಆ. 12 : ನಗರದ ಹೃದಯಭಾಗದಲ್ಲಿರುವ ಟ್ರೇಡ್ ಸೆಂಟರ್ ನಲ್ಲಿ ಆಕಸ್ಮಿಕವಾಗಿ ಬೆಂಕಿ ಹತ್ತಿಕೊಂಡಿದ್ದು. ಸುಮಾರು 200 ಮಂದಿ ಕಟ್ಟಡದಲ್ಲಿ ಸಿಲುಕಿದ್ದರಿಂದ ಕೆಲ ಕಾಲ ತೀವ್ರ ಆತಂಕಕ್ಕೆ ಎಡೆಮಾಡಿಕೊಟ್ಟಿತು. ನಂತರ ಅಗ್ನಿಶಾಮಕ ದಳ ಹಾಗೂ ಪೊಲೀಸರ ನೆರವಿನಿಂದ ಕಟ್ಟಡದಲ್ಲಿ ಜನರನ್ನು ಪಾರು ಮಾಡಲಾಗಿದೆ. ಯಾವುದೇ ಸಾವು ನೋವುಗಳು ಸಂಭವಿಸಿಲ್ಲ ಎಂದು ಮೂಲಗಳು ತಿಳಿಸಿವೆ.

ಘಟನಾ ಸ್ಥಳಕ್ಕೆ ಆಗಮಿಸಿದ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸುವಲ್ಲಿ ಕೊನೆಗೂ ಯಶಸ್ವಿಯಾಗಿದ್ದಾರೆ. ಏಳು ಅಂತಸ್ತಿನ ಕಟ್ಟಡ ಇದಾಗಿದ್ದು, ನಾಲ್ಕನೇ ಅಂತಸ್ತಿನಲ್ಲಿರುವ ಎಲೆಕ್ಟ್ರಿಕಲ್ ಗೌಡಾನ್ ನಲ್ಲಿ ಆಕಸ್ಮಿಕವಾಗ ಹೊತ್ತಿಕೊಂಡು ಬೆಂಕಿ ನಂತರ ಇತರ ಕಟ್ಟಡಗಳಿಗೂ ಅವರಿಸತೊಡಗಿತು. ಕೆಳ ಅಂತಸ್ತಿನಲ್ಲಿದ್ದ ಜನ ಸುರಕ್ಷಿತವಾಗಿ ಪಾರಾದರು, ಆದರೆ, ಮೇಲಂತಸ್ತಿನಲ್ಲಿದ್ದವರು ಪಾಡು ದೇವರಿಗೆ ಪ್ರೀತಿ ಎನ್ನುವಂತಿತ್ತು. ಚೀರಾಟ ಕೂಗಾಟಗಳು ತೀವ್ರಗೊಂಡಿದ್ದವು. ಘಟನೆಯಲ್ಲಿ ಸಾವು ನೋವು ಸಂಭವಿಸಿಲ್ಲ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.

(ದಟ್ಸ್ ಕನ್ನಡ ವಾರ್ತೆ)