ವೆಬ್ ಪ್ರಪಂಚಕ್ಕೆ ಕಾಲಿರಿಸಿದ ಸಿದ್ದಾರೂಢ ಮಠ

ಹುಬ್ಬಳ್ಳಿ, ಮೇ. 29: ಉತ್ತರಕರ್ನಾಟಕ ಭಾಗದ ಪ್ರಸಿದ್ಧ ಮಠಗಳಲ್ಲಿ ಒಂದಾದ ಸಿದ್ದಾರೂಢ ಮಠದ ವೆಬ್ ತಾಣವನ್ನು ಮಾಜಿ ಸಚಿವ ಬಸವರಾಜ ಹೊರಟ್ಟಿ ಗುರುವಾರ ಲೋಕಾರ್ಪಣೆ ಮಾಡಿದರು.

ಈ ಸಂದರ್ಭದಲ್ಲಿ ಮಾತಾನಾಡಿದ ಹೊರಟ್ಟಿ, ಸಿದ್ದಾರೂಢ ಸ್ವಾಮೀಜಿ ಅವರು ಅದ್ವೈತ ತತ್ತ್ವಕ್ಕೆ ಹೊಸ ಆಯಾಮ ನೀಡಿದವರು, ಹಲವು ಜನರ ಕಣ್ತೆರೆಸಿದ ಮಹಾಪುರುಷರು ಶ್ರೀ ಮಠವು ವೆಬ್ ಸೈಟ್ ಆರಂಭಿಸಿರುವುದರಿಂದ ಮಠದ ಕೀರ್ತಿಯನ್ನು ಇನ್ನಷ್ಟೂ ಜನರಿಗೆ ತಲುಪಿಸಲು ಸಹಾಯಕವಾಗುತ್ತದೆ. ಇದೊಂದು ಉತ್ತಮ ಕಾರ್ಯ ಎಂದರು.

ಮಠದ ಟ್ರಸ್ಟ್ ನ ಚೇರ್ ಮನ್ ಡಾ. ಎನ್ ಆರ್ ಜೋಷಿ ಮಾತಾಡಿ, ಅತ್ಯಾಧುನಿಕ ಸೌಲಭ್ಯಗಳನ್ನು ಬಳಸಿ, ಮಠದ ಬಗ್ಗೆ ಪೂರ್ಣ ಮಾಹಿತಿ ಹಾಗೂ ಚಿತ್ರಗಳನ್ನು ಜನರಿಗಾಗಿ ನೀಡಲಾಗುತ್ತಿದೆ. ವೆಬ್ ಸೈಟ್ ಮೂಲಕ ಇನ್ನಷ್ಟು ಭಕ್ತರು ಶ್ರೀಗಳ ಬೋಧನೆಯ ಲಾಭ ಪಡೆಯುವುದು ಸಾಧ್ಯವಾದರೆ ನಮ್ಮ ಕಾರ್ಯ ಸಾರ್ಥಕ ಎನಿಸುತ್ತದೆ ಎಂದರು.

ಸಿದ್ದಾರೂಢ ಮಠದ ವೆಬ್ ತಾಣ: www.srisiddharudhaswamiji.com

(ದಟ್ಸ್ ಕನ್ನಡ ವಾರ್ತೆ)