ವಿಪ್ರೊ, ಟಿಸಿಎಸ್ ಗೆ ನೂತನ ಗುತ್ತಿಗೆ
ನವದೆಹಲಿ, ಮೇ, 15 : ಸಾಫ್ಟ್ ವೇರ್ ರಫ್ತು ಸಂಸ್ಥೆ ವಿಪ್ರೊದ ಅಂಗಸಂಸ್ಥೆ ಇನ್ಫೋಕ್ರಾಸಿಂಗ್ ಗೆ ಅಮೆರಿಕ ಮೂಲದ ಸುನೊಕೋ ಕಂಪನಿಯಿಂದ 34 ದಶಲಕ್ಷ ಡಾಲರ್ ಮೊತ್ತದ ಗುತ್ತಿಗೆ ಪಡೆದಿರುವುದಾಗಿ ತಿಳಿಸಿದೆ. ದೇಶದ ಸಾಫ್ಟ್ ವೇರ್ ದಿಗ್ಗಜ ಟಿಸಿಎಸ್ ಯು ವೊಕ್ಸ್ ವ್ಯಾಗನ್ ಕಂಪನಿಯ ಲಂಡನ್ ಘಟಕದಿಂದ 5 ವರ್ಷಗಳ ಐಟಿ ಗುತ್ತಿಗೆ ಪಡೆದಕೊಂಡಿದೆ.
ಪೆಟ್ರೋಲಿಯಂ ಮತ್ತು ಅದರ ಉತ್ಪನ್ನಗಳ ಮಾರಾಟ ಸಂಸ್ಥೆ ಸುನೊಕೋ ನೀಡಿರುವ ಈ ಗುತ್ತಿಗೆ ನಾಲ್ಕು ವರ್ಷ ಅವಧಿಯದ್ದಾಗಿದೆ. ಈ ಗುತ್ತಿಗೆ ಮೂಲಕ ಸನೊಕೋ ಇನ್ಫೋ ಕ್ರಾಸಿಂಗ್ ಜೊತೆಗಿನ 13 ವರ್ಷಗಳ ಬಾಂಧವ್ಯವನ್ನು ಮುಂಜುವರಿಸಿದೆ. ಐಟಿ ಸಂಸ್ಥೆಯು 1996 ರಿಂದ ಆಡಳಿತಾತ್ಮಕ ಮೂಲಸೌಕರ್ಯ ಹೊರಗುತ್ತಿಗೆ ಸೇವೆಯನ್ನು ಒದಗಿಸುತ್ತದೆ.
ಟಿಸಿಎಸ್ ಗೆ ವೋಕ್ಸ್ ವ್ಯಾಗನ್ ಬಿಪಿಒ
ದೇಶದ ಸಾಫ್ಟ್ ವೇರ್ ದಿಗ್ಗಜ ಟಿಸಿಎಸ್ ಯು ವೊಕ್ಸ್ ವ್ಯಾಗನ್ ಕಂಪನಿಯ ಲಂಡನ್ ಘಟಕದ ಐಟಿ ಗುತ್ತಿಗೆ ಪಡೆದಿರುವುದಾಗಿ ತಿಳಿಸಿದೆ. ಇದು 5 ವರ್ಷದ ಗುತ್ತಿಯಾಗಿದ್ದು, ಟಿಸಿಎಸ್ ಕಾರುಗಳ ಉತ್ಪಾದನೆ ಕುರಿತು ಐಟಿ ಟ್ರಾನ್ಸ್ ಪಾರ್ಮೇಶನ್ ಮತ್ತು ಬೆಂಬಲ ಸೇವೆಯನ್ನು ಒದಗಿಸಲಿದೆ. ಗುತ್ತಿಗೆ ಮೊತ್ತದ ಬಗ್ಗೆ ಕಂಪನಿ ವಿವರ ಬಹಿರಂಗಪಡಿಸಿಲ್ಲ. ಒಪ್ಪಂದ ಪ್ರಕಾರ ಲಂಡನ್ ನಲ್ಲಿರುವ ವೋಕ್ಸ್ ವ್ಯಾಗನ್ ಬ್ರ್ಯಾಂಡ್ ಗಳಾದ ಆಡಿ, ಸಿಯೆಟ್, ಸ್ಕೋಡಾ, ವೋಕ್ಸ್ ವ್ಯಾಗನ್ ಪ್ಯಾಸೆಂಜರ್ ಕಾರ್ ಹಾಗೂ ವಾಣಿಜ್ಯ ವಾಹನಗಳಿಗೆ ಸ್ಥಳೀಯ ಮತ್ತು ಸಾಗರೋತ್ತರ ಐಟಿ ಸೇವೆಯನ್ನು ಒದಗಿಸುವ ಸಲುವಾಗಿ ವಿತರಣಾ ಜಾಲವನ್ನು ಬಳಿಸಿಕೊಳ್ಳಲಿದೆ ಎಂದು ಟಿಸಿಎಸ್ ಹೇಳಿದೆ.
(ಏಜನ್ಸೀಸ್)