ಕಂಟಿನೆಂಟಲ್ ನಲ್ಲಿ ನೂತನ ತಾಂತ್ರಿಕ ಕೇಂದ್ರಕ್ಕೆ ಚಾಲನೆ

ಬೆಂಗಳೂರು, ಮಾ. 25 : ಅಂತಾರಾಷ್ಟ್ರೀಯ ಅಟೋಮ್ಯಾಟಿವ್ ಸಪ್ಲೈಯರ್ ಆಗಿರುವ ಕಂಟಿನೆಂಟಲ್ ಇಂಡಿಯಾ ಕಂಪನಿಯೂ ಅಟೋಮ್ಯಾಟಿವ್ ತಂತ್ರಜ್ಞಾನದ ನೂತನ ತಾಂತ್ರಿಕ ಕೇಂದ್ರಕ್ಕೆ ಇಂದು ಚಾಲನೆ ನೀಡಿತು.

ನೂತನ ತಾಂತ್ರಿಕ ಕೇಂದ್ರವನ್ನು ಉದ್ಘಾಟಿಸಿದ ಮುಖ್ಯಸ್ಥ ಡಾ ಗುನ್ನರ್ ಜರ್ಗನ್, ಸಾಫ್ಟವೇರ್ ಉದ್ಯಮದ ಮೂರು ಪ್ರತಿಷ್ಠಿತ ಕಂಪನಿಗಳಾದ ಸಿಮನ್ಸ್ ಇನ್ ಫರ್ಮೆಷನ್ ಲಿಮಿಟೆಡ್, ಕಮಿನ್ಸ್ ಇನ್ಫೋಸಿಸ್ಟಮ್ಸ್ ಲಿಮಿಟೆಡ್ ಹಾಗೂ ವಿಪ್ರೋ ಕಂಪನಿಯ ಸಹಯೋಗದಲ್ಲಿ ನಗದರ ಹೊಸೂರು ರಸ್ತೆಯಲ್ಲಿರುವ ಬೊಮ್ಮನಹಳ್ಳಿಯಲ್ಲಿರುವ ಕಂಟಿನೆಂಟಲ್ ಕಂಪನಿಯಲ್ಲಿ ನೂತನ ತಾಂತ್ರಿಕ ಕೇಂದ್ರ ಕಾರ್ಯನಿರ್ವಹಿಸಲಿದೆ ಎಂದು ತಿಳಿಸಿದರು.

ಈ ನೂತನ ತಾಂತ್ರಿಕ ಕೇಂದ್ರದಲ್ಲಿ 600 ಸಾಫ್ಟವೇರ್ ತಜ್ಞರು ಕಾರ್ಯನಿರ್ವಹಿಸಲಿದ್ದು, ಅಟೋಮ್ಯಾಟಿವ್ ವಿಭಾಗದ ಅಭಿವೃದ್ಧಿಯನ್ನು ಶೇ. 20 ರಷ್ಟು ಹೆಚ್ಚಿಸುವ ಗುರಿ ಇರಿಸಿಕೊಳ್ಳಲಾಗಿದೆ. ಜಾಗತಿಕ ಮಟ್ಟದಲ್ಲಿ ಕೇಂದ್ರ ಕಾರ್ಯನಿರ್ವಹಿಸಲಿದೆ. ಈ ಕೇಂದ್ರದಲ್ಲಿ ಮುಖ್ಯವಾಗಿ ಇಂಜಿನ್ ಮ್ಯಾನೇಮೆಂಟ್ ನ ಅಭಿವೃದ್ಧಿ ಮತ್ತು ಪರೀಕ್ಷೆ. ಟೆಲಿಮ್ಯಾಟಿಕ್ ಸಿಸ್ಟಮ್ ಅಭಿವೃದ್ಧಿ. ಎನರ್ಜಿ ಮ್ಯಾನೇಜ್ ಮೆಂಟ್ ನ ಅಭಿವೃದ್ಧಿ ಮತ್ತು ಪರೀಕ್ಷೆ ಸೇರಿದಂತೆ ಅನೇಕ ಸೇವೆಗಳನ್ನು ಗ್ರಾಹಕರಿಗೆ ಒದಗಿಸಲಾಗುವುದು ಎಂದು ಗುನ್ನರ್ ಹೇಳಿದರು.

(ದಟ್ಸ್ ಕನ್ನಡ ವಾರ್ತೆ)
ಇನ್ಫಿ ಉದ್ಯೋಗಿಗಳಿಗೆ ಎನ್ ಜಿಒದಲ್ಲಿ ಆಫರ್