ಬಿಜೆಪಿಗೆ ನಿಮ್ಮ ಐಡಿಯಾ ಬೇಕಂತೆ

ಭಾರತೀಯ ಜನತಾಪಕ್ಷ ಕರ್ನಾಟಕ ಘಟಕದ ವತಿಯಿಂದ ನಮ್ಮ ವೆಬ್ ಜಾಲಕ್ಕೆ ಬಂದಿರುವ ಒಂದು ಮನವಿಯನ್ನು ಇಲ್ಲಿ ಪ್ರಕಟಿಸಲಾಗಿದೆ. ಕರ್ನಾಟಕದ ಸರ್ವತೋಮುಖ ಬೆಳವಣಿಗೆಯ ದೃಷ್ಟಿಯಿಂದ ಭಾಜಪ ನೀಡಿರುವ ಈ ಕರೆಗೆ ನಮ್ಮ ಓದುಗರು ಸ್ಪಂದಿಸುತ್ತಾರೆ ಎಂಬ ನಿರೀಕ್ಷೆ ನಮ್ಮದು. ರಾಜ್ಯದ ಏಳಿಗೆಗೆ ನಿಮ್ಮದೊಂದು ಐಡಿಯಾ ಕೊಡಿ ಎಂದು ಕೇಳಿದರೆ ವಲ್ಲೆ ಎಂದು ಯಾರು ಹೇಳುತ್ತಾರೆ!-

***

ಕರ್ನಾಟಕದ ಅಭಿವೃದ್ಧಿಗಾಗಿ ದಟ್ಸ್ ಕನ್ನಡದ ಓದುಗರ ಸಲಹೆಗಳು ಬೇಕಾಗಿದೆ. ಅದಕ್ಕಾಗಿ ನಮ್ಮ ನವೀಕರಿಸಿದ ಅಂತರ್ಜಾಲ ತಾಣದಲ್ಲಿ ಸಲಹೆಗಳನ್ನು ಆಹ್ವಾನಿಸುತ್ತಿದ್ದೇವೆ. ಜಗತ್ತಿನಾದ್ಯಂತ, ಭಾರತದಾದ್ಯಂತ ಮತ್ತು ಕರ್ನಾಟಕದಾದ್ಯಂತ ನೆಲೆಸಿರುವ ಕನ್ನಡ ಅಭಿಮಾನಿ ಓದುಗರು ಸಲಹೆಗಳನ್ನು ಕೊಡಬೇಕಾಗಿ ವಿನಂತಿ.

ಭಾರತೀಯ ಜನತಾ ಪಕ್ಷವನ್ನು ಬಹುಮತದಿಂದ ಆರಿಸಿ ಆಡಳಿತ ನಡೆಸುವಂತೆ ಅನುಗ್ರಹಿಸಿದ ಕರ್ನಾಟಕದ ಮತದಾರ ಬಾಂಧವರಿಗೆ ಧನ್ಯವಾದಗಳು. ನಮ್ಮನ್ನು ಚುನಾಯಿಸಿದ ಮತದಾರ ಬಂಧುಗಳೇ ನಮಗೆ ಅಭಿವೃದ್ಧಿ ಪಥದಲ್ಲಿ ಮಾರ್ಗದರ್ಶಕರು. ಕರ್ನಾಟಕ ಹೇಗಿರಬೇಕು, ನಮ್ಮ ಸರಕಾರದಿಂದ ಯಾವ ಬದಲಾವಣೆಗಳನ್ನು ನೀವು ಬಯಸುತ್ತೀರಿ, ನಿಮ್ಮ ಕನಸಿನ ಕರ್ನಾಟಕ ಹೇಗಿರಬೇಕೆಂಬ ನಿಮ್ಮ ಭಾವನೆ, ಅಭಿಪ್ರಾಯಗಳನ್ನು ನಮ್ಮೊಂದಿಗೆ ಹಂಚಿಕೊಳ್ಳಿ. ಪ್ರಜಾಪ್ರಭುತ್ವದಲ್ಲಿ ಪ್ರಭುಗಳಾದ ನೀವು ಭವಿಷ್ಯದ ಕರ್ನಾಟಕವನ್ನು ರೂಪಿಸುವಲ್ಲಿ ನಿಮ್ಮ ಸರಕಾರದ ಜೊತೆಗೂಡಿ.

-ಕರ್ನಾಟಕ ರಾಜ್ಯ ಬಿಜೆಪಿ ; ಇ-ಮೇಲ್ ವಿಳಾಸ : [email protected]

***

ನಿಮ್ಮ ಸಲಹೆಗಳನ್ನು ಈ ಕೊಂಡಿಯಲ್ಲಿ ದಾಖಲಿಸಬಹುದು : http://bjpkarnataka.org/your-idea/your-idea-that-can-change-karnataka/ ದಟ್ಸ್ ಕನ್ನಡ ವತಿಯಿಂದ ಸೂಚಿಸಲಾಗುವ ಸಲಹೆಗಳನ್ನು ದಟ್ಸ್ ಕನ್ನಡ ಪುಟಗಳಲ್ಲೂ ದಾಖಲಿಸಲಾಗುವುದು. ನಿರೀಕ್ಷಿಸಿ.