ಲಂಡನ್ ನಲ್ಲಿ ಆಶ್ರಯ ಪಡೆಯಲಿರುವ ಮುಷರಫ್

ಇಸ್ಲಾಮಾಬಾದ್, ಆ. 19 : ಪಾಕ್ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿರುವ ಪರ್ವೇಜ್ ಮುಷರಫ್ ತಮ್ಮ ನಿವೃತ್ತಿ ಜೀವನವನ್ನು ಲಂಡನ್ ನಲ್ಲಿ ಕಳೆಯಲು ನಿರ್ಧರಿಸಿದ್ದಾರೆ ಎಂದು ಪಾಕ್ ಅಧ್ಯಕ್ಷ ಕಚೇರಿ ಮೂಲಗಳು ತಿಳಿಸಿವೆ
.
ಮುಷರಫ್ ಅವರ ರಾಜಕೀಯ ಆಪ್ತ ಕಾರ್ಯದರ್ಶಿಯೊಬ್ಬರ ಪ್ರಕಾರ, ಮಾಜಿ ಅಧ್ಯಕ್ಷ ಮುಷರಫ್ ಮುಸ್ಲಿಂ ರಾಷ್ಟ್ರವಾದ ಸೌದಿ ಅರೇಬಿಯಾದಲ್ಲಿ ವಾಸಿಸಲು ಇಚ್ಚಿಸಿದ್ದರು. ಆದರೆ ಸುಧೀರ್ಘ ಚರ್ಚೆಯ ನಂತರ ಅಧಿಕಾರವಧಿ ಕೊನೆಗೊಂಡ ಹಿನ್ನೆಲೆಯಲ್ಲಿ ತಮ್ಮ ನಿವೃತ್ತಿ ಜೀವನವನ್ನು ಲಂಡನ್ ನಲ್ಲಿ ಕಳೆಯಲಿದ್ದಾರೆ ಎಂದು ತಿಳಿಸಿದ್ದಾರೆ. ವಾಗ್ದಂಡನೆಗೂ ಮೊದಲು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿರುವ ಮುಷರಫ್ ವಿರುದ್ಧ ಆಡಳಿತ ಪಕ್ಷ ಅವರ ಮೇಲೆ ಕೆಲ ಆರೋಪಗಳನ್ನು ಹೊರಿಸಿ ಅವರನ್ನು ಬಂಧಿಸುವ ಕುರಿತು ನಿರಾಕರಿಸಿದ ಮೂಲಗಳು, ಅಂಥ ಯಾವ ಕ್ರಮಗಳು ಸರ್ಕಾರದ ಮುಂದೆ ಇಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ಭಯೋತ್ಪಾದನೆ ದಮನಕ್ಕೆ ಅಮೆರಿಕದೊಂದಿಗೆ ಕೈಜೋಡಿಸಿದ್ದ ಅಧ್ಯಕ್ಷ ಮುಷರಫ್ ಅವರು ಇತ್ತೀಚಿನ ದಿನಗಳಲ್ಲಿ ಅಷ್ಟಾಗಿ ಸ್ಪಂದಿಸುತ್ತಿಲ್ಲ. ಆದರೆ ಸೋಮವಾರ ರಾಜೀನಾಮೆ ನೀಡಿದ ಅವರನ್ನು ಗೌರವದಿಂದ ಬಿಳ್ಕೊಡಬೇಕಾಗಿದೆ ಎಂದು ಜಾರ್ಜ್ ಬುಷ್ ಸರ್ಕಾರ ಸೂಚಿಸಿದೆ.

(ಏಜೆನ್ಸೀಸ್)