ವಿಶ್ವರಂಗಭೂಮಿ ರಾಯಭಾರಿಯಾಗಿ ಕಾರ್ನಾಡ್

ನವದೆಹಲಿ, ಆ.19: ಖ್ಯಾತ ನಾಟಕಕಾರ ಹಾಗೂ ನಟ ಗಿರೀಶ್ ಕಾರ್ನಾಡ್ ಅವರು ಯುನೆಸ್ಕೊದ ಅಂತರಾಷ್ಟೀಯ ರಂಗಭೂಮಿ ಸಂಸ್ಥೆಗೆ ವಿಶ್ವ ರಂಗಭೂಮಿ ರಾಯಭಾರಿಯಾಗಿ ಆಯ್ಕೆಯಾಗಿದ್ದಾರೆ.

ಪ್ಯಾರಿಸ್ ಮೂಲದ ಅಂತಾರಾಷ್ಟ್ರೀಯ ರಂಗಭೂಮಿ ಸಂಸ್ಥೆ ಪ್ರಪಂಚದ 12 ಮಂದಿ ಖ್ಯಾತ ರಂಗಭೂಮಿ ಕಲಾವಿದರಿಗೆ ಈ ಗೌರವ ನೀಡಿದೆ. ಬ್ರಿಟನ್‌ನ ಪೀಟರ್ ಬ್ರೂಕ್,ಇಟಲಿಯ ಡೇರಿಯೊ ಫೊ,ಫ್ರಾನ್ಸ್‌ನ ಅರೈನೆ ನೌಕಿನ್,ಜರ್ಮನಿಯ ಪಿನಾ ಬಾಷ್ ಈ ಗೌರವಕ್ಕೆ ಪಾತ್ರರಾದ ಪ್ರಮುಖರು.

ಕಳೆದ 40 ವರ್ಷಗಳಿಂದ ಸಮಕಾಲೀನ ಭಾರತದ ಬಗ್ಗೆ ಬರೆದ ಕಾರ್ನಾಡರ ಹಲವಾರು ಪ್ರಸಿದ್ಧ ನಾಟಕಗಳು ಇತರೆ ಭಾರತೀಯ ಭಾಷೆಗಳಿಗೆ ಅನುವಾದಗೊಂಡಿವೆ. ಕಾರ್ನಾಡರಿಗೆ ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿ(1972),ಪದ್ಮಶ್ರೀ(1974) ಹಾಗೂ ಪದ್ಮಭೂಷಣ್ (1992) ಪ್ರಶಸ್ತಿಗಳನ್ನು ಕೊಟ್ಟು ಗೌರವಿಸಲಾಗಿದೆ.

(ದಟ್ಸ್‌ಕನ್ನಡ ವಾರ್ತೆ)