ಸಿಸಿಬಿ ಬಲೆಗೆ ಬಿದ್ದ ವನ್ಯಜೀವಿ ಚರ್ಮ ಮಾರಾಟ ಜಾಲ

ಬೆಂಗಳೂರು, ಆ.19: ನಗರದ ಪೊಲೀಸರು ಸೋಮವಾರ ವನ್ಯಜೀವಿಗಳ ಚರ್ಮವನ್ನು ಮಾರಾಟ ಮಾಡಲು ಯತ್ನಿಸುತ್ತಿದ್ದ ಮೂವರನ್ನು ಬಂಧಿಸಿದ್ದಾರೆ.

ನಗರದ ಹೊರವಲಯದಲ್ಲಿ ಬಂಧಿತರು ಸುಮಾರು 15 ಲಕ್ಷ ರು ಮೌಲ್ಯದ ಎರಡು ಹುಲಿ ಚರ್ಮವನ್ನು ಮಾರಾಟದಲ್ಲಿ ತೊಡಗಿದ್ದರು ಎನ್ನಲಾಗಿದೆ. ಸುದ್ದಿ ತಿಳಿದು ಸ್ಥಳಕ್ಕೆ ಧಾವಿಸಿದ ನಗರದ ಅಪರಾಧಿ ವಿಭಾಗ (ಕೇಂದ್ರ) ಪೊಲೀಸರ(ಸಿಸಿಬಿ)ತಂಡ ಮೂವರನ್ನು ಸೆರೆ ಹಿಡಿದು, ಹುಲಿ ಚರ್ಮಗಳನ್ನು ವಶಪಡಿಸಿಕೊಂಡಿದ್ದಾರೆ.

ಬಂಧಿತರಲ್ಲಿ ಒಬ್ಬನನ್ನು ತಮಿಳುನಾಡಿನ ಕೃಷ್ಣಗಿರಿ ಮೂಲದ ಎಸ್ ಕೋದಂಡಪಾಣಿ ಎಂದು ಗುರುತಿಸಲಾಗಿದೆ. ಉಳಿದವರಾದ ಪಿ. ವೆಂಕಟಸ್ವಾಮಿ ಹಾಗೂ ಎಂ. ಡೇವಿಡ್ ಕುಮಾರ್ ಅವರನ್ನು ಸ್ಥಳೀಯರೆಂದು ಹೇಳಲಾಗಿದೆ. ನಗರದ ಹೊರವಲಯದ ಚಂದಾಪುರ ಸಮೀಪದ ಧಾಬಾವೊಂದರಿಂದ ಹುಲಿಚರ್ಮವನ್ನು ಗಳಿಸಿದ್ದಾಗಿ ಬಂಧಿತರು ಹೇಳಿದ್ದಾರೆ, ತನಿಖೆ ಜಾರಿಯಲ್ಲಿದೆ ಎಂದು ಪೊಲೀಸರು ತಿಳಿಸಿದರು.

(ದಟ್ಸ್ ಕನ್ನಡ ವಾರ್ತೆ)

ಶಿವಮೊಗ್ಗ: ಹಕ್ಕಿಪಿಕ್ಕಿಗಳ ಸೆರೆ, ಪ್ರಾಣಿಗಳ ಚರ್ಮ ವಶ