ನಗರದಲ್ಲಿ 5 ಲಕ್ಷ ಮೌಲ್ಯದ ನಕಲಿ ಸಿಡಿಗಳು ವಶ
ಬೆಂಗಳೂರು, ಆ. 10 : ನಗರದ ಎಸ್ ಪಿ ರಸ್ತೆಯಲ್ಲಿರುವ ಹತ್ತು ಅಂಗಡಿಗಳು ಮತ್ತು ಗೋದಾಮುಗಳ ಮೇಲೆ ದಾಳಿ ನಡೆಸಿ ವಿವಿಧ ಭಾಷೆಯ 5 ಲಕ್ಷ ಮೌಲ್ಯದ ನಕಲಿ ಸಿಡಿಗಳನ್ನು ವಶಪಡಿಸಿಕೊಳ್ಳುವಲ್ಲಿ ಕಬ್ಬನ್ ಪಾರ್ಕ್ ಪೊಲೀಸರು ಇಂದು ಯಶಸ್ವಿಯಾಗಿದ್ದಾರೆ.
ಕಳೆದ ಅನೇಕ ದಿನಗಳಿಂದ ಎಸ್ ಪಿ ರಸ್ತೆಯಲ್ಲಿ ನಕಲಿ ಸಿಡಿ ಜಾಲ ಕಾರ್ಯನಿರ್ವಹಿಸುತ್ತಿತ್ತು. ಇದರಿಂದ ಗ್ರಾಹಕರು ಮೋಸ ಹೋಗುತ್ತಿರುವುದು ಮಾಮೂಲು ಸಂಗತಿಯಾಗಿತ್ತು. ಈ ಬಗ್ಗೆ ಕಬ್ಬನ್ ಪಾರ್ಕ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ನಕಲಿ ಸಿಡಿ ಜಾಲ ಬೇಧಿಸಲು ಮಹತ್ವದ ಕಾರ್ಯಚರಣಿ ನಡೆಸಿದ ಕಬ್ಬನ್ ಪಾರ್ಕ್ ಪೊಲೀಸರು, ಇಂದು ಹತ್ತು ಅಂಗಡಿಗಳು ಸೇರಿ ಗೋದಾಮುಗಳು ಮೇಲೆ ದಾಳಿಸಿದ್ದಾರೆ. ವಿವಿಧ ಭಾಷೆಯ ಒಟ್ಟು 5 ಲಕ್ಷ ಮೌಲ್ಯದ ನಕಲಿ ಸಿಡಿಗಳನ್ನು ವಶಪಡಿಸಿಕೊಂಡು ಪ್ರಕರಣವನ್ನು ದಾಖಲಿಸಿಕೊಂಡಿದ್ದಾರೆ.
ಮೈಸೂರು, ತುಮಕೂರು ರಸ್ತೆಗಳಲ್ಲಿ ಕೂಡ ನಕಲಿ ಸಿಡಿಜಾಲ ಹರಡಿರುವ ಸುದ್ದಿ ಬಂದಿದ್ದು, ಈ ಬಗ್ಗೆ ಹುಡುಕಾಟ ಜಾರಿಯಲ್ಲಿದೆ ಎಂದು ಕಬ್ಬನ್ ಪಾರ್ಕ್ ಪೊಲೀಸ್ ಠಾಣಾಧಿಕಾರಿ ತಿಳಿಸಿದರು.
(ದಟ್ಸ್ ಕನ್ನಡ ವಾರ್ತೆ)
ಮೈಸೂರಿನಲ್ಲಿ
20
ಸಾವಿರ
ನಕಲಿ
ಸಿಡಿಗಳ
ವಶ
ಗೂಂಡಾ
ಕಾಯ್ದೆ
ಜಾರಿಗೆ
ಜಯಮಾಲಾ
ಆಗ್ರಹ
ನಕಲಿ
ಸಿಡಿಜಾಲದಲ್ಲಿ
ಗಣೇಶ್
ಚಿತ್ರಗಳಿಗೆ
ಡಿಮ್ಯಾಂಡ್