ಹೊಸ ಡಿಜಿಪಿ, ಹೊಸ ಮುಖ್ಯ ಕಾರ್ಯದರ್ಶಿ ಯಾರು?

ಬೆಂಗಳೂರು : ರಾಜ್ಯ ಪೊಲೀಸ್‌ ಮಹಾನಿರ್ದೇಶಕ(ಡಿಜಿಪಿ)ರಾಗಿ ಕೆ.ಆರ್‌.ಶ್ರೀನಿವಾಸನ್‌, ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಹುದ್ದೆಗೆ ಪಿ.ಬಿ.ಮಹಿಷಿ ನೇಮಕಗೊಳ್ಳುವ ಸಾಧ್ಯತೆಗಳಿವೆ.

ರಾಜ್ಯ ಪೊಲೀಸ್‌ ಮಹಾನಿರ್ದೇಶಕ ಬಿ.ಎಸ್‌.ಸಿಯಾಲ್‌ ಅವರು ಡಿ.31ರಂದು ನಿವೃತ್ತರಾಗಲಿದ್ದು, ಅವರ ಸ್ಥಾನಕ್ಕೆ ಸಿಒಡಿಯ ಮಹಾನಿರ್ದೇಶಕ ಶ್ರೀನಿವಾಸನ್‌ ಹೆಸರು ಕೇಳಿಬಂದಿದೆ.

ಮತ್ತೊಂದು ಕಡೆ ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಡಾ.ಮಾಲತಿ ದಾಸ್‌ ಅವರ ಅಧಿಕಾರವಧಿ ಡಿ.31ರಂದು ಅಂತ್ಯಗೊಳ್ಳುತ್ತಿದೆ. ಅವರ ಸ್ಥಾನಕ್ಕೆ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಎ.ಕೆ.ಅಗರ್‌ವಾಲ್‌ ಅವರ ಹೆಸರು ಕೇಳಿ ಬರುತ್ತಿದೆ.

ಈ ಮಧ್ಯೆ ಪಿ.ಬಿ.ಮಹಿಷಿ ಬಗೆಗೆ ಸರ್ಕಾರ ಒಲವು ತೋರಿದೆ ಎನ್ನಲಾಗಿದ್ದು, ಅವರ ಆಯ್ಕೆ ಖಚಿತ ಎನ್ನಲಾಗಿದೆ. ಸರೋಜಿನಿ ಮಹಿಷಿ ಸಹೋದರರಾದ ಪಿ.ಬಿ.ಮಹಿಷಿ ಧಾರವಾಡ ವಿಶ್ವವಿದ್ಯಾಲಯದಲ್ಲಿ ಪದವಿ ಪಡೆದವರು.

(ದಟ್ಸ್‌ ಕನ್ನಡ ವಾರ್ತೆ)