ಅರಣ್ಯ ಇಲಾಖೆ ಮಾಹಿತಿಗೆ ವೆಬ್‌ಸೈಟ್‌ ಆರಂಭ

ಅರಣ್ಯ ಇಲಾಖೆ ಮಾಹಿತಿಗೆ ವೆಬ್‌ಸೈಟ್‌ ಆರಂಭ
www.karnatakaforestdepartment.org ನಲ್ಲಿ ಅರಣ್ಯ ಇಲಾಖೆಯ ಬಗ್ಗೆ ಸಂಪೂರ್ಣ ಮಾಹಿತಿ..

ಅರಣ್ಯ ಇಲಾಖೆಯ ಕುರಿತು ಸಮಗ್ರ ಮಾಹಿತಿಯನ್ನು ನೀಡಲು, ಇಲಾಖೆಯು ವೆಬ್‌ಸೈಟ್‌ ಆರಂಭಿಸಿದೆ ಎಂದು ಅರಣ್ಯ ಖಾತೆ ಸಚಿವ ಗುರುಪಾದಪ್ಪ ನಾಗಮಾರಪಲ್ಲಿ ತಿಳಿಸಿದ್ದಾರೆ.

ವೆಬ್‌ಸೈಟ್‌ ಉದ್ಘಾಟಿಸಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಸಚಿವ ನಾಗಮಾರಪಲ್ಲಿ ಪರಿಸರ ಪ್ರೇಮಿಗಳಿಗೆ ಇದೊಂದು ಒಳ್ಳೆಯ ಕೈಪಿಡಿ. ಈ ವೆಬ್‌ಸೈಟ್‌ ನೋಡಿ ಇತರೆ ರಾಜ್ಯಗಳಿಂದಲೂ ನಮ್ಮಲ್ಲಿನ ಅರಣ್ಯಗಳಿಗೆ ಜನರು ಬರುವಂತಾಗಬೇಕು. ವೆಬ್‌ಸೈಟ್‌ ಆರಂಭ, ಸಾರ್ವಜನಿಕರು ಇಲಾಖೆಯಾಂದಿಗೆ ನೇರವಾಗಿ ಸಂಪರ್ಕಿಸಬಹುದಾದ ವ್ಯವಸ್ಥೆಯನ್ನು ಕಲ್ಪಿಸಿದಂತಾಗಿದೆ ಎಂದರು.

ಈ ವೆಬ್‌ಸೈಟ್‌ನಲ್ಲಿ ರಾಜ್ಯದಲ್ಲಿರುವ ಅಭಯಾರಣ್ಯ, ಅವುಗಳ ವಿಸ್ತೀರ್ಣ, ಅಲ್ಲಿರುವ ಪ್ರಾಣಿ ಸಂಕುಲದ ಬಗ್ಗೆ ಮಾಹಿತಿ, ಉಳಿದುಕೊಳ್ಳಲು ಸ್ಥಳಾವಕಾಶ ಇವೇ ಮೊದಲಾದ ಮಾಹಿತಿಯನ್ನು ಕಾಣಬಹುದಾಗಿದೆ ಎಂದು ಅರಣ್ಯ ಇಲಾಖೆಯ ಮುಖ್ಯ ಸಂರಕ್ಷಣಾಧಿಕಾರಿ ಆರ್‌. ಎಂ. ರೇ. ವಿವರಿಸಿದರು.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು