ಕಸದಿಂದ ವಿದ್ಯುತ್‌ ಉತ್ಪಾದನೆ ಒಪ್ಪಂದಕ್ಕೆ ಪಾಲಿಕೆ ಸಹಿ

ಕಸದಿಂದ ವಿದ್ಯುತ್‌ ಉತ್ಪಾದನೆ ಒಪ್ಪಂದಕ್ಕೆ ಪಾಲಿಕೆ ಸಹಿ
ಗೊಬ್ಬರ ತಯಾರಿಕೆಗೆ 350 ಮೆಟ್ರಿಕ್‌ಟನ್‌ ಕಸ ಬಳಕೆ

ಕಸದಿಂದ ವಿದ್ಯುತ್‌ ಉತ್ಪಾದಿಸುವ 50ಕೋಟಿ ರೂ.ವೆಚ್ಚದ ಒಪ್ಪಂದಕ್ಕೆ ಬೆಂಗಳೂರು ಮಹಾನಗರ ಪಾಲಿಕೆ ಮತ್ತು ಶ್ರೀನಿವಾಸ ಗಾಯಿತ್ರಿ ರಿಸೋರ್ಸ್‌ ರಿಕವರಿ ಲಿಮಿಟೆಡ್‌ ಸಹಿಹಾಕಿವೆ.

ಪ್ರತಿನಿತ್ಯ ರಾಜಧಾನಿ ನಗರದಲ್ಲಿ ಸಂಗ್ರಹವಾಗುವ 2200 ಮೆಟ್ರಿಕ್‌ ಟನ್‌ ಕಸದಲ್ಲಿ, ಒಂದು ಸಾವಿರ ಮೆಟ್ರಿಕ್‌ ಟನ್‌ ಕಸವನ್ನು ಈ ಯೋಜನೆಗೆ ಬಳಸಿಕೊಳ್ಳಲಾಗುವುದು. ಈ ಕಸದಿಂದ 8 ಮೆಗಾವ್ಯಾಟ್‌ ವಿದ್ಯುತ್‌ ಉತ್ಪಾದಿಸಬಹುದು. ಯೋಜನೆಯಿಂದ ಪಾಲಿಕೆಗೆ ಕಸ ವಿಲೇವಾರಿಯ ತಲೆನೋವು ತುಸು ಕಡಿಮೆಯಾಗಲಿದೆ ಎನ್ನಲಾಗಿದೆ.

ಪಾಲಿಕೆಯ ಮೇಯರ್‌ ಆರ್‌. ನಾರಾಯಣಸ್ವಾಮಿ, ವಿಶೇಷ ಆಯುಕ್ತ ಸುಭಾಷ್‌ಚಂದ್ರ, ಎಸ್‌ಜಿ ಎಸ್‌ಆರ್‌ ಸಂಸ್ಥೆಯ ರಮೇಶ್‌ ಬಿಂಗಿ ಈ ಮಹತ್ವದ ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು